ນັກຮຽນຫວຽດນາມ 32/32 ໄດ້ຮັບລາງວັນຈາກການແຂ່ງຂັນ ຄະນິດສາດສາກົນ WMI 2019

10:17 2019/07/19

ຍສໝ - ນັກສຶກສາຫວຽດນາມຍາດໄດ້ຮັບລາງວັນ ປະເພດ ເພັດ 3 ຫຼຽນ, ຫຼຽນຄຳ 9 ຫຼຽນ, ຫຼຽນເງິນ 8 ຫຼຽນ, ຫຼຽນທອງແດງ 9 ຫຼຽນ ແລະ ລາງວັນຊົມເຊີຍ 3 ລາງວັນ ໃນ ການແຂ່ງຂັນ ຄະນິດສາດສາກົນ WMI 2019.

ນັກຮຽນຫວຽດນາມ 32/32 ໄດ້ຮັບລາງວັນຈາກການແຂ່ງຂັນ ຄະນິດສາດສາກົນ WMI 2019

ອີງຕາມຂໍ້ມູນຫລ້າສຸດຈາກ ພະແນກ ສຶກສາ ແລະ ບຳລຸງສ້າງ ຮ່າໂນ້ຍ, ຄະນະນັກຮຽນຫວຽດນາມເຂົ້າຮ່ວມການແຂ່ງຂັນ ຄະນິດສາດສາກົນ  WMI 2019 ທີ່ Fukuoda (ປະເທດ ຍີ່ປຸ່ນ) ສາມາດຍາດໄດ້ຜົນງານອັນຍອດຍ້ຽມ ແລະ ໜ້າສັນລະເສີນ.

ການແຂ່ງຂັນຄະນິດສາດສາກົນ   WMI (World Mathematics Invitational) 2019 ຈະຈັດຂຶ້ນ ໃນວັນທີ 15-19 ກໍລະກົດ. ໃນປີນີ້, ການສອບເສັງນີ້ໄດ້ດຶງດູດນ້ອງນັກຮຽນເຂົ້າຮ່ວມ ຫຼາຍກ່ວາ 1.500 ຄົນ ເຊິ່ງມາຈາກ 23 ປະເທດ ແລະ ຂົງເຂດໃນທົ່ວໂລກ. ໃນການແຂ່ງຂັນມີຫຼາຍທີມແຂງມາຈາກບັນດາປະເທດທີ່ມີຄະນິດສາດທີ່ກ້າວຫນ້າເຊັ່ນ: ສະຫະລັດ, ຈີນ, ບາວກາເລຍ...

ນ້ອງນັກຮຽນ ສາມຄົນໄດ້ຮັບລາງວັນປະເພດ ເພັດ ໃນການແຂ່ງຂັນຄະນິດສາດສາກົນ WMI ໃນປີ 2019

ເຂົ້າຮ່ວມໃນການສອບເສັງຄັ້ງນີ້, ບັນດານ້ອງນັກຮຽນຕ້ອງໄດ້ຜ່ານການສອບເສັງແບບປາລະໄນ ແລະ ຄິດໄລ່. ລາງວັນທີ່ສູງສຸດຂອງການແຂ່ງຂັນແມ່ນລາງວັນປະເພດ ຫຼຽນເພັດ, ນອກໄປຈາກນັ້ນຍັງມີ ຫຼຽນຄໍາ, ຫຼຽນເງິນ, ຫຼຽນທອງ ແລະ ລາງວັນຊົມເຊີຍ.

ຄະນະນ້ອງນັກຮຽນຫວຽດນາມ ປະກອບມີ 32 ຄົນ ມາຈາກໂຮງຮຽນປະຖົມ ແລະ ມັດທະຍົມ ໃນຂອບເຂດເມືອງຮວ່ານກ໋ຽມ (ຮ່າໂນ້ຍ) ເຂົ້າຮ່ວມໃນການແຂ່ງຂັນ ຄະນິດສາດສາກົນ WMI ໃນປີ 2019. 

ນັກສອບເສັງກຳລັງ ສອບເສັງໃນການການແຂ່ງຂັນສາກົນຄັ້ງນີ້.

ໃນນັ້ນ, ລາງວັນ ຫຼຽນເພັດ 3 ຫຼຽນ ເປັນຂອງ ດິງ ຫ໋ຽວ ມິງ, ຟ້າມ ທຽນ ມິງ ແລະ ເລືອງ ແມັ້ງ ດຶກ. ທັງສາມຄົນແມ່ນນັກຮຽນຂອງໂຮງຮຽນມັດທະຍົມຕົ້ນ ຈຶງເວືອງ.

ຄະນະນັກຮຽນ ຫວຽດນາມຫຼັງຈາກໄດ້ຮັບລາງວັນ.

ການແຂ່ງຂັນ ຄະນິດສາດສາກົນ WMI ( International Mathematics Invitational) ຈັດຂື້ນໂດຍ ປະທານສະຫະພັນ ຄະນິດສາດຈີນ Kun-Lung Tsai ແລະ ສຈ. Quan Lam (University of California, Berkeley, USA) ເປັນຜູ້ກໍ່ຕັ້ງຂື້ນໃນປີ 2013. ການສອບເສັງໄດ້ດຳເນີນເປັນປະຈຳ ເພື່ອແນໃສ່ຊຸກຍູ້, ສົ່ງເສີມການສຶກສາ ແລະ ການຄົ້ນຄວ້າດ້ານຄະນິດສາດ ໃນບັນດາໂຮງຮຽນ ແລະ ອົງການຕ່າງໆໃນທົ່ວໂລກ. ການສອບເສັງກໍ່ຍັງຊ່ວຍໃຫ້ນັກຮຽນໃນທົ່ວໂລກ ແລກປ່ຽນ, ມີໂອກາດຜ່ານປະສົບການ ພື້ນຖານວັດທະນະທໍາທີ່ແຕກຕ່າງກັນແລະ ຊຸກຍູ້, ສົ່ງເສີມຄວາມຮັກຄະນິດສາດຂອງນ້ອງນັກຮຽນ.
(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll