ການເຄື່ອນໄຫວ ກິດຈະກຳ ວັນຄອບຄົວອາຊຽນ ຢູ່ ຮ່າໂນ້ຍ 2018

15:31 2018/08/26

ຍສໝ - ວັນທີ 25 ສິງຫາ, ຢູ່ ຮ່າໂນ້ຍ ໄດ້ຈັດງານ ເຄື່ອນໄຫວ ກິດຈະກຳ ຢ່າງຟົດຟື້ນໃນງານ ວັນຄອບຄົວ ອາຊຽນ ປີ 2018.

ການເຄື່ອນໄຫວ ກິດຈະກຳ ວັນຄອບຄົວອາຊຽນ ຢູ່ ຮ່າໂນ້ຍ 2018
 ຜູ້ເຂົ້າຮ່ວມວັນຄອບຄົວອາຊຽນພ້ອມກັນຖີບລົດຖີບ ເຕັມໄປດ້ວຍນ້ຳໃຈມິດຕະພາບ.

ກິດຈະກຳນີ້, ຈັດໂດຍກະຊວງການຕ່າງປະເທດຫວຽດນາມ  ແລະ ກຸ່ມແມ່ຍິງ ປະ ຊາຄົມອາຊຽນ ປະຈຳຮ່າໂນ້ຍ  ສົມທົບກັນຈັດຕັ້ງ.  ເຂົ້າຮ່ວມກິດຈະກໍາໃນຄັ້ງນີ້,  ມີບັນດາການນໍາ,  ລັດຖະກອນຈາກກະຊວງ ການຕ່າງປະເທດຫວຽດນາມ,  ເອກອັກຄະລັດ ຖະທູດບັນດາປະເທດອາຊຽນ ປະຈຳ ຮ່າໂນ້ຍ  ພ້ອມດ້ວຍ ພັນລະຍາ ແລະ ພະນັກງານ,  ສະຖານທູດລາວ ເຂົ້າຮ່ວມໂດຍ,  ທ່ານ ທອງສະຫວັນ ພົມວິຫານ  ເອກອັກຄະລັດຖະທູດວິສາມັນ  ຜູ້ມີອຳນາດເຕັມ ແຫ່ງ ສປປ ລາວ   ປະຈຳ ສສ ຫວຽດນາມ, ພ້ອມດ້ວຍພະນັກງານສະຖານທູດ  ແລະ ນັກສຶກສາລາວ  ທີ່ກຳລັງສຶກສາຢູ່ຮ່າໂນ້ຍ ເຂົ້າຮ່ວມ.

ພາຍຫລັງເປີດພິທີ ກໍໄດ້ມີການຖີບລົດຖີບ  ຈາກກະຊວງການຕ່າງປະເທດ ເຮືອນເລກທີ 1 ຖະໜົນໂຕນເທິດດ່າມ   ໄປຍັງສຳນັກງານເຮັດວຽກຫລັງໃໝ່  ຢູ່ເຮືອນເລກທີ 2 ຖະໜົນເລກວາງດ້າວ,  ໂດຍມີຜູ້ເຂົ້່ຮ່ວມເກືອບ 200 ຄົນ.  ພາຍໃນງານ ໄດ້ຈັດກິດຈະກໍາຫລາຍຢ່າງ  ທີ່ຟົດຟື້ນ ແລະ ເປັນເອກະລັກ  ຂອງແຕ່ລະປະເທດ ເພື່ອເຊື່ອມສຳພັນໄມຕີ ຮ່ວມກັນ ເຊັ່ນ:  ການສະແດງສິລະປະ,  ການຫລີ້ນພື້ນເມືອງ, ແຕ້ມຮູບ,  ມັດຕາຕີໝໍ້, ດຶງເຊືອກ,  ຈັດ ລາຍການອາຫານແຕ່ລະປະເທດ, ຊຶ່ງໄດ້ສ້າງບັນຍາກາດຟົດຟື້ນມ່ວນຊື່ນ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll