ຜົນ​ງານໜັງສືພິມ 105ສະ​ບັບ ໄດ້ຮັບລາງວັນ ໜັງສືພິມ ແຫ່ງຊາດ ຄັ້ງທີ 12 ປີ 2017

10:02 2018/06/22

ຍ​ສ​ໝ - ຕອນຄ່ຳຂອງວັນທີ 21 ມິຖຸນາ , ງານມອບລາງວັນ ໜັງສືພິມ ແຫ່ງຊາດ ຄັ້ງທີ 12 -ປີ 2017 ໄດ້ຈັດຂື້ນຢ່າງສະຫງ່າງາມ ທີ່ ຫໍປະຊຸມ ຫວຽດ-ໂຊ ຮ່າໂນ້ຍ, ໃນໂອກາດຄົບຮອບ 93 ປີ ວັນໜັງສືພິມປະຕິວັດ ຫວຽດນາມ ( 21 ມິຖຸນາ 1925 – 21 ມິຖຸນາ 2018)

ຜົນ​ງານໜັງສືພິມ 105ສະ​ບັບ ໄດ້ຮັບລາງວັນ ໜັງສືພິມ ແຫ່ງຊາດ ຄັ້ງທີ 12 ປີ 2017
ຜູ່​ນຳ​ພັກ-ລັດ ທີ່​ງານ​ປະ​ກາດ​ລາງວັນ​ໜັງ​ສື​ພິມ​ແຫ່ງ​ຊາດ​ຄັ້ງ​ທີ 12 ປີ 2017.

ກ່າວ​ຄຳ​ປາ​ໄສ​ເປີດ​ງານ, ປະທານ ສະ​ມາ​ຄົມ ນັກ​ໜັງ​ສື​ພິມ ຫວຽດ​ນາມ, ບັນນາທິການໃຫຍ່ ໜັງ​ສື​ພິມ​ປະ​ຊາ​ຊົນ  ທ່ານ ທົ້ນ​ຫວິ ໃຫ້​ຮູ້​ວ່າ:  ​ລາງວັນ ໜັງ​ສື​ພິມ​ແຫ່ງ​ຊາດ ຄັ້ງ​ທີ 12 ປີ 2017 ໄດ້​ຮັບ​ການ​ຕີ​ລາ​ຄາ​ວ່າ​ເປັນ ລະ​ດູ​ການ​ທີ່​ປະ​ສົບ​ຜົນ​ສຳ​ເລັດ​ ດ້ວຍ ກ​ານ​ເຂົ້າ​ຮ່​ວມຂອງບັນ​ດາ​ຫົວ​ໜ່ວຍ ແລະ ບົດ​ຂ່າວ​ ຫຼາຍ​ທີ່​ສຸດ​ຢ່າງ​ບໍ່​ເຄີຍ​ມີ​ມາ​ກ່ອນ. ໃນ​ນັ້ນ ມີ 118 ຫົວ​ໜ່ວຍ ຂັ້ນ​ສະ​ມາ​ຄົມ ແລະ ​ບຸກ​ຄົນຈຳ​ນວນ 37 ຄົນ ເຂົ້າ​ຮ່ວມທີ່​ມີ​ຜົນ​ງານ​ການ​ຂຽນເຖິງ 1.734 ສະ​ບັບ. 

ພິ​ເສດ, ນີ້ແມ່ນຄັ້ງທໍາອິດສະມາຄົມນັກຂ່າວທັງ 63 ສະ​ມາ​ຄົມ ​ແຕ່​ລະ​ແຂວງ, ນະ​ຄອນ ລ້ວນ​ແລ້ວ​ແຕ່​ໄດ້​ສົ່ງ​ຜົນ​ງານ​ຂອງ​ຕົນ​ເຂົ້າ​ຮ່ວມ. ນີ້ສະແດງ ເຖິງ​ຄວາມ​ແຮງ​ຂອງ​ການ​ແຜ່​ລາມ ແລະ ຄວາມ​ດຶງ​ດູດ​ຂອງ​ລາງວັນ​ນີ້ ໄດ້​ກະ​ທົບ​ໄປ​ ​ທຸກ​ແຂວງທົ່ວປະ​ເທດ. ໃນ​ລະ​ດູ​ການນີ້ ໄດ້ໃຫ້ເຫັນຢ່າງ​ຊັດ​ເຈນ ລະ​ດັບ​ວິ​ຊາ​ສະ​ເພາະ, ພາ​ລະ​ກິດ ລະ​ຫວ່າງ ອົງ​ການ​ໜັງ​ສື​ພິມ​ສູນ​ກາງ ແລະ ໜັງ​ສື​ພິມ​ທ້ອງ​ຖິ່ນ ນັບ​ມື້​ນັບ​ໄກ້​ຊິດ​ຂື້ນກວ່າ​ເກົ່າ.

ກຳ​ມະ​ການ​ສູ​ນກາງ​ພັກ, ຮອງ​ກຳ​ມະ​ການ​ໂຄ​ສະ​ນາ​ສູນ​ກາງ, ບັນ​ນາ​ທີ​ການ​ໃຫຍ່ ໜັງ​ສື​ພິມ​ປະ​ຊາ​ຊົນ, ຫົວ​ໜ້າ​ສະ​ມາ​ຄົມ​ໜັງ​ສື​ພິມ​ຫວຽດ​ນາມ ທ່ານ ທົ້ນ​ຫຶວ ກ່າວ​ຄຳ​ປາ​ໄສ​ໃນ​ງານ.

ທ່ານ ທົ້ນ​ຫຶວ ຕີ​ລາ​ວ່າ: ດ້ວຍອຸ​ດົມ​ການ-ການ​ເມືອງ ອັນ​ໜັກ​ແໜ້ນ, ຄວາມ​ສາ​ມາດ​ຊຳ​ນິ​ຊຳ​ນານໃນ​ອາ​ຊີບ , ນັກ​ໜັງ​ສື​ພິມ​ບໍ່​ພຽງ​ແຕ່​ເປັນ​ຜູ່​ທຳ​ອິດ​ທີ່​ສາ​ມາດ​ພົບ​ເຫັນ​ບັນ​ຫາ​ໃໝ່, ບັນ​ຫາ​ທີ່​ຮ້ອນ​ແຮງ​ສ້າງ​ຄວາມ​ອຸກ​ອັ່ງ​ໃນ​ສັງ​ຄົມ ແຕ່​ວ່າ​ຕ້ອງ​ຍົກ​ສູງ​ຄວາມ​ຕື່ນ​ຕົວ​ຕໍ່​ສັງ​ຄົມ, ພາ​ລະ​ກິດ​ຂອງ​ປະ​ຊາ​ຊົນ​ຂອງ​ຜູ້​ຂຽນຂ່າວ.

ທ່ານ ທົ້ນ​ຫຶວ​ໄດ້​ເວົ້າ​ວ່າ: " ບັນ​ດາ​ຜົນ​ງານ​ການ​ຂຽນ​ທີ່​ເຂົ້າ​ປະ​ກວດ ສະແດງໃຫ້ເຫັນຈິດໃຈ​ທີ່​ເອົາ​ໂຕ​ເຂົ້າ​ແລກ, ຄ​ຽງຄູ່ກັບປະຊາຊົນ, ສະທ້ອນໃຫ້ເຫັນແນວ​ຄິດ ແລະ ຄວາມປາດຖະຫນາອັນ​ຄ​ວນຂອງປະຊາຊົນ, ກວມເອົາບັນຫາສັງຄົມ".

ປະ​ທານ​ປະ​ເທດ ເຈີ່ນ​ດ້າຍກວາງ ມອບ​ລາງວັນ​ເກດ ເອ ຈຳ​ນວນ 8 ລາງວັນ.

ປະທານສະມາຄົມ ນັກຂ່າວ ຫວຽດນາມໄດ້​ໃຫ້​ຮູ້​ວ່າ: ຄະ​ນະ​ກຳ​ມະ​ການ​ຄັດເລືອກ ລາງວັນ​ໜັງ​ສື​ພິມ​ແຫ່ງ​ຊາດ 2017 ໄດ້​ເລືອກ ແລະ ມອບ​ລາງວັນຢ່າງ​ເປັນ​ທາງ​ການ ໃຫ້ ຜົນ​ງານ​ໜັງ​ສື​ພິມ​ທີ່​ດີ​ເລີດ​ປະ​ກ​ອບ​ມີ:  ລາງວັນເກດ ເອ: 8 ລາງວັນ, ລາງວັນ​ເກດ​ບີ: 25 ລາງວັນ, ລາງວັນ​ເກດຊີ: 43 ລາງວັນ ແລະ ລາງວັນ​ຊົມ​ເຊີຍ​ອີກ 29 ລາງວັນ​.

ທ່ານ​ຮອງ​ນາ​ຍົກ​ລັດ​ຖະ​ມົນຕີ ເຈືອງ​ຮ​ວ່າ​ບິ່ງ ປາ​ໄສ​ໃນ​ງານ​ປະ​ກາດ​ຜົນ​ລາ​ງວັນ​ໜັງ​ສື​ພິມ​ແຫ່ງ​ຊາດ​ຄັ້ງ​ທີ 12.

ກ່າວ​ປາ​ໄສ​ໃນ​ງານ ​ທ່ານຮອງ​ນາ​ຍົກ​ລັດ​ຖະ​ມົນ​ຕີ ເຈືອງ​ຮ​ວ່າ​ບິ່ງ ຕີ​ລາ​ຄາ​ວ່າ​ໜັງ​ສື​ພິມ​ໄດ້​ກາຍ​ເປັນ​ອາ​ວຸດ​ປາຍ​ແຫຼມ​ຂອງ​ພັກ ແລະ ລັດ.

ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ​ໄດ້​ໃຫ້​ຮູ້​ອີກວ່າ ພ້ອມ​ກັນ​ກັບການພັດທະນາຂອງການປະຕິວັດອຸດສາຫະກໍາ 4.0, ຫນັງສືພິມກໍາລັງ ຢືນ​ຢູ່​ບົນ​ຄວາມ​ສະ​ດວກ​ມີ​ໂອ​ກາດ​ຈະ​ພັດທະນາຢ່າງວ່ອງ​ໄວ, ແຕ່ຍັງມີບັນຫາທ້າທາຍໃຫມ່ຫຼາຍ. ພາ​ລະ​ກິດທີ່ພັກ-ລັດ ແລະ ປະຊາຊົນ ມອບ​ໝາຍ​ໃຫ້ ຂະ​ແໜງຫນັງສືພິມ ນັບ​ມື້​ນັບຈະຫນັກກວ່າເກົ່າ.

ທ່ານ​ໄດ້​ຮຽກ​ຮ້ອງ​ມາ​ຍັງ ພະນັກງານຫນັງສືພິມ ສືບຕໍ່ ກຳ​ແຫນ້ນ ແລະ ເຜີຍແຜ່ຢ່າງເລິກ​ເຊິ່ງ, ແລະ ທັນເວລາ ແລະມີປະສິດທິຜົນ ຕາມແນວ​ທາງນະ​ໂຍ​ບາຍຂອງພັກ, ນະໂຍບາຍ, ກົດ​ໝາຍຂອງ​ລັດ. ເອົາໃຈໃສ່ຢ່າງຖືກຕ້ອງ ໃນການກວດສອບ, ຍົກຍ້ອງ ອົງປະກອບໃຫມ່, ເປັນ​ແບບ​ເປັນ​ຢ່າງ ແລະ ກ້າວຫນ້າ, ແບບ​ຢ່າງ​ຄົນເຮັດ​ດີທຳ​ດີ.

ຮອງນາຍົກລັດຖະມົນຕີ ເຊື່ອໝັ້ນວ່າ: ບັນດານັກຂ່າວໃນທົ່ວປະເທດຈະສືບຕໍ່ເສີມຂ​ະ​ຫຍາຍ ມູນ​ເຊື້ອອັນດີງາມຂອງ ຫນັງສືພິມປະຕິວັດ, ສືບຕໍ່ບັນລຸຜົນສໍາເລັດຫຼາຍຂຶ້ນກວ່າ​ເກົ່າ, ​ສົມ​ກັບ​ທີ່​ໄດ້​ຮັບ​ການ​ເຊື່ອ​ໝັ້ນ​ຈາກ​ພັກ-ລັດ ແລະ ປະ​ຊາ​ຊົນ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll