ພິທີອັດວັນບຸນວິສາຂະບູຊາ Vesak 2019

06:27 2019/05/15

ຍສໝ - ໃນຕອນເຊົ້າຂອງວັນທີ 14 ພຶດສະພາ, ພິທີອັດວັນບຸນວິສາຂະບູຊາສະຫະປະຊາຊາດ - Vesak 2019 ໄດ້ດຳເນີນຢູ່ສູນວັດທະນະທຳພຸດທະສາສະໜາ ຕາມຈຸ໊ກ, ແຂວງຮ່ານາມ ສສ ຫວຽດນາມ.

ພິທີອັດວັນບຸນວິສາຂະບູຊາ Vesak 2019
ທ່ານຮອງນາຍົກລັດຖະມົນຕີຫວຽດນາມ ເຈືອງຮ່ວາບິ່ງ ກ່າວຄຳເຫັນທີ່ພິທີອັດວັນບຸນວິສາຂະບູຊາ Vesak 2019. (ພາບ: tuoitre.vn)

ເຂົ້າຮ່ວມພິທີອັດວັນບຸນວິສາຂະບູຊາ Vesak 2019 ມີການນຳຫວຽດນາມ, ການນຳບັນດາປະເທດ; ບັນດາຜູ້ມີຍົດສັກຕຳແໜ່ງທາງສາສະໜາພຸດ, ອົງການຈັດຕັ້ງພຸດທະສາສະໜາຂອງບັນດາປະເທດ, ເຂດແຄ້ວນໃນໂລກ ແລະ ຫວຽດນາມ; ບັນດາພະສົງສຳມະເນນ,  ພຸດທະສາສະນິກກະຊົນຢູ່ພາຍໃນ ແລະ ຕ່າງປະເທດ.

ກ່າວຄຳເຫັນທີ່ພິທີອັດວັນບຸນວິສາຂະບູຊາ Vesak 2019, ທ່ານຮອງນາຍົກລັດຖະມົນຕີຫວຽດນາມ ເຈືອງຮ່ວາບິ່ງ ໄດ້ເນັ້ນໜັກວ່າ: “ຫວຽດນາມ - ປະເທດທີ່ຮັກຫອມສັນຕິພາບ, ສືບຕໍ່ຍົກສູງວັດທະນະທຳມະນຸດສາດ, ສັນຕິພາບ, ມິດຕະພາບ ແລະ ການຮ່ວມມືຂອງວັນບຸນ Vesak 2019 ເປັນສຳຄັນ; ເຊື່ອມຕໍ່ກຳລັງແຮງ, ນ້ຳໃຈສາມັກຄີ, ຄວາມສະໜິດຕິດພັນ, ຄວາມມານະພະຍາຍາມ, ພ້ອມກັນກະທຳ… ຂອງບັນດາຜູ້ເປັນລູກຂອງພະພຸດທະເຈົ້າໃນທົ່ວໂລກ, ເພື່ອສັນຕິພາບ, ການຮ່ວມມື ແລະ ຄວາມກ້າວໜ້າໃນສັງຄົມ. ຍາມໃດຫວຽດນາມກໍ່ຢືນຢັນນະໂຍບາຍສະເໝີຕົ້ນສະເໝີປາຍແມ່ນເຄົາລົບ ແລະ ຮັບປະກັນສິດເສລີໃນການເຫຼື້ອມໃສສາສະໜາ ແລະ ບັນດາສາສະໜາຢູ່ຫວຽດນາມຍາມໃດກໍ່ມີຄວາມສະໜິດຕິດພັນ, ຮ່ວມເດີນທາງພ້ອມກັບປະເທດຊາດ”. 

ທີ່ພິທີອັດວັນບຸນວິສາຂະບູຊາ Vesak 2019, ຄະນະຈັດຕັ້ງວັນບຸນ Vesak ຫວຽດນາມ 2019 ໄດ້ອອກຖະແຫຼງການຮ່ານາມ. ໃນຖະແຫຼງການລວມຮ່ານາມໄດ້ໃຫ້ຄຳໝັ້ນສັນຍາຈະປະຕິບັດບັນດາເປົ້າໝາຍພັດທະນາແບບຍືນຍົງຂອງຫະປະຊາຊາດຢ່າງຄົບຖ້ວນ; ແບ່ງປັນຄວາມຮັບຜິດຊອບຕໍ່ສັງຄົມໃຫ້ຫຼາຍກວ່າອີກເພື່ອແນໃສ່ສະໜັບສະໜູນ, ກໍ່ສ້າງ, ຮັກສາ ແລະ ພັດທະນາບັນດາສັງຄົມແບບຍືນຍົງ. ຖະແຫຼງການເນັ້ນໜັກເຖິງວິທີການສຳຜັດການເຈລະຈາ ແລະ ບໍ່ໃຊ້ຄວາມຮຸນແຮງໃນການສ້າງສັນຕິພາບ…

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll