ຫວຽດນາມມຸ່ງຫວັງຕ້ອນຮັບແຂກທ່ອງທ່ຽວຕ່າງປະເທດບັນລຸ 18 ລ້ານເທື່ອຄົນໃນປີ 2019

10:38 2019/01/31

ຍສໝ-ໃນປີ 2018, ຂະແໜງການທ່ອງທ່ຽວຫວຽດນາມໄດ້ຕ້ອນຮັບແຂກທ່ອງທ່ຽວຕ່າງປະເທດບັນລຸປະມານ 15,6 ລ້ານເທື່ອຄົນ, ການຮັບໃຊ້ແຂກທ່ອງທ່ຽວພາຍໃນປະເທດບັນລຸຫລາຍກວ່າ 80 ລ້ານເທື່ອຄົນ, ລາຍຮັບທັງຫມົດຈາກການທ່ອງທ່ຽວບັນລຸ 620.000 ຕື້ດົ່ງ.

ຫວຽດນາມມຸ່ງຫວັງຕ້ອນຮັບແຂກທ່ອງທ່ຽວຕ່າງປະເທດບັນລຸ 18 ລ້ານເທື່ອຄົນໃນປີ 2019
ນະຄອນດ່າໜັງຕອນກາງຄືນ

ປີ 2018 ຖືວ່າເປັນປີທີ່ປະສົບຜົນສໍາເລັດຂອງການທ່ອງທ່ຽວຫວຽດນາມດ້ວຍຜົນງານທີ່ໂດດເດັ່ນ, ການສໍາເລັດແຜນການທີ່ໄດ້ຮັບມອບຫມາຍ ແລະ ຕໍາແຫນ່ງຂອງຂະແໜງການທ່ອງທ່ຽວແມ່ນໄດ້ເພີ່ມຂຶ້ນຢ່າງຕໍ່ເນື່ອງ. ໂຄງການທ່ອງທ່ຽວ ແລະ ສະຖານທີ່ທ່ອງທ່ຽວຫລາຍແຫ່ງມີຂະຫນາດໃຫຍ່, ຄຸນນະພາບ ແລະ ວິທີການດໍາເນີນທຸລະກິດທີ່ທັນສະໄຫມ, ບັນລຸມາດຕະຖານສາກົນໃນການດໍາເນີນງານ. ການຄຸ້ມຄອງລັດກ່ຽວກັບດ້ານການທ່ອງທ່ຽວກໍ່ຄືການເຄື່ອນໄຫວທຸລະກິດດ້ານການທ່ອງທ່ຽວໄດ້ເຮັດໃຫ້ມີການປ່ຽນແປງຢ່າງຫຼວງຫຼາຍໄປຕາມທິດເປັນມືອາຊີບ, ມີຄຸນນະພາບ, ການເຂົ້າເຖິງມາດຕະຖານສາກົນ.

ໃນປີ 2018, ຂະແໜງການທ່ອງທ່ຽວຫວຽດນາມໄດ້ຕ້ອນຮັບແຂກທ່ອງທ່ຽວຕ່າງປະເທດປະມານ 15,6 ລ້ານເທື່ອຄົນ, ການຮັບໃຊ້ແຂກທ່ອງທ່ຽວພາຍໃນປະເທດບັນລຸຫລາຍກວ່າ 80 ລ້ານເທື່ອຄົນ, ລາຍຮັບທັງຫມົດຈາກການທ່ອງທ່ຽວບັນລຸ 620.000 ຕື້ດົ່ງ. ບັນດາທ້ອງຖິ່ນຕ່າງໆເປັນສະຖານທີ່ໃຈກາງທ່ອງທ່ຽວທີ່ໃຫຍ່ຂອງປະເທດທີ່ມີອັດຕາການເຕີບໂຕທີ່ເຂັ້ມແຂງເປັນຕົ້ນຄື: ນະຄອນໂຮ່ຈິມິນໄດ້ຕ້ອນຮັບແຂກທ່ອງທ່ຽວ 365 ລ້ານເທື່ອຄົນ, ໃນນັ້ນແຂກທ່ອງທ່ຽວຕ່າງປະເທດບັນລຸ 7,5 ລ້ານເທື່ອຄົນ; ຮ່າໂນ້ຍໄດ້ຕ້ອນຮັບແຂກທ່ອງທ່ຽວປະມານ 28 ລ້ານເທື່ອຄົນ, ໃນນັ້ນແຂກທ່ອງທ່ຽວຕ່າງປະເທດບັນລຸ 5,5 ລ້ານເທື່ອຄົນ, ແຂວງກວາງນີງໄດ້ຕ້ອນຮັບແຂກທ່ອງທ່ຽວບັນລຸ 12,5 ລ້ານເທື່ອຄົນ, ໃນນັ້ນແຂກທ່ອງທ່ຽວຕ່າງປະເທດບັນລຸ 5,3 ລ້ານເທື່ອຄົນ; ດ່າໜັງໄດ້ຕ້ອນຮັບແຂກທ່ອງທ່ຽວ 7.7 ລ້ານເທື່ອຄົນ, ໃນນັ້ນແຂກທ່ອງທ່ຽວຕ່າງປະເທດບັນລຸເກືອບຮອດ 3 ລ້ານເທື່ອຄົນ... ທ້ອງຖິ່ນຫຼາຍແຫ່ງກໍ່ໄດ້ຕ້ອນຮັບແຂກທ່ອງທ່ຽວດ້ວຍຈໍານວນຫຼວງຫຼາຍຈາກ 6 ລ້ານເທື່ອຄົນຂຶ້ນໄປເປັນຕົ້ນຄື: ແຄງຮວ່າ, ຫາຍຝ່ອງ, ກຽນຢາງ, ເລີມດົ່ງ, ກວາງນາມ, ແທງຫວາ...

ອ່າວຫ້າລອງ

ປີທ່ອງທ່ຽວແຫ່ງຊາດ 2019 ຈະມີ 24 ກິດຈະກໍາທີ່ຈັດຕັ້ງຂຶ້ນໃນແຂວງແຄງຮ່ວາ ແລະ ກິດຈະກໍາຈໍານວນໜຶ່ງທີ່ໄດ້ຈັດຕັ້ງຂຶ້ນໂດຍບັນດາແຂວງ, ນະຄອນທີ່ຂຶ້ນກັບສູງກາງຄຸ້ມຄອງ. ຕາມການຄາດຄະເນ, ປີທ່ອງທ່ຽວແຫ່ງຊາດ 2019 ຈະມີຫົວຂໍ້ກ່ຽວກັບ Festival ທະເລຍາຈາງ ແລະ ຊື່ວ່າ "ປີທ່ອງທ່ຽວແຫ່ງຊາດ - ບຸນທະເລຍາຈາງ - ແຄງຮວ່າ 2019". ຕາມຂ່າວທີ່ໄດ້ຮັບຮູ້ວ່າ, ປະຈຸບັນມີ 12 ແຂວງທີ່ໄດ້ມີການລົງທະບຽນບັນດາກິດຈະກໍາຕ່າງໆເພື່ອຕອບສະຫນອງລາຍການປີທ່ອງທ່ຽວແຫ່ງຊາດ 2019, ປະກອບມີ: ແຂວງກວາງນີງ, ຫາຍຝ່ອງ, ກວາງບີ່ງ, ກວາງຈີ້, ດ່າໜັງ, ກວາງນາມ, ກວາງຫງາຍ, ບີ່ງດີ້ງ, ຝູອຽນ, ນີງຖ້ວນ, ບີ່ງຖ້ວນ. ດ້ວຍເປົ້າໝາຍໃນການຕ້ອນຮັບແຂກທ່ອງທ່ຽວບັນລຸ 103 ລ້ານເທື່ອຄົນໃນປີ 2019 ເຊິ່ງໃນນັ້ນມີແຂກທ່ອງທ່ຽວຕ່າງປະເທດບັນລຸ 18 ລ້ານເທື່ອຄົນ, ໄດ້ຮັບໃຊ້ແຂກທ່ອງທ່ຽວພາຍໃນປະເທດບັນລຸ 85 ລ້ານເທື່ອຄົນ. 

ເວທີການທ່ອງທ່ຽວອາຊຽນປີ 2019 ແມ່ນເຫດການທີ່ສໍາຄັນທາງດ້ານການເມືອງ, ເສດຖະກິດ ແລະ ສັງຄົມ, ສະແດງຄວາມພະຍາຍາມຮ່ວມກັນເພື່ອສ້າງອາຊຽນເປັນສະຖານທີ່ທ່ອງທ່ຽວທີ່ເປັນຫນ້າສົນໃຈ. ໃນເວທີນີ້, ບັນດາລັດຖະມົນຕີ ແລະ ຜູ້ແທນເຂົ້າຮ່ວມໄດີປຶກສາຫາລືກ່ຽວກັບບັນຫາສໍາຄັນຕ່າງໆເພື່ອກໍານົດວິທີທິດທາງການເພີ່ມທະວີໃນການຮ່ວມມື, ການແລກປ່ຽນກ່ຽວກັບການທ່ອງທ່ຽວໃນພາກພື້ນ ແລະ ສາກົນ, ເພື່ອແນໃສ່ເປົ້າຫມາຍລວມເຊິ່ງແມ່ນການພັດທະນາຂອງປະຊາຄົມບັນດາປະເທດອາຊຽນ. 

ທະເລຍາຈາງ

ໃນນັ້ນ, ການຮ່ວມມືດ້ານການທ່ອງທ່ຽວລະຫວ່າງຫວຽດນາມ ແລະ ລາວມີຄວາມຄືບຫນ້າຢ່າງຫຼວງຫຼາຍໂດຍຜ່ານບັນດາລາຍການການທ່ອງທ່ຽວຕ່າງໆທີ່ເຊື່ອມໂຍງສອງປະເທດກັບບັນດາປະເທດໃນເສັ້ນທາງເສດຖະກິດຕາເວັນອອກ - ຕາເວັນຕົກ. ແຫລ່ງແຂກທ່ອງທ່ຽວຈາກຫວຽດນາມໄປລາວ ແລະ ຈາກລາວເຂົ້າມາຫວຽດນາມແມ່ນກໍາລັງນັບມື້ນັບເພີ່ມຂຶ້ນເນື່ອງຈາກຄວາມດຶງດູດຂອງພູມສັນຖານທໍາມະຊາດທີ່ສວຍງາມ, ທໍາມະຊາດ ແລະ ວັດທະນະທໍາທ້ອງຖິ່ນທີ່ເປັນເອກະລັກຂອງທັງສອງປະເທດ. ສາຍພົວພັນການຮ່ວມມືດ້ານການທ່ອງທ່ຽວ ລະຫວ່າງ ຫວຽດນາມ ແລະ ລາວໄດ້ສ້າງຕັ້ງຂຶ້ນຢ່າງເປັນທາງການໃນເວລາ 21 ປີແລ້ວ, ໂດຍມີການເຊັນສັນຍາການຮ່ວມມືສອງຝ່າຍດ້ານການທ່ອງທ່ຽວໃນປີ 1991.  ອົງການທ່ອງທ່ຽວແຫ່ງຊາດຂອງສອງປະເທດໄດ້ມີການແລກປ່ຽນປະສົບການໃນການສ້າງເອກະສານທາງກົດຫມາຍ, ການກໍ່ສ້າງ ແລະ ການຝຶກອົບຮົມແຫຼ່ງຊັບພະຍາກອນມະນຸດດ້ານການທ່ອງທ່ຽວ, ເຊື່ອມຕໍ່ໃນການພັດທະນາຜະລິດຕະພັນ ແລະ ການເຜີຍແຜ່ການທ່ອງທ່ຽວ. ວິສາຫະກິດຫວຽດນາມຈໍານວນຫຼາຍໄດ້ຂະຫຍາຍສາຂາ ແລະ ຕັ້ງສໍານັກງານຕົວແທນທ່ອງທ່ຽວຢູ່ລາວ.

ເຂດທ່ອງທ່ຽວຊາຍແດນຫວຽດນາມ ແລະ ລາວ

ເພື່ອເຮັດໃຫ້ການໄປມາຫາສູ່ລະຫວ່າງສອງປະເທດ, ລັດຖະບານຂອງສອງປະເທດໄດ້ຍົກເວັ້ນວີຊ່າສອງຝ່າຍໃຫ້ແກ່ພົນລະເມືອງຫວຽດນາມ ແລະ ລາວທີ່ຖືຫນັງສືຜ່ານແດນທົ່ວໄປນັບແຕ່ວັນທີ 1 ເດືອນກໍລະກົດ ປີ 2004 ເປັນຕົ້ນໄປ. ຫວຽດນາມ - ລາວມີໂອກາດທີ່ດີເພື່ອຂູດຂົ້ນທີ່ຕັ້ງພູມສັນຖານ, ທ່າແຮງບົ່ມຊ້ອນຂອງແຕ່ລະປະເທດເພື່ອການພັດທະນາຮ່ວມກັນ. ຫວຽດນາມມີທ່າແຮງໃນດ້ານເສດຖະກິດ ແລະ ການຂົນສົ່ງທາງທະເລ, ສາມາດສ້າງເງື່ອນໄຂໃຫ້ລາວໃນການເຊື່ອມຕໍ່ກັບບັນດາປະເທດໃນພາກພື້ນ ແລະ ສາກົນ ດ້ວຍທາງທະເລ. ເປັນທາງຜ່ານໃນດ້ານການຂົນສົ່ງທາງບົກຢູ່ໃນອະນຸພາກພື້ນເຂດລຸ່ມແມ່ນໍ້າຂອງ, ເຊິ່ງໄດ້ຮັບປະໂຍດຈາກການຂົນສົ່ງ ແລະ ການຄ້າ, ລາວສາມາດຊ່ວຍຫວຽດນາມໃນການຂະຫຍາຍຕະຫຼາດໄປສູ່ພາກພື້ນອາຊີຕາເວັນອອກສ່ຽງໃຕ້ ແລະ ອາຊີ. ດ້ວຍເງື່ອນໄຂຫລາຍຢ່າງທີ່ດີ, ຄວາມພະຍາຍາມ ແລະ ຄວາມຕັດສິນໃຈຂອງຂະແໜງການທ່ອງທ່ຽວຂອງສອງປະເທດ, ມີຄວາມເຊື່ອໝັ້ນວ່າການຮ່ວມມືດ້ານການທ່ອງທ່ຽວລະຫວ່າງສອງປະເທດຈະໄດ້ຮັບການພັດທະນາຂຶ້ນ, ປະກອບສ່ວນຢ່າງຕັ້ງໜ້າໃນການເພີ່ມທະວີຄວາມເຂົ້າໃຈເຊິ່ງກັນ ແລະ ກັນ, ເພີ່ມພູນຄູນສ້າງຄວາມມິດຕະພາບ, ການຮ່ວມມືພັດທະນາ ລະຫວ່າງ ລັດຖະບານ, ປະຊາຊົນຂອງສອງປະເທດຫວຽດນາມ ແລະ ລາວ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll