ປະທານສະຫະພັນມິດຕະພາບເຂົ້າຮ່ວມພິທີເປີດງານບຸນໂລ່ງໂຕ່ງ ຢູ່ ATK ດີ້ງຫວາ

00:54 2019/05/14

ຍສໝ-ຕອນເຊົ້າຂອງວັນທີ 14 ກຸມພາ, ທີ່ບ້ານ ແດ່ວແຢ, ຕາແສງ ຝູດິ່ງ, ທ່ານ ນາງ ຫງວຽນ ເຟືອງ ງາ, ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ (ປະທານສະຫະພັນມິດຕະພາບ) ໄດ້ເຂົ້າຮ່ວມພິທີເປີດງານບຸນໂລ່ງໂຕ່ງ ທີ່ ATK ດີ້ງຫວາ, ແຂວງ ຖາຍງວຽນ ໃນບັນຍາກາດຂອງລະດູບານໃໝ່ 2019. ນີ້ແມ່ນງານບຸນລົງທົ່ງນາຂອງຊົນເຜົ່າໄຕ່.

ປະທານສະຫະພັນມິດຕະພາບເຂົ້າຮ່ວມພິທີເປີດງານບຸນໂລ່ງໂຕ່ງ ຢູ່ ATK ດີ້ງຫວາ
ພິທີເປີດງານບຸນໂລ່ງໂຕ່ງ

ເຂົ້າຮ່ວມງານບຸນດັ່ງກ່າວ, ຄະນະຜູ້ແທນໄດ້ເຂົ້າຮ່ວມພິທີເປີດທີ່ເຕັ່ມໄປດ້ວຍເອກະລັກສະເພາະຂອງຊົນເຜົ່າສານໃຈ; ແຂວງຖາຍງວຽນ: ພິທີຂໍຮ້ອງຄວາມສະດວກໃນລະດູການຜະລິດໃໝ່ຂອງຊົນເຜົ່າໄຕ່ ແລະ ຊົນເຜົ່າສານໃຈ; ພິທີຂໍຮ້ອງຄວາມສູກຂອງຊົນເຜົ່າຢາວ; ພິທີການໄຖນາ ແລະ ກິດຈະກໍາວັດທະນາທໍາພື້ນເມືອງຕ່າງໆເປັນຕົ້ນຄື: ຍົນໝາກກ່ອນ, ແຂ່ງຂັນການດໍານາ, ແຂ່ງຂັນການດຶງເຊືອກ...

ປີນີ້, ງານບຸນໄດ້ຈັດຂຶ້ນໃນເວລາ 2 ວັນ (ແຕ່ວັນທີ 13-14 ກຸມພາ). ກ່ອນພິທີເປີດ, ງານບຸນດັ່ງກ່າວໄດ້ຈັດກິດຈະກໍາຕ່າງໆທີ່ຫນ້າຕື່ນເຕັ້ນ, ດຶງດູດການເຂົ້າຮ່ວມຂອງປະຊາຊົນຈໍານວນຫລາຍ ແລະ ນັກທ່ອງທ່ຽວ ເປັນຕົ້ນຄື: ແຂ່ງຂັນການແຕ່ງກິນ; ແລກປ່ຽນການຫຼິ້ນບານສົ່ງ; ການວາງສະແດງຮູບກ່ຽວກັບດິນແດນ ແລະ ຄົນດີ້ງຫວາ; ການແລກປ່ຽນດ້ານວັດທະນາທໍາຊົນເຜົ່າພື້ນເມືອງ... 

ພິທີຂໍຮ້ອງແຕ່ຄວາມສະດວກສະບາຍໃນການດໍາລົງຊິວີດປະຈໍາວັນ

ງານບຸນໂລ່ງຕົ່ງທີ່ໄດ້ຈັດຂຶ້ນໃນຕົ້ນລະດູບານໃໝ່ດ້ວຍຄວາມປາຖະຫນາທີ່ອະທິຖານຂໍຮ້ອງມີແຕ່ຄວາມສຸກ, ຄວາມສະດວກສະບາຍໃນການດໍາລົງຊິວີດປະຈໍາວັນ ແລະ ຄວາມເລີນຮຸ່ງເຮືອງ... ງານບຸນໂລ່ງຕົ່ງ ATK ດີ້ງຫວາແມ່ນບໍ່ພຽງແຕ່ເພື່ອຮັກສາ ແລະ  ສົ່ງເສີມເອກະລັກສະເພາະຂອງທ້ອງຖີ່ນ, ແຕ່ຍັງມີສ່ວນຮ່ວມໃນການສົ່ງເສີມຄຸນຄ່າດ້ານວັດທະນະທໍາແຫ່ງຊາດ; ພ້ອມກັນນັ້ນກໍ່ແມ່ນໂອກາດທີ່ຈະໄດ້ແນະນໍາ ແລະ ໂຄສະນາຕໍ່ກັບນັກທ່ອງທ່ຽວພາຍໃນ ແລະ ນັກທ່ອງທ່ຽວຕ່າງແຂວງກ່ຽວກັບສະຖານທີ່ສວຍງາມ, ທ່າແຮງສໍາລັບການພັດທະນາດ້ານການທ່ອງທ່ຽວ ແລະ ວັດທະນະທໍາພື້ນເມືອງຂອງພໍ່ແມ່ປະຊາຊົນບັນດາຊົນເຜົ່າຢູ່ເມືອງດີ້ງຫວາ. 

ຄະນະພະນັກງານສະຫະພັນມິດຕະພາບຢ້ຽມຊົມເຂດສະຖານທີ່ອະນຸສອນປະຫວັດຊາດແຫ່ງຊາດພິເສດ ATK

ກ່ອນໜ້ານັ້ນ, ທ່ານ ນາງ ຫງວຽນ ເຟືອງ ງາ ປະທານສະຫະພັນມິດຕະພາບ, ການນໍາແຂວງ ແລະ ເມືອງດີ້ງຫວາ ພ້ອມດ້ວຍພະນັກງານຈໍານວນຫຼວງຫຼາຍຂອງສະຫະພັນກໍ່ໄດ້ໄປຢ້ຽມຊົມເຂດສະຖານທີ່ອະນຸສອນປະຫວັດຊາດແຫ່ງຊາດພິເສດ ATK. ຕໍ່ໄປ, ຄະນະພະນັກງານສະຫະພັນກໍ່ໄດ້ໄປຢ້ຽມຢາມຄອບຄົວທີ່ໄດ້ມອບດິນໃຫ້ການກໍ່ສ້າງ ແລະ ເບິ່ງແຍງເຂດສະຖານທີ່ອະນຸສອນຂອງຄະນະກໍາມະການປົກປ້ອງຄວາມສະຫງົບໂລກ. ທີ່ນີ້, ໃນນາມສະຫະພັນ, ທ່ານ ນາງ ຫງວຽນ ເຟືອງ ງາ ໄດ້ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ບັນດາຄອບຄົວທີ່ໄດ້ສະຫນັບສະຫນູນສະຫະພັນໃນການກໍ່ສ້າງ ແລະ ປົກປັກຮັກສາເຂດສະຖານທີ່ອະນຸສອນ. 

ຄະນະພະນັກງານສະຫະພັນມິດຕະພາບຖ່າຍຮູບຢູ່ເຂດສະຖານທີ່ອະນຸສອນຄະນະກໍາມະການສັນຕິພາບຫວຽດນາມ

69 ປີ ກ່ອນ, ໃນວັນທີ 17 ເດືອນພະຈິກ ປີ 1950, ລຸງໂຮ່ ໄດ້ສົ່ງຈົດຫມາຍຫາກອງປະຊຸມໃຫຍ່ເພື່ອສ້າງຕັ້ງຄະນະກໍາມະການສັນຕິພາບຫວຽດນາມ, ແລະ ວັນນີ້ກໍ່ໄດ້ຖືກເລືອກເປັນວັນປະເພນີຂອງສະຫະພັນບັນດາອົງການຈັດຕັ້ງມິດຕະພາບຫວຽດນາມ. 

ທ່ານ ນາງ ຫງວຽນ ເຟືອງ ງາ ປະທານສະຫະພັນມິດຕະພາບມອບຂອງຂວັນໃຫ້ແກ່ບັນດາຄອບຄົວຜູ້ທີ່ມີຜົນງານໃນການຮັກສາ ແລະ ເບິ່ງແຍງເຂດສະຖານທີ່ອະນຸສອນ

ທຸກປີ, ຄະນະພະນັກງານສະຫະພັນມິດຕະພາບກໍ່ໄດ້ຈັດຕັ້ງລາຍການ "ກັບຄືນສູ່ແຫຼ່ງກໍາເນີດ" - ໄປຢ້ຽມຢາມເຂດສະຖານທີ່ປະຫວັດຊາດປະຕິວັດເຊິ່ງເປັນບ່ອນທີ່ໄດ້ຈັດກອງປະຊຸມໃຫຍ່ສ້າງຕັ້ງຄະນະກໍາມະການສັນຕິພາບໂລກຂອງຫວຽດນາມ - ທີ່ໄດ້ກາຍເປັນສະຫະພັນບັນດາອົງການຈັດຕັ້ງມິດຕະພາບຫວຽດນາມໃນປະຈຸບັນ - ຢູ່ບ້ານລ່ອງຄວາ, ຕາແສງດ່ຽມໝັກ, ແຂວງຖາຍງວຽນ. 

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll