ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ອວຍພອນບຸນເຕັດການນໍາພັກ, ລັດ, ພີ່ນ້ອງຮ່ວມຊາດ, ນັກຮົບທົ່ວປະເທດ

00:54 2019/05/14

ໃນບັນຍາກາດອັນເບີກບານມ່ວນຊື່ນຕ້ອນຮັບປີໃໝ່ປະຈໍາຊາດປີກຸນ 2019, ສະເຫຼີມສະຫຼອງວັນສ້າງຕັ້ງພັກກອມມູນິດຫວຽດນາມ ຄົບຮອບ 89 ປີ, ຕອນເຊົ້າວັນທີ 1 ກຸມພາ (ກົງກັບວັນທີ 27 ເດືອນ 12 ຕາມຈັນທະປະຕິທິນ), ທີ່ສໍານັກງານປະທານປະເທດ, ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ໄດ້ອວຍພອນປີໃໝ່ການນໍາພັກ, ລັດ, ແນວໂຮມປະເທດຊາດຫວຽດນາມ, ພີ່ນ້ອງຮ່ວມຊາດ, ນັກຮົບໃນທົ່ວປະເທດ, ຊາວຫວຽດນາມອາໄສຢູ່ຕ່າງປະເທດ

ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ອວຍພອນບຸນເຕັດການນໍາພັກ, ລັດ, ພີ່ນ້ອງຮ່ວມຊາດ, ນັກຮົບທົ່ວປະເທດ
ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ອວຍພອນປີໃໝ່ບັນດານັກປະຕິວັດຜູ້ອາວຸໂສ, ການນໍາ ແລະອະດີດການນໍາພັກ, ລັດ. (ພາບ: ສໍານັກຂ່າວສານຫວຽດນາມ)

ເຂົ້າຮ່ວມລາຍການຍັງມີບັນດາການນຳພັກ, ລັດ, ອະດີດການນໍາພັກ, ລັດ, ສະພາແຫ່ງຊາດ, ຄະນະກຳມະການສູນກາງແນວໂຮມປະເທດຊາດຫວຽດນາມ, ການນໍາບັນດາຄະນະ, ກະຊວງ, ຂະແໜງການ, ອົງການສູນກາງ ແລະນະຄອນຮ່າໂນ້ຍ ອີກດ້ວຍ.

ໃນບັນຍາກາດອັນອົບອຸ່ນຂອງລະດູບານໃໝ່ທີ່ເຕັມໄປດ້ວຍຄວາມເຊື່ອໝັ້ນ, ຄວາມເບີກບານມ່ວນຊື່ນ, ທ່ານ ຫງວຽນຝູຈ້ອງ ເລຂາທິການໃຫຍ່, ປະທານປະເທດ ພ້ອມກັບບັນດາຜູ້ແທນທີ່ມີໜ້າຢູ່ທີ່ນີ້ໄດ້ຍົກຈອກອວຍພອນພາລະກິດປະຕິວັດຂອງປະຊາຊົນເຮົາບັນລຸໄດ້ຜົນງານອັນໃຫຍ່ຫຼວງກວ່າອີກ; ອວຍພອນພັກກອມມູນິດຫວຽດນາມນັບມື້ນັບໝັ້ນຄົງເຂັ້ມແຂງ, ເຕີບໃຫຍ່; ປະເທດຊາດນັບມື້ນັບພັດທະນາ; ສີວິໄລ; ແຕ່ລະຄອບຄົວ, ແຕ່ລະຄົນມີສຸຂະພາບແຂງແຮງ, ມີຄວາມຜາສຸກ, ປະສົບຜົນສໍາເລັດໃນໜ້າທີ່ການງານ, ບັນລຸໄດ້ໝາກຜົນຫຼາຍຢ່າງ; ປະຊາຊົນເຮົານັບມື້ນັບອີ່ມໜໍາສໍາລານ, ທຸກໆຄອບຄົວມີຄວາມເບີກບານມ່ວນຊື່ນ, ປະຊາຊົນຜູ້ໃດກໍ່ມີຄວາມຜາສຸກ.

(ແຫຼ່ງ​ຂໍ້​ມູນ​: ໄຊຊະນະ/ກປ.ອອນໄລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll