6 ເດືອນຕົ້ນ ປີ 2019: FDI ສືບຕໍ່ໄດ້ຮັບການເຕີບໂຕບັນລຸລະດັບສະຖິຕິດ້ານທຶນຈົດທະບຽນ

13:21 2019/06/19

ຍສໝ - ຕາມການລາຍງານຈາກ ກົມໃຫຍ່ສະຖິຕິຫວຽດນາມ, ໄລ່ສະເພາະ 5 ເດືອນຕົ້ນ ປີ 2019, ການດຶງດູດເງິນລົງທຶນ FDI ເຂົ້າຫວຽດນາມ ແມ່ນເພີ່ມຂຶ້ນ 38% ແລະ ຈຳນວນໂຄງການເພີ່ມຂຶ້ນກວ່າ 26% ເມື່ອທຽບໃສ່ໄລຍະດຽວກັນຂອງປີ 2018.

 6 ເດືອນຕົ້ນ ປີ 2019: FDI ສືບຕໍ່ໄດ້ຮັບການເຕີບໂຕບັນລຸລະດັບສະຖິຕິດ້ານທຶນຈົດທະບຽນ
ພາບປະກອບ.

ໄລ່ຮອດທ້າຍ ປີ 2018, ໃນທົ່ວປະເທດມີ 27.500 ໂຄງການ ມີທຶນ FDI, ທີ່ມາຈາກ 130 ປະເທດ ແລະ ເຂດແຄວ້ນ, ດ້ວຍຍອດເງິນລົງທຶນໃນຄຳໝັ້ນສັນຍາແມ່ນ 340 ຕື້ USD. ນີ້ແມ່ນແຫຼ່ງກຳລັງສຳຄັນໃນຍອດຈຳນວນເງິນລົງທຶນພັດທະນາຂອງທົ່ວສັງຄົມ, ປະກອບເກືອບ 20% ລວມຍອດຜະລິດຕະພັນພາຍໃນ (GDP) ຂອງທົ່ວປະເທດ. ໃນຊຸມປີມໍ່ໆມານີ້ ແຫຼ່ງເງິນລົງທຶນຈາກຕ່າງປະເທດທີ່ລົງທຶນເຂົ້າຫວຽດນາມ ໄດ້ເພີ່ມຂຶ້ນສູງຢ່າງຕໍ່ເນື່ອງ, ນັ້ນແມ່ນເຄື່ອງໝາຍແຫ່ງຄວາມປິຕິຊົມຊື່ນຂອງພື້ນຖານເສດຖະກິດຫວຽດນາມ.

ຈຸດພົ້ນເດັ່ນກ່ຽວກັບການເຕີບໂຕດ້ານເສດຖະກິດ, ຕິດພັນກັບການຮັບປະກັນສະຖຽນລະພາບ, ສິ່ງທີ່ໜ້າຈົດຈຳນັ້ນແມ່ນ ແຫຼ່ງເງິນລົງທຶນໂດຍກົງຈາກຕ່າງປະເທດ (FDI) ສືບຕໍ່ໄດ້ຮັບການເຕີບໂຕບັນລຸລະດັບສະຖິຕິ ນັບທັງຈຳນວນໂຄງການລວມມີ 1.363 ໂຄງການ ແລະ ທຶນຈົດທະບຽນໃໝ່ບັນລຸ 6,5 ຕື້ USD, ນັ້ນແມ່ນຕົວເລກສູງທີ່ສຸດໃນຮອບເວລາ 3 ປີມໍ່ໆມານີ້.  ໄລ່ສະເພາະ 5 ເດືອນຕົ້ນປີ 2019, ການດຶງດູດເງິນລົງທຶນ FDI ເຂົ້າຫວຽດນາມ ແມ່ນເພີ່ມຂຶ້ນ 38% ແລະ ຈຳນວນໂຄງການເພີ່ມຂຶ້ນກວ່າ 26% ເມື່ອທຽບໃສ່ໄລຍະດຽວກັນຂອງປີ 2018.

ໃນຕະຫຼອດໄລຍະ 30 ປີ ຜ່ານມາ, ນັບແຕ່ເມື່ອຮັບບັນດາໂຄງການລົງທຶນຈາກຕ່າງປະເທດແຫ່ງທຳອິດ, ຫວຽດນາມ ໄດ້ປັບປຸງລະບອບລະບຽບການ, ນະໂຍບາຍບຸລິມະສິດທາງດ້ານການເງິນ ແລະ ຄຸ້ມຄອງແຫຼ່ງກຳລັງລົງທຶນຈາກຕ່າງປະເທດໃຫ້ສົມບູບແບບຢ່າງລຽນຕິດ. ບັນດາບຸລິມະສິດໄດ້ສຸມໃສ່ເຂົ້າໃນ 3 ຂົງເຂດຄື: ບຸລິມະສິດດ້ານພາສີລາຍຮັບຂອງວິສາຫະກິດ; ພາສີນຳເຂົ້າ ແລະ ບັນຫາການເງິນທີ່ດິນ ແລະ ອື່ນໆ.

ໃນ ປີ 2019 ນີ້, ຫວຽດນາມ ສືບຕໍ່ກວດກາຄືນບັນດາບຸລິມະສິດດ້ານທີ່ດິນ ເພື່ອສ້າງແຫຼ່ງລາຍຮັບໃຫ້ງົບປະມານແຫ່ງລັດ, ພ້ອມທັງສືບຕໍ່ດຶງດູດບັນດາໂຄງການລົງທຶນຈາກຕ່າງປະເທດ. 

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll