ຄຳມ່ວນສະເຫລີມສະຫລອງວັນສ້າງຕັ້ງແນວລາວສ້າງຊາດຄົບຮອບ 69 ປີ ( 13 ສິງຫາ 1950 – 13 ສິງຫາ 2019 )

19:46 2019/08/13

ໃນວັນທີ 13 ສິງຫາ 2019 ຄະນະພັກຄະນະນຳແຂວງຄຳມ່ວນນຳໂດຍ ທ່ານ ແສງທອງ ພະຄຸນທອງ ຄະນະປະຈຳພັກແຂວງ, ປະທານແນວລາວສ້າງຊາດແຂວງ ພ້ອມດ້ວຍບັນດາທ່ານໃນຄະນະປະຈຳພັກແຂວງ, ກຳມະການພັກແຂວງ ໄດ້ພ້ອມກັນເຂົ້າວາງກະຕາດອກໄມ້ຢູ່ອານຸສາວະລີປະທານ ໄກສອນ ພົມວິຫານ ແລະ ອານຸສອນສະຖານປະທານສຸພານຸວົງ.

ຄຳມ່ວນສະເຫລີມສະຫລອງວັນສ້າງຕັ້ງແນວລາວສ້າງຊາດຄົບຮອບ 69 ປີ ( 13 ສິງຫາ 1950 – 13 ສິງຫາ 2019 )
ບັນຍາກາດກອງປະຊຸມ.

ເນື່ອງໃນໂອກາດວັນສ້າງຕັ້ງແນວລາວສ້າງຊາດຄົບຮອບ 69 ປີ ເພື່ອເປັນການສະແດງເຖິງຄວາມເຄົາລົບຮູ້ບຸນຄຸນອັນໃຫຍ່ຫລວງ ແລະ ປະເສີດເລີດລໍ້າຂອງບັນດາອາດີດການນຳທີ່ມີຕໍ່ພັກ - ຕໍ່ລັດ ກໍ່ຄືການນຳພາປະຊາຊົນລາວບັນດາເຜົ່າຍາດໄດ້ໄຊຊະນະ ແລະ ສະຖາປານາ ສປປ ລາວໃນວັນທີ 2 ທັນວາປີ 1975. ພາຍຫລັງສຳເລັດພິທີວາງກະຕ່າດອກໄມ້ກໍ່ໄດ້ເຂົ້າສູ່ພິທີປະຖະກະຖາລະນຶກມູນເຊຶ້ອວັນສ້າງຕັ້ງແນວລາວສ້າງຊາດຂຶ້ນທີ່ສະໂມສອນ 21 ມີນາ ( ຫລັກ 4) ເປັນກຽດເຂົ້າຮ່ວມໂດຍ ທ່ານ ໂອໄດ ສຸດາພອນ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆ ຄຳມ່ວນ, ມີພະເຖລະນຸເຖລະ, ບັນດາທ່ານການນຳພັກ - ລັດ, ອົງການຈັດຕັ້ງມະຫາຊົນແຂວງ, ເມືອງ, ພະນັກງານອາວຸໂສບຳນານ, ອຳນາດການປົກຄອງບ້ານຕະຫລອດຮອດແຂກຖຶກເຊີນເຂົ້້າຮ່ວມ.
ທ່ານ ແສງທອງ ພະຄຸນທອງ ປະທານແນວລາວສ້າງຊາດແຂວງ.

ທ່ານ ແສງທອງ ພະຄຸນທອງ ປະທານແນວລາວສ້າງຊາດແຂວງໄດ້ເປັນກຽດຂຶ້ນເລົ່າປະຫວັດມູນເຊຶ້ອວັນສ້າງຕັ້ງແນວລາວສ້າງຊາດໂດຍໄດ້ຍົກໃຫ້ເຫັນການກຳເນີດ, ການເຕີບໃຫຍ່ຂະຫຍາຍຕົວ ແລະ ມູນເຊຶ້ອອັນສະຫງ່າລາສີຕະຫລອດໄລຍະ 69 ປີ. ໂດຍສະເພາະແມ່ນຜົນງານພົ້ນເດັ່ນແຫ່ງການຕໍ່ສູ້ກູ້ຊາດຕ້ານຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ສະໄໝແນວລາວອິດສະຫລະ ແລະ ສະໄໝແນວລາວຮັກຊາດ ຕະຫລອດຮອດຜົນງານການເຄື່ອນໄຫວຂອງແນວລາວສ້າງຊາດໄລຍະປົກປັກຮັກສາ ແລະ ສ້າງສາພັດທະນາປະເທດຊາດໃນປະຈຸບັນກໍ່ຄືຜົນງານການເຄື່ອນໄຫວຂອງຄະນະກຳມະການສູນກາງແນວລາວສ້າງຊາດໃນໜຶ່ງປີຜ່ານມາ, ລວມເຖິງມູນເຊຶ້ອ, ຜົນ ງານການເຄື່ອນໄຫວຂອງແນວລາວສ້າງຊາດແຂວງຄຳມ່ວນ. ທັງນີ້ກໍ່ເພື່ອເປັນການປູກຈິດສຳນຶກ ແລະ ຂະຫຍາຍມູນເຊຶ້ອແນວລາວສ້າງຊາດໃຫ້ແກ່ຖັນແຖວສະມາຊິກພັກ, ພະນັກງານ, ບັນດາມະຫາຊົນຊັ້ນຄົນຕ່າງໆ ໃຫ້ຮັບຮູ້ ແລະ ເຂົ້າໃຈຢ່າງເລິກເຊິ່ງ ຕໍ່ມູນເຊຶ້ອຂອງແນວລາວສ້າງຊາດໂດຍສະເພາະແມ່ນການເພີ້ມຄວາມສາມັກຄີປອງດອງປະຊາຊົນລາວບັນດາເຜົ່າ, ຊັ້ນຄົນ, ສາດສະໜາ, ເພດໄວ, ພາຍໃຕ້ການນຳພາຂອງພັກເຂົ້າຮ່ວມໃນທຸກຂະບວນການສ້າງສາ - ພັດທະນາປະເທດຊາດ, ເສີມຂະຫຍາຍສິດເປັນເຈົ້າຂອງປະເທດຊາດບົນພື້ນຖານນໍ້າໃຈຮັກຊາດເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງປະກອບສ່ວນໃນການຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍທາງສັງຄົມ.

(ແຫຼ່ງ​ຂໍ້​ມູນ​: ມະນີວັນ/Khammouane News)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
Scroll