ສະພາແຫ່ງຊາດ ຫວຽດນາມ ແລະ ລັດຖະສະພາເອີຣົບ ເພີ່ມເຕີມຂໍ້ມູນຂ່າວສານ ແລະ ການສົນທະນາ

16:46 2019/10/31

ຍສໝ - ຕອນບ່າຍວັນທີ 30 ຕຸລາ, ຢູ່ຫໍສະພາແຫ່ງຊາດ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ ໄດ້ໃຫ້ການຕ້ອນຮັບ ຄະນະຜູ້ແທນກຳມະທິການການຄ້າສາກົນ, ລັດຖະສະພາ ເອີລົບໂດຍທ່ານ Bernd Lange, ປະທານກຳມະທິການເປັນຫົວໜ້າຄະນະເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ ຫວຽດນາມ.

ທັດສະນີຍະພາບຂອງກອງປະຊຸມ. (ພາບ: quochoi.vn)

ຕອນບ່າຍວັນທີ 30 ຕຸລາ, ຢູ່ຫໍສະພາແຫ່ງຊາດ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດ ຫວຽດນາມ ໄດ້ໃຫ້ການຕ້ອນຮັບ ຄະນະຜູ້ແທນກຳມະທິການການຄ້າສາກົນ, ລັດຖະສະພາ ເອີລົບໂດຍທ່ານ Bernd Lange, ປະທານກຳມະທິການເປັນຫົວໜ້າຄະນະເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ ຫວຽດນາມ.

ທີ່ການຕ້ອນຮັບ, ທ່ານນາງ ຫງວຽນທິກິມເງິນເນັ້ນໜັກເຖິງທັດສະນະຢ່າງສະເໝີຕົ້ນສະເໝີປາຍຂອງ ຫວຽດນາມ ແມ່ນຊຸກຍູ້ການຂຸດຄົ້ນສິນທະເລຢ່າງມີຄວາມຮັບຜິດຊອບ ແລະ ຍືນຍົງ, ເໝາະສົມກັບກົດໝາຍສາກົນ. ຫວຽດນາມ ໄດ້ ແລະ ພວມສືບຕໍ່ຜັນຂະຫຍາຍຫຼາຍມາດຕະການຄົບຊຸດເພື່ອແກ້ໄຂສະພາບການຂຸດຄົ້ນສິນທະເລຢ່າງຜິດກົດໝາຍ (IUU) ແລະ ກໍ່ສ້າງອາຊີບການປະມົງໃຫ້ຍື່ນຍົງ.  ຫວຽດນາມ ສ້າງສຳເລັດລະບົບກົດໝາຍພາຍໃນປະເທດ  ແລະ ເຂົ້າຮ່ວມບັນດາອາຍຸສັນຍາສາກົນທີ່ກ່ຽວຂ້ອງ, ສ້າງຕັ້ງຄະນະຊີ້ນຳແຫ່ງຊາດກ່ຽວກັບການຕ້ານການຂຸດຄົ້ນສິນທະເລຢ່າງຜິດກົດໝາຍ (IUU).

ສອງຝ່າຍໄດ້ເຫັນດີ ເພີ່ມທະວີຂໍ້ມູນຂ່າວສານ ແລະ ການສົນທະນາລະຫວ່າງສະພາແຫ່ງຊາດຫວຽດນາມ ແລະ ລັດຖະສະພາເອີຣົບ. (ພາບ: quochoi.vn)

ເນື່ອງໃນໂອກາດນີ້, ທ່ານນາງປະທານສະພາແຫ່ງຊາດ ກໍ່ສະເໜີໃຫ້ EU ພິຈາລະນາ, ແກ້ໄຂບັດເຫຼືອງ ໃຫ້ແກ່ສິນໃນນຳ້ຊະນິດຕ່າງໆຂອງ ຫວຽດນາມ. ສ່ວນທ່ານ Bernd Lange ຮັບຮູ້ບັນດາຄວາມມານະພະຍາຍາມຂອງ ຫວຽດນາມໃນການປະຕິບັດຄຳໝັ້ນສັນຍາຂຸດຄົ້ນສິນທະເລທີ່ມີຄວາມຮັບຜິດຊອບ ແລະ ຍືນຍົງໃນໄລຍະທີ່ຜ່ານມາ.

ການຢ້ຽມຢາມຂອງທ່ານ Bernd Lange ແມ່ນກາລະໂອກາດເພື່ອໃຫ້ສອງຝ່າຍພ້ອມກັນປຶກສາຫາລືກ່ຽວກັບບັນດາສົນທິສັນຍາ EVFTA ແລະ EVIPA ທີ່ໄດ້ຮັບການລົງນາມແລ້ວ. ທ່ານ Bernd Lange ເຊື່ອໝັ້ນວ່າ ການ ຮັບຮອງເອົາ ແລະ ຜັນຂະຫຍາຍການປະຕິບັດ 2 ສົນທິສັນຍາດັ່ງກ່າວ ຈະໄດ້ຮັບການຊຸກຍູ້ໂດຍໄວ.

ການນຳສອງທ່ານໄດ້ເຫັນດີເປັນເອກະພາບວ່າ ຄວນເພີ່ມທະວີ ການແລກປ່ຽນຂ້ໍມູນຂ່າວສານ, ການໂອ້ລົມສົນທະນາ ລະຫວ່າງສະພາແຫ່ງຊາດ ຫວຽດນາມ ແລະ ລັດຖະສະພາ ເອີລົບກ່ວາອີກເພື່ອສ້າງຕັ້ງກຸ່ມທີ່ກ່ຽວຂ້ອງຕິດຕາມກວດກາ ການປະຕິບັດບັນດາສົນທິສັນຍາດັ່ງກ່າວ. ສອງຝ່າຍໄດ້ເຫັນດີ ເພີ່ມທະວີຂໍ້ມູນຂ່າວສານ ແລະ ການສົນທະນາລະຫວ່າງສະພາແຫ່ງຊາດຫວຽດນາມ ແລະ ລັດຖະສະພາເອີຣົບ ເພື່ອສ້າງຕັ້ງບັນດາກຸ່ມທີ່ກ່ຽວຂ້ອງຕິດຕາມກວດກາການຈັດຕັ້ງປະຕິບັດຂໍ້ຕົກລົງດັ່ງກ່າວ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll