ງານມະໂຫລານຟິມສາກົນຮ່າໂນ້ຍ 2020 ຈະຈັດຂຶ້ນໃນໄຕມາດທີ IV

11:35 2020/03/09

ງານມະໂຫລານຟິມສາກົນຮ່າໂນ້ຍ ແມ່ນເຫດການທີ່ມີຊື່ສຽງເພື່ອແນໃສ່ເຊີດຊູບັນດາຄວາມເກັ່ງກ້າສາມາດດ້ານສິລະປະຮູບເງົາທີ່ແທ້ຈິງ.

ງານມະໂຫລານຟິມສາກົນຮ່າໂນ້ຍ 2020 ຈະຈັດຂຶ້ນໃນໄຕມາດທີ IV

ກະຊວງວັດທະນະທໍາ, ກິລາ ແລະທ່ອງທ່ຽວຫວຽດນາມ ຫາກໍ່ປະກາດໃຊ້ຂໍ້ຕົກລົງວ່າດ້ວຍການຈັດຕັ້ງງານມະໂຫລານຟິມສາກົນຮ່າໂນ້ຍ ຄັ້ງທີ VI. ງານມະໂຫລານດັ່ງກ່າວຈະດໍາເນີນໃນໄລຍະເວລາ 5 ວັນ, ຄາດຄະເນວ່າຈະຈັດຂຶ້ນໃນໄຕມາດທີ IV ປີ 2020 ຢູ່ນະຄອນຫຼວງຮ່າໂນ້ຍ. 

ງານມະໂຫລານຟິມສາກົນຮ່າໂນ້ຍ ແມ່ນໂອກາດເພື່ອເຊີດຊູຟິມຮູບເງົາ, ສິລະປິນຮູບເງົາພາຍໃນ ແລະຕ່າງປະເທດ. ພາບ: hanoimoi.com.vn.

ງານມະໂຫລານຟິມສາກົນຮ່າໂນ້ຍ ແມ່ນເຫດການທີ່ມີຊື່ສຽງເພື່ອແນໃສ່ເຊີດຊູບັນດາຄວາມເກັ່ງກ້າສາມາດດ້ານສິລະປະຮູບເງົາທີ່ແທ້ຈິງ, ບັນດາຟິມຮູບເງົາທີ່ດີເດັ່ນ, ມີຄຸນຄ່າດ້ານສິລະປະສູງ, ເຕັມໄປດ້ວຍລັກສະນະມະນຸດສະທໍາ, ມີຫົວຄິດປະດິດສ້າງ, ມຸ່ງໄປເຖິງຄຸນຄ່າມະນຸດສະທໍາ ແລະຈິດໃຈຮ່ວມມືຮັກແພງສະໜິດສະໜົມ.

ງານມະໂຫລານກໍແມ່ນໂອກາດເພື່ອໃຫ້ບັນດາສິລະປິນຮູບເງົາຫວຽດນາມ ແລະໂລກເປີດກວ້າງການພົບປະ, ແລກປ່ຽນດ້ານວິຊາຊີບ, ຮຽນຮູ້ປະສົບການ, ປະກອບສ່ວນເຂົ້າໃນການພັດທະນາ, ເປີດກວ້າງຕະຫຼາດຮູບເງົາຫວຽດນາມ ອອກສູ່ພາກພື້ນ ແລະໂລກ, ນໍາຟິມຫວຽດນາມ ເຊື່ອມໂຍງເຂົ້າກັບຕະຫຼາດຟິມຮູບເງົາສາກົນ, ຈາກນັ້ນແນະນໍາ, ໂຄສະນາພາບພົດ, ປະເທດຊາດ, ຜູ້ຄົນ, ສີສັນວັດທະນະທໍາຫວຽດນາມ ເຖິງເພື່ອນມິດສາກົນ.

(来源: https://la.qdnd.vn)
;

同类别新闻