ຫວຽດນາມ ກຽມພ້ອມສໍາລັບກອປະຊຸຸມ ການທ່ອງທ່ຽວອາຊຽນ ປີ 2019

00:54 2019/05/13

ຍສໝ - ເວທີການທ່ອງທ່ຽວອາຊຽນ (ATF) ແມ່ນການເຄື່ອນໄຫວປະຈໍາປີ ມີຄວາມໝາຍຄວາມສໍາຄັນ ແລະ ເປັນການເຄື່ອນໄຫວໃຫຍ່ທີ່ສຸດຂອງການທ່ອງທ່ຽວອາຊຽນ ໄດ້ຈັດຂຶ້ນໃນແຕ່ລະປີຂອງບັນດາປະເທດອາຊຽນ.

ຫວຽດນາມ ກຽມພ້ອມສໍາລັບກອປະຊຸຸມ ການທ່ອງທ່ຽວອາຊຽນ ປີ  2019
ບັນຍາກາດທີ່ກອງປະຊຸມຂ່າວ

ກະຊວງວັດທະນະທໍາ, ຖະແຫຼງຂ່າວ ແລະ ທ່ອງທ່ຽວ ໄດ້ຈັດກອງປະຊຸມຖະແຫຼງຂ່າວເພື່ອແນະນໍາເວທີການທ່ອງທ່ຽວອາຊຽນ (ATF) 2019. ດ້ວຍຫົວຂໍ້ "ອາຊຽນ -  ກໍາລັງແຮງຂອງຄວາມເປັນເອກະພາບ", ATF 2019 ຈະຈັດຂຶ້ນຢ່າງເປັນທາງການທີ່ນະຄອນຮ້າລອງ,  ແຂວງກວາງນີງ  ແຕ່ວັນທີ 14-18 ມັງກອນ ປີ 2019. ຫົວຂໍ້ "ອາຊຽນ -  ກໍາລັງແຮງຂອງຄວາມເປັນເອກະພາບ" ໄດ້ສະແດງຄວາມຫມາຍຂອງຄວາມເຂັ້ມແຂງ, ຄວາມງາມຂອງ 10 ປະເທດອາຊຽນໃນການຮ່ວມມື, ເຊື່ອມຕໍ່ ກໍ່ຄື ຄວາມງາມຂອງແຕ່ລະປະເທດ ແລະ ບຸກຄົນໃນປະຊາຄົມອາຊຽນ, ສ້າງເງື່ອນໄຂເພື່ອກ້າວໄປສູ່ເປົ້າຫມາຍຂອງຄວາມຈະເລີນຮຸ່ງເຮືອງ ແລະ ຄວາມຍືນຍົງ. ກ່າວຄໍາເຫັນທີ່ກອງປະຊຸມຂ່າວ, ຮອງລັດຖະມົນຕີກະຊວງວັດທະນະທໍາ, ຖະແຫຼງຂ່າວ ແລະ ທ່ອງທ່ຽວ ເລ ກວາງ ຕູ່ງ ໄດ້ຢັ້ງຢືນວ່າ, ATF 2019 ແມ່ນໂອກາດສໍາລັບຫວຽດນາມເພື່ອຢືນຢັນ, ເສີມຂະຫຍາຍບົດບາດ ແລະ ຕໍາແຫນ່ງຂອງຕົນໃນການຮ່ວມມືດ້ານການທ່ອງທ່ຽວລະດັບພາກພື້ນ, ພ້ອມກັນນັ້ນກໍ່ແນະນໍາຮູບພາບຂອງປະເທດຫວຽດນາມ, ຄົນຫວຽດນາມ ແລະ ການທ່ອງທ່ຽວຫວຽດນາມເວົ້າລວມ, ຮ້າລອງ ແລະ ກວາງນີງ ເວົ້າສະເພາະໄປຍັງຫມູ່ເພື່ອນຕ່າງປະເທດ. ເວທີການທ່ອງທ່ຽວ ATF 2019 ຍັງເປັນເຫດການທີ່ສໍາຄັນຕໍ່ການເປັນປະທານ ASEAN  ໃນປີ 2020 ຂອງຫວຽດນາມ. 

ຮອງລັດຖະມົນຕີ ເລ ກວາງ ຕູ່ງ ກ່າວວ່າເປົ້າຫມາຍຂອງກອງປະຊຸມລັດຖະມົນຕີການທ່ອງທ່ຽວອາຊຽນ ປີ 2019 ແມ່ນແນໃສ່ເພື່ອເຮັດໃຫ້ນັກທ່ອງທ່ຽວເຂົ້າມາອາຊຽນຫຼາຍກວ່າເກົ່າ, ເຮັດໃຫ້ນັກທ່ອງທ່ຽວພໍໃຈກດ້ານຄວາມຮູ້ສຶກ, ການບໍລິການຈາກການທ່ອງທ່ຽວຢູ່ບັນດາປະເທດໃນປະຊາຄົມອາຊຽນ. ພາຍໃນຂອບເຂດຂອງ ATF, ກອງປະຊຸມລັດຖະມົນຕີ ແລະ ງານວາງສະແດງການທ່ອງທ່ຽວສາກົນ TRAVEX ... ແມ່ນໂອກາດທີ່ຈະແບ່ງປັນ ແລະ ໂຄສະນາບັນດາຜະລິດຕະພັນການທ່ອງທ່ຽວຂອງຫວຽດນາມກັບຫມູ່ເພື່ອນໃນພາກພື້ນ ແລະ ໃນໂລກ. ງານວາງສະແດງການທ່ອງທ່ຽວ TRAVEX 2019 ຢູ່ ATF ມີການເຂົ້າຮ່ວມຂອງ 346 ຮ້ານ (ຫວຽດນາມມີຫຼາຍກວ່າ 120 ຮ້ານ), ເກືອບ 1.000 ຄົນໄດ້ລົງທະບຽນ.

ພາຍໃນຂອບຂອງເວທີການທ່ອງທ່ຽວອາຊຽນ ປີ 2019 ປະກອບມີກິດຈະກໍາ ແລະ ເຫດການຈໍານວນຫຼາຍ, ແຕ່ໄດ້ສຸມໃສ່ໃນການພິທີເປີດ ແລະ ປິດ. ນີ້ແມ່ນເຫດການສອງຢ່າງທີ່ພວກເຮົາຈະສະແດງຄວາມເປັນມິດຕະພາບໃນການຕ້ອນຮັບ, ຄວາມເປັນເອກະລັກຂອງຫວຽດນາມ, ຄວາມບົ່ມຊ້ອນ ແລະ ຄວາມສາມາດໃນການຮັບໃຊ້, ເພື່ອຕອບສະຫນອງຄວາມຕ້ອງການຂອງການພັດທະນາການທ່ອງທ່ຽວຂອງຫວຽດນາມກັບເພື່ອນມິດສາກົນ. ຮອງລັດຖະມົນຕີກະຊວງວັດທະນະທໍາ, ຖະແຫຼງຂ່າວ ແລະ ທ່ອງທ່ຽວ ເລ ກວາງ ຕູ່ງ ໄດ້ໃຫ້ຮູ້ວ່າ ຫວຽດນາມມີຄວາມຄາດຫວັງວ່າຜ່ານ ATF 2019 ບັນດາລັດຖະມົນຕີການທ່ອງທ່ຽວອາຊຽນກໍ່ໄດ້ອອກຖະແຫຼງການຮ່ວມກ່ຽວກັບການຢືນຢັນຜົນໄດ້ຮັບຂອງການຮ່ວມມື, ກໍານົດທິດທາງໃນການຮ່ວມມືໃນເວລາຕໍ່ໜ້າ; ຮູບພາບການທ່ອງທ່ຽວຫວຽດນາມເວົ້າລວມ, ຮ້າລອງ ແລະ ກວາງນີງ ເວົ້າສະເພາະຈະກາຍເປັນສິ່ງທີ່ຫນ້າສົນໃຈກວ່າເກົ່າໃນການເຊື່ອມຕໍ່ກັບພາກພື້ນອາຊຽນແບບເຄື່ອນໄຫວ; ການບໍລິການດ້ານການທ່ອງທ່ຽວຂອງຫວຽດນາມໄດ້ຮັບການປັບປຸງດີຂຶ້ນ, ເຂົ້າສູ່ມາດຕະຖານທົ່ວໄປຂອງພາກພື້ນ ແລະ ໃນໂລກ; ການເຊື່ອມຕໍ່ລະຫວ່າງວິສາຫະກິດຫວຽດນາມ, ຂອງບັນດາປະເທດອາຊຽນ ແລະ ວິສາຫະກິດການທ່ອງທ່ຽວສາກົນກໍ່ຄືການລົງທຶນໃນການທ່ອງທ່ຽວຫວຽດນາມກໍ່ໄດ້ຮັບການສົ່ງເສີມ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll