ຂະໜົມຄູ່ຮ້ອນ - ອີກເມນູໜຶ່ງ ຂອງຄົນຮ່າໂນ້ຍ ໃນວັນທີ່ມີອາກາດເຢັນ ໆ

16:24 2018/10/12

ຍສໝ - ຕອນໃດທີ່ແຂກມາຖາມຊື້ - ເຈົ້າຂອງຮ້ານຈິ່ງເລີ່ມທອດເຂົ້າໜົມຄູ່. ເພື່ອເຮັດໃຫ້ຂະໜົມຄູ່ ຍັງຄົງຮ້ອນ, ນຸ້ມ ແລະ ມີລົດຊາດແຊບ.

ຂະໜົມຄູ່ຮ້ອນ - ອີກເມນູໜຶ່ງ ຂອງຄົນຮ່າໂນ້ຍ ໃນວັນທີ່ມີອາກາດເຢັນ ໆ

ກອນໜ້ານີ້ ຢູ່ຖະໜົນ ຮ່າງບ່ວມ (ຮ່າໂນ້ຍ) ມີບ່ອນຂາຍຂະໜົມຕູ່ກິນກັບນົມຖົ່ວເຫຼືອງ. ຕອນຄຳ່ເມື່ອແສງໄຟ ເປີດຂື້ນ ນັ້ນແມ່ນຕອນທີ່ຮ້ານເລີ່ມເປີດ. ໜູ່ເດັກນ້ອຍທີ່ຢູ່ໄກ້ໆແຖວນັ້ນ ພໍ່ແມ່ກໍ່ໄດ້ພາມາຊື້.

ຂະໜົມຄູ່ຮ້ອນ ຈຳ້ກັບນຳ້ໝາກຮຸ່ງດອງ.

ສັ່ງ ນົມຖົ່ວເຫຼືອງຮ້ອນ 1 ຈອກ, ຂະໜົມຄູ່ ອີກ 5-6ຄູ່, ເດັກນ້ອຍທັງກິນທັງຈູ່ນົມຖົ່ວເຫຼືອງ. ປະຈຸບັນ ບໍ່ຄ່ອຍມີໃຜກິນແບບນັ້ນອີກແລ້ວ. ບໍ່ເຂົ້າໃຈຄືກັນວ່າ ຂະໜົມຄູ່ກັບນົມຖົ່ວເຫຼືອງມີຫຍັງແຊບ ພວກເດັກນ້ອຍທີ່ດຳລົງຊີວິດຢູ່ແຖວນັ້ນຄືມາຕິດເອົາແທ້ເອົາວ່າ? ໃນນັ້ນກໍ່ມີຂ້ອຍນຳ.

ຕອນແລງທີ່ອາກາດໜາວໆ, ຟ້າວຂ້າມຫົນທາງໃນເວລາເລິກການ, ຂ້ອຍພັດຄິດຮອດ ຕອນທີ່ເລິກໂຮງຮຽນກັບບ້ານກັບໝູ່ເພື່ອນ. ພວກຂ້ອຍຢຸດຢູ່ຕໍ່ໜ້າຮ້ານຂະໜົມຄູ່ເປັນປະຈຳ, ໃນຖົງຍັງມີເງິນເຫຼືອເພາະບໍ່ໄດ້ຊື້ກິນຕອນເຊົ້າ.  ຕອນທີ່ຂະໜົມຄູ່ຖືກເສີບໃສ່ຈານໂຍມ ເຫຼື້ອມໆເອົາອອກຕັ້ງໃສ່ໂຕະ, ພວກຂ້ອຍພາກັນຍາດກັນກິນ ຈຳ້ກັບນຳ້ໝາກຮຸ່ງດອງ. ພາບດັ່ງກ່າວເຮັດໃຫ້ເອື້ອຍເຈົ້າຂອງຮ້ານ ຫົວ ແລະ ກໍ່ແກວ່ງຫົວ.

ແຂກມາຖາມຊື້ ເຈົ້າຂອງຮ້ານຈິງເລີ່ມຕັດແປ້ງ ແລະ ທອດ.

ແຕ່ວ່າມາຮອດປະຈຸບັນ ນັບມື້ນັບມີອາຫານປະເພດໃໝ່ໆຫຼາຍຂື້ນ ແລະ ຮັບເຂົ້າມາ ເຮັດໃຫ້ຮ້ານຂາຍຂະໜົມຄູ່ຕ້ອງໄດ້ຫັນໄປຂາຍຂະໜົມປະເພດອື່ນໆ. ນອກຈາກຮ້ານທີ່ຢູ່ຖະໜົນ ຮ່າງດ໋ຽວ, ສ່ວນໃຫຍ່ແມ່ນຂາຍຂະໜົມຈືນ, ສົ້ມໝູຈືນ, ສະຫຼັດໝາກປີຫຼືໝາກຮຸ່ງ​ (ໂນ້ມ) ຕື່ມ. ບາງຮ້ານມີແຕ່ຂາຍໃຫ້ຄົນຊື້ເມືອບ້ານບໍ່ໄດ້ຕັ້ງໂຕະຄືແຕ່ເກົ່າ.

ສ່ວນຫຼາຍແມ່ນແຂກມາຊື້ກັບບ້ານ ຍ້ອນບໍ່ໄດ້ຕັ້ງໂຕະຂາຍຄືແຕ່ເກົ່າ.

ແຕ່ວ່າ ຮ້ານຂາຍຂະໜົມຄູ່ຕ່າງໆຍັງຄົງຮັກສາເອກກະລັກອັນເກົ່າແກ່,  ແຂກຊື້ຈິ່ງຕັດແປ້ງ ແລະ ທອດ. ສະນັ້ນຈິ່ງເຮັດໃຫ້ ຂະໜົມຄູ່ຍັງຄົງໃໝ່ແລະ ມີລົດຊາດແຊບຕະຫຼອດເວລາ ບໍ່ກ້ອບເກີນໄປຄືກັບຂະໜົມຄູ່ກິນກັບເຝີ, ນຸ້ມແຕ່ບໍ່ຊຸ້ງ.

ທີ່ຢູ່ຂອງຮ້ານຂາຍຂະໜົມຄູ່ຮ້ອນ ຢູ່ ຮ່າໂນ້ຍ:

431 ຫງວ໋ຽນຄາງ, ເກົ່າເຢີ໋ຍ, 23 ລໍ່ດຸກ, ຮາຍບ່າຈຶງ, 73 ຮ່າງບົງ, 69 ຟໍ໋ດຶກຈິ໋ງ, 109 ຕະກວາງບິ້ວ, 147 ຫງວ໋ຽນເລືອງບັ່ງ,77 ຫງວ໋ຽນຖ໋າຍຮັອກ, 1 ຮ່າງເດົ້າ... ລາຄາ ຈານ 15.000 ດົ່ງ ມີ 5 ອັນ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll