ຫວຽດນາມ ຍາດໄດ້ຫຼຽນຄຳ ຫຼຽນທຳອິດ ການແຂ່ງຂັນ ໂອລິມປິກ ເຍົາວະຊົນ 2018

14:02 2018/10/08

ຍສໝ - ທີ່ງານມະຫະກຳ ກິລາໂອລິມປິກ ເຍົາວະຊົນ ລະດູຮ້ອນ 2018 ຢູ່ Buenos Aires (Argentina), ໃນ ການແຂ່ງຂັນຢ່າງເປັນທາງການມື້ທີ 2 (ວັນທີ 7 ຕຸລາ ຕາມເວລາທ້ອງຖິ່ນ, ກົງກັບເຊົ້າວັນທີ 8 ຕຸລາ ເວລາຂອງຮ່າໂນ້ຍ) ນັກກິລາ ຍົກນຳ້ໜັກ ທ້າວ ໂງເຊີນ ດິ້ງ ຍາດໄດ້ຫຼຽນຄຳ ທຳອິດ ມາໃຫ້ຄະນະນັກກິລາຫວຽດນາມ.

ຫວຽດນາມ ຍາດໄດ້ຫຼຽນຄຳ ຫຼຽນທຳອິດ ການແຂ່ງຂັນ ໂອລິມປິກ ເຍົາວະຊົນ 2018

ໃນການແຂ່ງຂັນຍົກນຳ້ໜັກ ທ້າວ ໂງເຊີນ ດິ້ງ ຍົກໄດ້ 108 kg, 111 kg, 114 kg ເອົາຊະນະຜູ້ຕໍ່ສູ້ ອັນດັບສອງທີ່ຍົກໄດ້ພຽງ 109 kg ຍາດຫຼຽນຄຳທຳອິດມາໄດ້ ເຮັດໃຫ້ຄະນະ ນັກກິລາຫວຽດນາມ ມີຫຼຽນຄຳທຳອິດ ໃນການແຂ່ງຂັນ.

ທ້າວ ໂງເຊີນ ດິ້ງ , ອາຍຸ 17 ປີ ມາຈາກ ແຂວງ ຕ່ຽນຢາງ ນຳ້ໜັກລວມທີ່ຍົກໄດ້ແມ່ນ 262 kg.

ທ້າວ ໂງເຊີນ ດິ້ງ ນັກກິລາຍົກນຳ້ໜັກ ຈາກ ສສ ຫວຽດນາມ ຍາດໄດ້ຫຼຽນຄຳ .

ດ້ວຍຜົນງານຂອງ ທ້າວ ໂງເຊີນ ດິ້ງ ເຮັດໃຫ້ຄະນະນັກກິລາຫວຽດນາມ ສາມາດ ບັນລຸເປົ້າໝາຍ “ຫຼຽນຄຳ” ໃນມື້ທຳອິດຂອງການແຂ່ງຂັນເລີຍ

ໃນຄະນະດຽວກັນ ປະເພດຍິງ ນຳ້ໜັກ 44 kg. ນາງ ຫງວຽ໋ນຖິທູ ຈາງ ຂອງຫວຽດນາມ ສາມາດຍາດໄດ້ ຫຼຽນເງິນ ດ້ວຍນຳ້ໜັກລວມ 147 kg. ຫຼຽນຄຳເປັນຂອງນັກກິລາມາຈາກ ປະເທດ Venezuela Katherin Oriana ດ້ວຍນຳ້ໜັກລວມ 162 kg.

ນາງ ຫງວຽ໋ນຖິທູ ຈາງ ຂອງຫວຽດນາມ ສາມາດຍາດໄດ້ ຫຼຽນເງິນ.

ມະຫະກຳ ກິລາຊາວໝຸ່ມ ລະດູຮ້ອນ- Summer Youth Olympic Games 2018-( ເອີ້ນຫຍໍ້ແມ່ນ ກິລາໂອລິມປິກ ຊາວໜຸ່ມ) ແມ່ນມະຫະກຳກິລາສຳລັບຊາວໜຸ່ມ ຄັ້ງທີ 3 ໃນປະຫວັດສາດ ການກິລາໂລກ ໄດ້ເປີດຂື້ນໃນຕອນຄຳ່ຂອງວັນທີ 6 ຕຸລາ ຢູ່ Buenos Aires, Argentina.

ກິລາໂອລິມປິກຊາວໜຸ່ມ 2018 ມີນັກກິລາເຂົ້າຮ່ວມ ເຖິງ 3.998 ຄົນ( ປະກອບມີ ນັກກິລາຊາຍ 1.999 ຄົນ ແລະ ຍິງ 1.999 ຄົນ) ອາຍຸຕັ້ງແຕ່ 14-18ປີ ມາຈາກ 206 ປະເທດ ແລະ ພູມມິພາກໃນໂລກ.

ເຂົ້າຮ່ວມໃນມະຫະກຳກິລາຄັ້ງນີ້ຫວຽດນາມໄດ້ສົ່ງນັກກິລາ ຈຳນວນ 13 ຄົນ, ເຂົ້າແຂ່ງຂັນຍາດຫຼຽນໃນ 7 ປະເພດກິລາ ຈາກກິລາ 32 ປະເພດ ເຊິ່ງປະກອບມີ: ແລ່ນລານ, ລອຍນຳ້, ຍົກນຳ້ໜັກ, ຕີດອກປີກໄກ່, taekwondo, ຍິມນັດສະຕິກ ແລະ ເຕັ້ນ(dance sport).

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll