ຫວຽດນາມ ຕິດໜຶ່ງໃນ 10 ສະຖານທີ່ທ່ອງທ່ຽວທີ່ໜ້າດຶງດູດທີ່ສຸດ ປີ 2019

10:55 2019/01/11

ຍສໝ - ນັກຂ່າວຂອສຳນັກຂ່າວຫວຽດນາມ ປະຈຳນິວຢອກ ສະຫາລັດອາເມລິກາ, ລາຍງານຂ່າວຈາກແຫ່ຼງຂ່າວ ຂອງ ສະມາຄົມ ທ່ອງທ່ຽວສະຫະລັດອາເມລິກາ (USTOA) ໄດ້ຖະແຫຼງໃຫ້ຮູ້ວ່າ ສສ ຫວຽດນາມ ໄດ້ຮັບການຕີລາຄາ ຕິດຫນຶ່ງໃນ 10 ສະຖານທ່ອງທ່ຽວທີ່ຫນ້າສົນໃຈທີ່ສຸດໃນໂລກໃນປີ 2019.

ຫວຽດນາມ ຕິດໜຶ່ງໃນ 10 ສະຖານທີ່ທ່ອງທ່ຽວທີ່ໜ້າດຶງດູດທີ່ສຸດ ປີ 2019
ຖໍ້າ “ເຊີນດ່ອງ” ເປັນຫນຶ່ງໃນສະຖານທີ່ສວຍງາມຫນ້າສົນໃຈທີ່ສຸດໃນໂລກ (ພາບໂດຍ :Manh Thanh/TTXVN)

ການຈັດອັນດັບຄັ້ງນີ້ແມ່ນອີງໃສ່ຜົນຂອງການສໍາຫຼວດລ່າສຸດຂອງ PriceWaterhouseCoopers.

ຂໍ້ມູນຂ້າງເທິງແມ່ນໄດ້ ການເຜີຍແຜ່ຂອງວາລະສານ USAToday ໃນຫົວຂໍ້ທີ່ວ່າ: "ນັກທ່ອງທ່ຽວສະຫະລັດອາເມລິກາຕ້ອງການ ໄປທ່ຽວຢູ່ໃສໃນປີ 2019?". ຈາກການປະເມີນຜົນຂອງ USTOA, ເຫັນວ່າ ປະເທດອິຕາລີ ເປັນຈຸດຫມາຍທີ່ຫນ້າສົນໃຈທີ່ສຸດໃນປີ 2019, ອັນດັບສອງແມ່ນ ປະເທດໄອແລນ, ປະເທດຍີ່ປຸ່ນ, ຫວຽດນາມ, ອົດສະຕາລີ, ຝຣັ່ງ, ສະເປນ, ໂຄລໍາເບຍ, ກໍາປູເຈຍ ແລະ ໂປຕູເກດ.

ບັນດາສະມາຊິກຂອງ USTOA ກໍ່ຍັງໄດ້ຍົກລາຍຊື່ 10 ສະຖານທີ່ທ່ອງທ່ຽວໃໝ່ອັນພົ້ນເດັ່ນໃນໂລກຕື່ມອີກ. ປະເທດ ໄອແລນ ຍັງຄົງໄດ້ຮັບການຈັດອັນດັບທີໜຶ່ງ, ຕໍ່ມາແມ່ນ ປະເທດກໍາປູເຈຍ, ໂຄຣເອເຊຍ, ໂຄລໍາເບຍ, ຫວຽດນາມ, ໂປຕຸເກດ, ປະເທດບູຕານ, ໂບລິເວຍ, ມຽນມາ ແລະ ເອທິໂອເປຍ.

ທ່ານTerry Dale ປະທານ ທັງເປັນຜູ້ບໍລິຫານຂອງ USTOA ກ່າວວ່າ: "ມັນເປັນສິ່ງອັດສະຈັນຫຼາຍທີ່ໄດ້ເຫັນສະຖານທີ່ທ່ອງທ່ຽວ 5 ແຫ່ງ ຄື: ໄອແລນ, ກໍາປູເຈຍ, ໂຄລໍາເບຍ, ຫວຽດນາມແລະ ປອກຕຸຍການ ລ້ວນແລ້ວແຕ່ມີລາຍຊື່ຢູ່ໃນສອງ ລາຍການຂອງການຈັດອັນດັບ: ສະຖານທີ່ທ່ອງທ່ຽວທີ່ຫນ້າສົນໃຈ ແລະ ສະຖານທີ່ທ່ອງທ່ຽວທີ່ພົ້ນເດັ່ນໃໝ່ໃນທົ່ວໂລກ. ສິ່ງເຫຼົ່ານີ້ສະແດງໃຫ້ເຫັນວ່າການທ່ອງທ່ຽວແບບພະຈົນໄພຍັງຄົງໄດ້ຮັບການເລືອກ ຈາກນັກທ່ອງທ່ຽວສະຫະລັດ. "

ໃນຂະນະດຽວກັນ, ການສໍາຫຼວດທີ່ຜ່ານມາໂດຍບໍລິສັດ Booking.com ເຫັນວ່າ 45% ໃນຈຳນວນນັກທ່ອງທ່ຽວ 21.500 ຄົນ ໃນທົ່ວໂລກໄດ້ກ່າວວ່າ: ພວກເຂົາຕ້ອງການທີ່ຈະມີປະສົບການ, ຄົ້ນຫາເພີ່ມເຕີມກ່ຽວກັບ ສະຖານທີ່ທ່ອງທ່ຽວໃໝ່ໃນປີ 2019 ເມື່ອທຽບໃສ່ປີ 2018.

ກ່ຽວກັບທ່າອ່ຽງຂອງການທ່ອງທ່ຽວໃນປີ 2019, ຫນັງສືພິມ USAToday ກ່າວວ່າ: ການປະຈົນໄພໄຂວ່ຄວ້າຫາປະສົບການ ແລະ ວັດທະນະທໍາການທ່ອງທ່ຽວ ຍັງຄົງດຶງດູດບັນດານັກທ່ອງທ່ຽວອາເມລິກາໃນປີ 2019. ປະມານ 82% ຂອງສະມາຊິກ USTOA ໄດ້ສົ່ງເສີມບໍລິການ-ການທ່ອງທ່ຽວດ້ານ ວັດທະນະທໍາ, ສິນລະປະ. ນີ້ແມ່ນທັດສະນະຂອງນັກທ່ອງທ່ຽວຊາວສະຫະລັດອາເມລິກາ ໃນການເລືອກປະຈົນໄພຂອງຕົນຫຼາຍທີ່ສຸດໃນປີ 2018.

ທ່າອ່ຽງອີກດ້ານຫນຶ່ງຂອງການທ່ອງທ່ຽວ ແມ່ນ ນັກທ່ອງທ່ຽວເປັນຈຳນວນຫຼາຍ ມັກຈະເລືອກເຊົ່າຫ້ອງຂະຫນາດໃຫຍ່ ບົນໜ້າເວບໄຊຂອງ:  Airbnb, HomeAway, VRBO ແລະ ເວັບໄຊທ໌ອື່ນໆແທນທີ່ຈະຈອງໂຮງແຮມກ່ອນຄືແຕ່ກ່ອນ.

ແນວໂນ້ມການທ່ອງທ່ຽວຂອງ ຍຸກສະໄໝ Z (ຜູ້ທີ່ເກີດໃນປີ 1990 ຈົນຮອດຕົ້ນປີ 2000) ກໍໄດ້ຮັບການກ່າວເຖິງໂດຍ USAToday. ອີງຕາມບົດລາຍງານແນວໂນ້ມປະຈໍາປີຂອງ Innovation Group, ຄົນຍຸກ Z ກໍາລັງເລີ່ມຕົ້ນການເດີນທາງທ່ອງທ່ຽວ ແລະ ແບຣນດັງຕ່າງໃນທົ່ວໂລກກໍາລັງໃຫ້ຄວາມສົນໃຈພວກເຂົາ. ນັກເດີນທາງລຸ້ນ Z ຕ້ອງການປະສົບການເດີນທາງທີ່ແທ້ຈິງ ແລະ ຊື້ໃນລາຄາທີ່ເຫມາະສົມອີກດ້ວຍ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll