ຫວຽດນາມ ຕິດລຳດັບໜື່ງໃນ 50 ປະ​ເທດ ທີ່ໜ້າ​ຄົ້ນ​ຫາ ອັນດັບຕົ້ນໆຂອງໂລກ

23:02 2018/06/24

ຍ​ສ​ໝ - ອີງຕາມການຄັດເລືອກຂອງ ໜັງສືພິມ US News(ອາເມລິກາ), ຫວຽດນາມນອນຢູ່ໃນອັນດັບທີ 43/50 ປະເທດຕົ້ນໆ ທີ່ມີເສັ້ນທາງ​ທ່ອງ​ທ່ຽວພະຈົນໄພ.

ຫວຽດນາມ ຕິດລຳດັບໜື່ງໃນ 50 ປະ​ເທດ ທີ່ໜ້າ​ຄົ້ນ​ຫາ ອັນດັບຕົ້ນໆຂອງໂລກ
ການພະ​ຈົນ​ໄພ ຖ້ຳ ເຊີນ​ດ໋ອງ ແມ່ນ​ໜື່ງ​ໃນ​ບັນ​ດາ ເສັ້ນ​ທາງ​ທ່ອງ​ທ່ຽວ​ທີ່​ນັກ​ທ່ອງ​ທ່ຽວ​ຕ່າງ​ປະ​ເທດ​ຫຼາຍ​ຄົນ​ເລືອກ​ເມື່ອ​ມາ​ຮອດ​ຫວຽດ​ນາມ. 

ຕາມ​ຄຳ​ເຫັນ​ຕ່າ​ງໆ, ທິດ​ທາງ​ຂອງ​ການ​ທ່ອງ​ທ່ຽວ​ກຳ​ລັງ​ປ່ຽນ​ແປງ ເມື່ອ​ປະ​ຈຸ​ບັນ​ນັ​ບມື້​ນັບ​ມີ​ນັກ​ທ່ອງ​ທ່ຽວ​ກຳ​ລັງ​ຫັນ​ໄປ​ສູ່​ການ​ທ່ອງ​ທ່ຽວ​ແບບ​ພະ​ຈົນ​ໄພ ໃນ​ວັນ​ພັກ​ຜ່ອນ. US News ໄດ້​ລວບ​ລວມ​ລາຍ​ຊື່  50 ປະ​ເທດ​ຕົ້ນ​ຂອງ​ໂລກ ທີ່​ມີ​ການ​ເດີນ​ທາງ​ທ່ອງ​ທ່ຽວ​ແບບ​ພະ​ຈົນ​ໄພ​. US News ໄດ້​ຖາມ​ຄຳ​ຄິດ​ຄ​ຳ​ເຫັນ​ຈາກຄົນ​ຈຳ​ນວນ 21.000ຄົນ ວ່າ: ​ພວກ​ເຂົາ​ຮູ້​ສືກ​ທີ່​ດີ, ມ່ວນ, ສະ​ພາບ​ແວດ​ລ້​ອມ​ດີ, ທຳ​ມະ​ຊາດ​ດີ​ເລີດ ແລະ ເຮັດ​ໃຫ້ມີ​ຄວາມ​ຮູ້​ດຶງ​ດູດ ຕໍ່​ກັບ​ປະ​ເທດ​ໃດ​ໃນ ຫ້າ ​ປະ​ເທດນີ້. ນີ້​ແມ່ນ ຈຸດ​ພິ​ເສດ 5 ຢ່າງ ທີ່​ນຳ​ມາ​ສູ່​ການ​ເດີນ​ທາງ​ທ່ອງ​ທ່ຽວ​ແບບ​ພະ​ຈົນ​ໄພ. ພາຍ​ຫຼັງ​ໄດ້​ຮັບ​ຂໍ້​ມູນ​ສົມ​ບູນ​ແລ້ວ, US News ໄດ້​ຈັດ​ອັນ​ດັບ​ບັນ​ດາ​ປະ​ເທດ​ດັ່ງ​ກ່າວ​ຕາມ​ຄະ​ແນນ​ທີ່​ໄດ້​ຮັບ​ຈາກ​ບັນ​ດາ​ຄຳ​ຖາມ.

5 ປະເທດ ອັນ​ດັບ​ຕົ້ນໆ​ໃນ​ການ​ຈັດ​ອັນ​ດັບ​ຂອງ US News ແມ່ນ ບາຊິນ, ອິຕາລີ, ສະເປນ, ໄທ ແລະ ເກຼັກ.

ຫວຽດນາມກໍ່​ມີລາຍຊື່ໃນ​ການ​ຈັດ​ອັນ​ດັບ​ດັ່ງ​ກ່າວນີ້​ໂດຍ​ຢູ່​ໃນອັນດັບ ທີ 43 ຈາກ 50 ປະເທດ. US News ໄດ້ອະທິບາຍວ່າ: ຫວຽດນາມແມ່ນປະເທດທີ່ມີປະຊາກອນໜາ​ແໜ້ນ ແລະ ມີ​ກາ​ນ​ພັດ​ທະ​ນາ​ຢ່າງວ່ອງ​ໄວ ໜຶ່ງ​ສ່ວນ​ສາມ​ຂອງ​ປະ​ຊາ​ຊົນ ດຳ​ລົງ​ຊ​ຊີ​ວິດ​ຢູ່ໃນນະຄອນທີ່​ມີ​ຄວາມ​ຟົດ​ຟື້ນ.

ແລະ ທ່ານຮູ້ບໍ່ວ່ານັກທ່ອງທ່ຽວຕ່າງປະເທດ ມັກ​ທີ່​ຈະ​ໄປ​ພະ​ຈົນ​ໄພຢູ່ບ່ອນ​ໃດໃນປະເທດຫວຽດນາມ? ​ສະ​ຖານ​ທີ່ນັ້ນແມ່ນ: ຖ້ໍາ ​ເຊີນ​ດ໋ອງ; ຂັບລົດຈັກ ເລາະ​ໄປ​ຕາມ​ຖະ​ໜົນ​ແຄມ​ທະເລທີ່ສວຍງາມທີ່ສຸດຂອງໂລກ; ເອົາຊະນະ ອັນ​ທີ່​ເອີ້ນ​ວ່າ: ຫຼັງ​ຄາ ຂອງອິນດູຈີນ ຍອດ​ພູ ຟາງ​ຊີ​ປັງ; ​ໄປ​ສູ່​ພາກ​ຕາ​ເວັນ​ຕົກ​ສ່ຽງ​ເໜືອ ລະດູ​ເກັບກ່ຽວ​ເຂົ້າ ... ທ່ານຈົ່ງວາງແຜນ ແລະ ເລີ່ມຕົ້ນການເດີນທາງພະ​ຈົນ​ໄພ ຊອກ​ຫາ​ສິ່ງໃໝ່ໆ ໃນ​ປະ​ເທດຂອງຕົນ ແລ​ະ ​ທ່ານຈະ​ຮູ້​ວ່າ​​ທ່ານຮັກ​ປະເທດນີ້​ຫຼາຍ​ປານ​ໃດ!

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll