ນະຄອນດ່າໜັງ ສະຖານທີ່ທ່ອງທ່ຽວ ທີ່ນັກທ່ອງທ່ຽວຊາວເກົາຫຼີໃຕ້ ມັກທ່ຽວຫຼາຍທີ່່ສຸດໃນປີ 2019

15:30 2019/09/09

ຍສໝ - ອີງຕາມສະຖິຕິຈາກໂປຼແກມຄົ້ນຫາໂຮງແຮມ Hotelscombine ສະແດງໃຫ້ເຫັນວ່າ ຈຳນວນນັກທ່ອງທ່ຽວເກົາຫຼີໃຕ້ເລືອກ ດ່າໜັງເປັນສະຖານທີ່ທ່ອງທ່ຽວທີ່່ໄດ້ຮັບຄວາມນິຍົມສູງທີ່ສຸດໃນປີ 2019.

ນະຄອນດ່າໜັງ ສະຖານທີ່ທ່ອງທ່ຽວ ທີ່ນັກທ່ອງທ່ຽວຊາວເກົາຫຼີໃຕ້ ມັກທ່ຽວຫຼາຍທີ່່ສຸດໃນປີ 2019
 ບານ່າຮິວ, ນະຄອນດ່າໜັງ (ພາບ: ivivu)

ອີງຕາມໂປຼແກມຄົ້ນຫາໂຮງແຮມ Hotelscombine, ດ່າໜັງ ແມ່ນນະຄອນ ທີ່ນັກທ່ອງທ່ຽວເກົາຫຼີໃຕ້ມາຢ້ຽມຢາມຫຼາຍທີ່ສຸດໃນປີ 2019 ແລະ ເປັນສະຖານທີ່ທ່ອງທ່ຽວທີ່ຖືກຈອງຫຼາຍທີ່ສຸດໃນໂອກາດງານບຸນ ໄຫວ້ພະຈັນ ທີ່ກຳລັງຈະຈັດຂື້ນໃນມໍ່ໆນີ້, ອັນດັບ 2 ແລະ 3 ແມ່ນ ເກາະ Guam (ສະຫະລັດອາເມລິກາ) ແລະ Bangkok (ປະເທດໄທ) ຕາມລຳດັບ.

ຂົວ ຄຳ, ດານັງແມ່ນສະຖານທີ່ທີ່ ໜ້າ ສົນໃຈຂອງນັກທ່ອງທ່ຽວ (ພາບ: ການທ່ອງທ່ຽວຫວຽດນາມ).

ສະຖິຕິຈາກກົມທ່ອງທ່ຽວໃຫ້ຮູ້ວ່າ: 6 ເດືອນຕົ້ນປີນີ້, ນັກທ່ອງທ່ຽວສ. ເກົາຫຼີຫຼຸດລົງຈາກ 54,8% ລົງເປັນ 49,9%, ເຊິ່ງມີນັກທ່ອງທ່ຽວເຂົ້າມາທ່ຽວຫຼາຍກ່ວາ 878 .000 ເທື່ອຄົນ, ເພີ່ມຂື້ນ 135 ພັນຄົນທຽບໃສ່ໄລຍະດຽວກັນ (ໃນ 6 ເດືອນຕົ້ນປີ 2018, ມີນັກທ່ອງທ່ຽວ ສ.ເກົາຫຼີ 743 ພັນຄົນ). ໃນປີ 2018, ນະຄອນດ່າໜັງ ຕ້ອນຮັບແຂກທ່ອງທ່ຽວ ສ.ເກົາຫຼີ ເກືອບ 1,7 ລ້ານເທື່ອຄົນ, ເຊິ່ງກວມເອົາປະມານ 60% ຂອງນັກທ່ອງທ່ຽວສາກົນ ເກືອບ 3 ລ້ານເທື່ອຄົນ ທີ່ມາຢ້ຽມຢາມນະຄອນຊາຍຝັ່ງທະເລແຫ່ງນີ້. ໃນປີ 2017, ທ້ອງຖິ່ນນີ້ ໄດ້ຕ້ອນຮັບນັກທ່ອງທ່ຽວ ສ.ເກົາຫຼີ 1,3 ລ້ານເທື່ອຄົນ, ເພີ່ມຂຶ້ນເກືອບ 100% ເມື່ອທຽບໃສ່ໄລຍະດຽວກັນຂອງປີ 2016.

ຂົວມັງກອນ, ສັນຍາລັກໃໝ່ ຂອງນະຄອນດ່າໜັງ (ພາບ: vntrip)

ໃນຊຸມປີມໍ່ໆມານີ້, ນະຄອນດ່າໜັງ ດຶງດູດນັກທ່ອງທ່ຽວຈາກ ສ.ເກົາຫຼີ ເປັນ ຈຳນວນຫລວງຫລາຍ ແລະ ນີ້ກໍ່ແມ່ນຈຳນວນນັກທ່ອງທ່ຽວທີ່ສຳຄັນຂອງນະຄອນຊາຍຝັ່ງທະເລ. ນັກທ່ອງທ່ຽວຈາກດິນແດນກິມຈິ ໄດ້ຮັບການຕີລາຄາວ່າເປັນນັກທ່ອງທ່ຽວທີ່ສຸພາບອ່ອນໂຍນ, ມີກຳລັງໃນການໃຊ້ຈ່າຍ ແລະ ບໍ່ເສຍດາຍທີ່ຈະຈ່າຍເງິນສຳລັບການບໍລິການຂັ້ນສູງ, ຫຼູ໋ຫຼ໋າ. 

ດ່າໜັງ ແລະ ໂຮ້ຍອານ ແມ່ນສະຖານທີ່ທ່ອງທ່ຽວທີ່ໄດ້ຮັບຄວາມສົນໃຈ ແລະ ດຶງດູດນັກທ່ອງທ່ຽວສາກົນ, ຊາຍຝັ່ງ, ຫາດຊາຍທີ່ສວຍງາມ ຂອງຫວຽດນາມ ຍັງໄດ້ຖືກຈັດເຂົ້າໃນລາຍຊື່ສະຖານທີ່ທີ່ມີພາບທຳມະຊາດ ແລະ ຄຸນນະພາບຊີວິດການເປັນຢູ່ ຂອງໂລກ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll