ໄຂກອງປະຊຸມໃຫຍ່ ກວດສອບແຫ່ງລັດ ອາຊີ ຄັ້ງທີ 14 (ASOSAI 14)

10:14 2018/09/19

ພິທີໄຂກອງປະຊຸມໃຫຍ່ ອົງການກວດສອບ ສູງສຸດອາຊີຄັ້ງທີ 14 (ASOSAI 14) ແລະ ສະເຫຼີມສະຫຼອງ 40 ປີແຫ່ງວັນກົດບັດ ASOSAI ໄດ້ດຳເນີນໃນວັນທີ 19 ກັນຍາ ຢູ່ ຮ່າໂນ້ຍ.

ໄຂກອງປະຊຸມໃຫຍ່ ກວດສອບແຫ່ງລັດ ອາຊີ ຄັ້ງທີ 14 (ASOSAI 14)
ບັນຍາກາດກອງປະຊຸມ.

ເຂົ້າຮ່ວມກອງປະຊຸມໃຫຍ່ມີຜູ້ແທນ 250 ທ່ານທີ່ມາຈາກ 46 ອົງການກວດສອບສູງສຸດຂອງບັນດາປະເທດ ອາຊີ, ຜູ້ຕາງໜ້າ INTOSAI ແລະ ອົງການຈັດຕັ້ງສາກົນອື່ນໆ. ກ່າວຄຳເຫັນນະທີ່ນີ້, ທ່ານ ໂຮ່ດຶກເຝິກ ຫົວໜ້າອົງການກວດສອບແຫ່ງລັດ ຫວຽດນາມ ໄດ້ເນັ້ນໜັກວ່າ:

ກອງປະຊຸມໃຫຍ່ ASOSAI 14 ນອກຈາກການປຶກສາຫາລື ແລະ ຕັດສິນບັນດາບັນຫາສຳຄັນລວມຂອງກອງປະຊຸມໃຫຍ່, ຫົວຂໍ້ “ກວດສອບສິ່ງແວດລ້ອມເພື່ອການພັດທະນາແບບຍືນຍົງ” ຢູ່ກອງປະຊຸມໃຫຍ່ ASOSAI 14 ແມ່ນໜຶ່ງໃນບັນດາເນື້ອໃນຂອງແຜນການດຳເນີນງານທີ່ສະແດງໃຫ້ເຫັນສານ, ຄຳໝັ້ນສັນຍາ, ຄວາມມານະພະຍາຍາມ ແລະ ການປະກອບສ່ວນຢ່າງແທດຈິງຂອງປະຊາຄົມ ASOSAI ໃນກິດຈະການເດີນຕາມຈຸດໝາຍພັດທະນາແບບຍືນຍົງຂອງສະຫະປະຊາຊາດ ແລະ ແກ້ໄຂບັນດາສິ່ງທ້າທາຍກ່ຽວກັບສິ່ງແວດລ້ອມທົ່ວໂລກ. ຖະແລງການ ຮ່າໂນ້ຍ ຈະແມ່ນເອກະສານຢ່າງເປັນທາງການຂອງກອງປະຊຸມໃຫຍ່ ASOSAI 14.

ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ.

ກ່າວຄຳເຫັນທີ່ພິທີໄຂ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ໄດ້ຢືນຢັນວ່າ: ອົງການກວດສອບແຫ່ງລັດ ຫວຽດນາມ ດ້ວຍບົດບາດເປັນປະທານ ASOSAI 14 ຈະເຮັດຈົນສຸດຄວາມສາມາດຂອງຕົນເພື່ອ ASOSAI ພັດທະນາ, ເຕີບໃຫຍ່ເຂັ້ມແຂງ, ໝັ້ນຄົງ, ປະກອບສ່ວນຄຸນຄ່າຫລາຍຢ່າງເຂົ້າໃນພື້ນຖານເສດຖະກິດ ອາຊີ ແລະ ໂລກ.

ໃນໄລຍະຈະມາເຖິງ, ຂ້າພະເຈົ້າຫວັງວ່າ ອົງການກວດສອບແຫ່ງລັດ ຫວຽດນາມ ເພີ່ມທະວີການເປີດເຜີຍ, ກະຈ່າງແຈ້ງ, ມີລັກສະນະອາຊີບ, ເປັນລະບົບປົກກະຕິຢ່າງບໍ່ຢຸດຢັ້ງ, ຫັນເປັນທັນສະໄໝໃນການເຄື່ອນໄຫວເທື່ອລະກ້າວ, ກໍ່ສ້າງຖັນແຖວນັກກວດສອບທີ່ມີຄຸນສົມບັດຈັນຍາບັນອາຊີບ. ອົງການກວດສອບແຫ່ງລັດ ຫວຽດນາມ ຕ້ອງສືບຕໍ່ເສີມຂະຫຍາຍບົດບາດປ້ອງກັນກົດໝາຍ, ປ້ອງກັນຄວາມສັດຊື່ບໍລິສຸດຂອງທົ່ວລະບົບໃນການຄຸ້ມຄອງການເງິນສາທາລະນະ ແລະ ຊັບສິນຂອງລັດ.

(ແຫຼ່ງ​ຂໍ້​ມູນ​: vov5)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll