ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຕ່າງປະເທດ

13:14 2019/11/20

ຍສໝ - ຕອນເຊົ້າວັນທີ 19 ພະຈິກ, ທີ່ຮ່າໂນ້ຍ, ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດໄດ້ຈັດຕັ້ງ “ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງ ແລະ ຕ້ອນຮັບຫຼຽນໄຊເອກະລາດຊັ້ນໜຶ່ງ ຄັ້ງທີ 2” ເພື່ອແນໃສ່ສະຫຼຸບ ແລະ ຮັບເອົາບັນດາຜົນງານອັນພົ້ນເດັ່ນຂອງວຽກງານສຳລັບຊາວຫວຽດນາມ ຢູ່ຕ່າງປປະເທດ

“ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງ ແລະ ຕ້ອນຮັບຫຼຽນໄຊເອກະລາດຊັ້ນໜຶ່ງ ຄັ້ງທີ 2” ເພື່ອແນໃສ່ສະຫຼຸບ ແລະ ຮັບເອົາບັນດາຜົນງານອັນພົ້ນເດັ່ນຂອງວຽກງານສຳລັບຊາວຫວຽດນາມ ຢູ່ຕ່າງປປະເທດ, ຢັ້ງຢືນນະໂຍບາຍສະເໝີຕົ້ນສະເໝີປາຍ ແລະ ຄວາມເອົາໃຈໃສ່ອັນຍິ່ງໃຫຍ່ຂອງ ພັກ ແລະ ລັດ ຫວຽດນາມ ສຳລັບຊາວ ຫວຽດນາມອາໄສຢູ່ຕ່າງປະເທດ ໂດຍມີການເຂົ້າຮ່ວມຂອງ ທ່ານນາງດັ້ງທິງອກທິ້ງ ຮອງປະທານປະເທດ ຫວຽດນາມ, ທ່ານ ຟ້າມບິງມິງ, ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ, ທ່ານນາງເຈືອງທິມາຍ ຫົວໜ້າຄະນະຂົນຂວາຍປະຊາຊົນສູນກາງ.

ທ່ານ ຟ້າມບິງມິງ ລັດຖະມົນຕີກະຊວງການຕ່າງປະເທດ ໄດ້ມອບຫຼຽນໄຊເອກະລາດຊັ້ນໜຶ່ງຄັ້ງທີ 2 ໃຫ້ແກ່ຄະນະກຳມະການແຫ່ງລັດກ່ຽວກັບຊາວຫວຽດນາມອາໄສຢູ່ຕ່າງປະເທດ (ພາບ: baoquocte.vn)

ກ່າວຄຳເຫັນທີ່ພິທີ, ທ່ານ ຟ້າມບິງມິງ ລັດຖະມົນຕີກະຊວງການຕ່າງປະເທດ ຊີ້ແຈ້ງວ່າ: ຄະນະກຳມະການແຫ່ງລັດກ່ຽວກັບຊາວຫວຽດນາມ ທີ່ອາໄສຢູ່ຕ່າງປະເທດແມ່ນໜຶ່ງໃນບັນດາອົງການນຳໜ້າໃນວຽກງານຂົນຂວາຍປະຊາຊົນຊາວຫວຽດນາມອາໄສຢູ່ຕ່າງປະເທດກັບເມືອບ້ານເກີດເມືອງນອນ, ປະເທດຊາດ ແລະ ປະກອບສ່ວນເຂົ້າພາລະກິດຕໍ່ສູ້ປົດປ່ອຍປະເທດຊາດໄລຍະກ່ອນນີ້ກໍ່ຄືກິດຈະການສ້າງສາ ແລະ ພັດທະນາປະເທດຊາດໃນປັດຈຸບັນ. ທ່ານ ຟ້າມບິງມິງ ລັດຖະມົນຕີກະຊວງການຕ່າງປະເທດ ກ່າວວ່າ: ລະດົມແຫຼ່ງກຳລັງອັນໃຫຍ່ຫຼວງຂອງປະຊາຊົນຊາວຫວຽດນາມອາໄສຢູ່ຕ່າງປະເທດຫຼາຍກ່ວາອີກເພື່ອຮັບໃຊ້ໃຫ້ແກ່ການພັດທະນາປະເທດຊາດ, ເປັນຕົ້ນແມ່ນໃນບັນດາການເຄື່ອນໄຫວຖ່າຍທອດເຕັກໂນໂລຍີ, ການລົງທຶນ, ການຄ້າ. ປັບປຸງການເຄື່ອນໄຫວຂອງບັນດາສະມາຄົມ, ເປັນເຈົ້າການໃນການສື່ສານ, ໂຄສະນາກ່ຽວກັບສະພາບການພາຍໃນປະເທດ, ແຜນນະໂຍບາຍຂອງພັກ ແລະ ລັດ ຢ່າງວ່ອງໄວ ແລະ ທັນການ, ເພື່ອແນໃສ່ຕໍ່ສູ້ກັບຖ້ອຍທຳນອງ ເສກສັນປັ້ນແຕ່ງຂອງບັນດາກຳລັງເປັນປໍລະປັກ, ປ່ຽນແປງໃໝ່ວຽກງານສອນ ແລະ ຮຽນພາສາຫວຽດ ໃຫ້ແກ່ຊາວຫວຽດນາມ ອາໄສຢູ່ຕ່າງປະເທດ.

ໂດຍຕາງໜ້າໃຫ້ແກ່ ພັກ,ລັດ, ທ່ານນາງຮອງປະທານປະເທດຫວຽດນາມ ດັ້ງທິງອກທິ້ງ ໄດ້ມອບຫຼຽນໄຊເອກະລາດຊັ້ນໜຶ່ງຄັ້ງທີ 2 ໃຫ້ແກ່ຄະນະກຳມະການແຫ່ງລັດກ່ຽວກັບຊາວຫວຽດນາມອາໄສຢູ່ຕ່າງປະເທດ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll