ຂະບວນການເຄື່ອນໄຫວ ສະເຫຼີມສະຫຼອງ 990 ປີ ການໄດ້ຊື່ເອີ້ນ ແທງຫວ໋າ.

09:50 2018/06/29

ຍ​ສ​ໝ - ໃນ​ປີ 2018-2019 ແຂວງ ແທງ​ຫວ໋​າ ຈະ​ຈັດ​ຕັ້ງ​ການ​ເຄື່ອນ​ໄຫວ​ເພື່ອ​ມຸ້ງ​ໄປ​ເຖິງ ວັນ​ຄົບ​ຮອບ 990 ປີ ການ​ໄດ້​ຊື່ເອີ້ນ ແທງ​ຫວ໋າ.

ຂະບວນການເຄື່ອນໄຫວ ສະເຫຼີມສະຫຼອງ 990 ປີ ການໄດ້ຊື່ເອີ້ນ ແທງຫວ໋າ.
ກຳ​ແພງ​ເມືອງໃນ​ລາດ​ສະ​ວົງ ໂຮ່.

ງານ​ສະ​ເຫຼີມ​ສະ​ຫຼອງ 990 ປີ ການ​ໄດ້​ຊື່ ແທງ​ຫວ໋າ ແຂວງ​ແທງ​ຫວ໋າ​ໄດ້​ຂື້ນ​ແຜ​ນ​ແລ້ວ​ວ່າ​ຈະ​​ເປັນ​ສາຍ​ຂອງ​ການ​ເຄື່ອນ​ໄຫວ​ ແລະ ​ຄວາມ​ໃຫຍ່​ຂອງ​ການ​ສ​ະ​ເຫຼີມ​ສະ​ຫຼອງ​ແມ່ນ ​ລະ​ດັບ​ແຂວງ ຈັດ​ຂື້ນ​ທີ່ ຈະ​ໜາມ​ຫຼວງ ລາມ​ເຊີນ, ນະ​ຄອນ​ແທງ​ຫວ໋າ ໃນ​ວັນ​ທີ 8 ພຶດ​ສະ​ພາ 2019. 

ພາ​ຍ​ຫຼັງ​ລາຍ​ການ​ສິນ​ລະ​ປະ​ຊິ້ນ​ສຸດ​ລົງ ຈະ​ມີ​ການ​ຍິງບັ້ງ​ໄຟ​ດອກ ແລະ ຖ່າຍ​ທອດ​ສົດ ຜ່ານ​ໂທ​ລະ​ພາບ ຊ່ອງ ເວ​ເຕ​ເວ1 ຂອງ​ສະ​ຖານ​ນີ​ໂທ​ລະ​ພາບ ຫວຽດ​ນາມ ແລະ ສະ​ຖານ​ນີ ວິ​ທະ​ຍຸ-ໂທ​ລະ​ພາບ ແທງຫວ໋າ.

ຕາມ​ແຜນ ບັນ​ດາ​ການ​ເຄື່ອນ​ໄຫວ​ເພື່ອ​ກ້າວ​ໄປ​ສູ່ ງານ​ສະ​ເຫຼີມ​ສະ​ຫຼອງ​ວັນ​ຄົບ​ຮອບ 990 ປີ ການ​ໄດ້​ຊື່ ແທງ​ຫວ໋າ ຈະ​ດຳ​ເນີນ​ໄປ​ດ້ວຍ ເຫ​ດ​ການ​ທີ່​ສຳ​ຄັນ​ຄື: ຄັດ​ເລືອກ​ໂຄງ​ການ​ທີ່​ຈະ​ລົງ​ທືນ, ບູ​ລະ​ນະ, ປະ​ຕິ​ສັງ​ຂອນ ບັນ​ດາ​ມໍ​ລະ​ດົກ ແລະ ຕິດ​ປ້າຍ ຄຳ​ນັບ​ຮັບ​ຕ້ອງວັນ​ດັ່ງ​ກ່າວ; ຈັດ​ກອງ​ປະ​ຊຸມ​ສົ່ງ​ເສີມ​ການ​ລົງ​ທືນ ແຂວງ​ແທງ​ຫວ໋າ; ຈັດ​ການ​ແຂ່ງ​ຂັນ​ຊອກ​ຮູ້​​ປະ​ຫວັດ​ສາດ, ສະ​ຫຼອງ​ສິນ​ລະ​ປະມວນ​ຊົນ, ແຕ່ງ​ບົດ​ເພງ​ກ່ຽວ​ກັບ​ແທງ​ຫວ໋າ, ຈັດ​ພິມ​ປື້ມ​ອ່ານ​ກ່ຽວ​ກັບ​ແທງ​ຫວ໋າ; ຈັດ​ງານ​ວາງ​ສະ​ແດງ ກ່ຽວ​ກັບຜົນ​ສຳ​ເລັດທາງເສດ​ຖະ​ກິດ, ສັງ​ຄົມຂອງ​ແຂວງ ແທງ​ຫວ໋າ ຕິດ​ພັນ​ກັບ​ການ​ສະ​ແດງ​ຮູບ​ພາບ​ເອກ​ສານ, ສຳ​ເນົາ, ປື້ມ, ໜັງ​ສື​ພິມ, ຮູບ​ພາບ, ວັດ​ຖຸ " ແທງ​ຫວ໋າ​ກ່ອນ ແລະ ປະ​ຈຸ​ບັນ" ສ​ະ​ຫຼຸບ ແລະ ມອບ​ລາງວັນ​ໃນ​ການ​ແຂ່ງ​ຂັນ​ຊອກ​ຮູ້ "ປະ​ຫວັດ​ສາດ ແທງ​ຫວ໋າ ໄດ້​ຜ່ານ​ມາ​ເຖິງ 990 ປີ ສ້າງ​ຕັ້ງ​ຂື້ນ ແລະ ພັດ​ທະ​ນາ"; ຊິງ​ຊະ​ນະ​ເລີດ ສະ​ເຫຼີມ​ສະ​ຫຼອງ​ສິນ​ລະ​ປະ​ມະ​ຫານ​ຊົນ​ທົ່ວ​ແຂວງ…

ທ່ານ ຟ້າມ​ຢຸຍ​ເຟືອງ ຫົວ​ໜ້າ​ພະ​ແນກ ວັດ​ທະ​ນະ​ທຳ-ກິ​ລາ ແລະ ທ່ອງ​ທ່ຽວ ແທງ​ຫວ໋າ, ງານ​ສະ​ເຫຼີມ​ສະ​ຫຼອງ 990 ປີ ການ​ໄດ້​ຊື່ ແທງ​ຫວ໋າ (1029 - 2019) ແມ່ນ​ເຫດ​ການ-ການ​ເມືອງ​ທີ່​ມີ​ຄວາມ​ໝາຍ​ສຳ​ຄັນ​ອັນ​ຍິ່ງ​ໃຫ່​ຍຂອງແຂວງ ສະ​ແດງ​ເຖິງ ປັດ​ສະ​ຍາ ກິນ​ເຂົ້າ​ ໃຫ້​ຄິດ​ຮອດ​ຜູ້​ເຮັດ​ນາ ຕໍ່​ກັບ​ພໍ່​ແມ່​ຄົນ​ລຸ້ນ​ກ່ອນ ທີ່​ມີ​ຄຸນ​ງາມ​ຄວາມ​ດີ​ໃນ​ການ​ສ້າງ​ສາ ແລະ ປົກ​ປັກ​ຮັກ​ສາ, ຮັບ​ຮູ້​ເຖິງ​ການ​ປະ​ກອບ​ສ່ວນ​ອັນຍິ່ງ​ໃຫຍ່​ຂອງ​ປະ​ຊາ​ຊົນ ແທງ​ຫວ໋າ ເຂົ້າ​ໃນ​ຂບວກການ​ຕໍ່​ສູ້ສ້າງ​ສາ​ ແລະ ປົກ​ປັກ​ຮັກ​ສາ ປະ​ເທດ​ຊາດອັນ​ຍິ່ງ​ໃຫຍ່​ຂອງ​ປະ​ຊາ​ຊົນ​ບັນ​ດາ​ເຜົ່າ ປະ​ກອບ​ສ່ວນ​ຍົກ​ສູງ​ໃບ​ໜ້າ, ແລະ​ ຈຸດ​ຢືນ​ຂອງ​ແຂວງ​ແທງ​ຫວ໋າ.

ບັນ​ດາ​ການ​ເຄື່ອນ​ໄຫວ ​ກ່ອນ​, ແລະ ຫຼັງ ງານ​ສະ​ເຫຼີມ​ສະ​ຫຼອງ ຈະ​ ຊ່ວຍ​ປຸກ​ລະ​ດົມ ກະ​ຕຸກ​ຊຸກ​ຍູ້ ຄວາມພູມໃຈ ໃນມູນ​ເຊື້ອປະຫວັດສາດ, ຜືນ​ແຜ່ນດິນ ແລະ ປະຊາຊົນແດນ ແທງ, ສຶກສາມູນ​ເຊື້ອຊາດ ຮັກບ້ານເກີດເມືອງນອນ. ນີ້ແມ່ນ​ກຳ​ລັ​ງ​ຍູ້​ໜູນ​ທາງ​ດ້ານ​ຈິດ​ໃຈອັນ​ຍິ່ງ​ໃຫຍ່​ແກ່ພັກ, ອຳ​ນາດ​ການ​ປົກ​ຄອງ ແລະ ປະ​ຊາ​ຊົນ​ແທງ​ຫວ໋າ​ໝົດ​ທຸກ​ຄົນ ຜ່ານ​ຜ່າ​ຄວາມ​ລຳ​ບາກ, ສິ່ງ​ທ້າ​ທາຍ, ຄວາມ​ບຸກ​ບືນ​ພະ​ຍາ​ຍາມ​ຜ່ານ​ຜ່າ, ຕັດ​ສິນ​ໃຈ​ສ້າງ​ສາ​ບ້ານ​ເກີດ​ເມືອງນອນ ແທງ​ຫວ໋າ​ນັບ​ມື້​ນັບ​ຮັງ​ມີ, ຈະ​ເລີນ​ຮຸ່ງ​ເຮືອງ, ກາຍ​ເປັນ “ແຂວງ​ແບບ​ຢ່າງ” ຄື​ຄຳ​ເວົ້າ​ຂອງ ລຸງ​ໂຮ່ ໄດ້ສັ່ງ​ສອນ​ຄັ້ງ​ທີ່​ເພິ່ນ​ມາ​ຢ້ຽມ​ຢາມ ແທງ​ຫວ໋າ.

ໃນກອງປະຊຸມຄັ້ງທີ 3, ສະ​ພາ​ປະ​ຊາ​ຊົນ ແຂວງ​ແທງ​ຫວ໋າ ສະ​ໄໝ​ທີ 17 (ກໍລະກົດ 1917) ໄດ້ລົງ​ປະ​ຊາ​ມັດ​ຕິ​ອະ​ນຸ​ມັດ​ຜ່ານ ດຳ​ລັດ ວ່າ​ດ້ວຍ ເອົາ​ປີ 1029 ເປັນປີ ທີ່​ຊື່ ແທງ​ຫວ໋າ ໄດ້​ເກີດ​ຂື້ນ​ມາ, ​ດ້ວຍເປັນຫນ່ວຍງານ​ປົກ​ຄອງທີ່​ຂື້ນ​ກັບ​ສູນ​ກາງ. ນີ້​ແມ່ນ​ຫຼັກປະຫວັດສາດທີ່ສໍາຄັນ ຕໍ່​ກັບອໍານາດການປົກຄອງ ແລະ ປະຊາຊົນແທງ​ຫວ໋າ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll