ເພີ່ມທະວີວຽກງານການໂຄສະນາ ກ່ຽວກັບສັນຕິພາບ ໃຫ້ມວນມະຊາຊົນ

11:09 2018/07/11

ເຊົ້າມື້ວັນທີ 10 ກໍລິກົດນິ້ ທີ່ ຮ່າໂນ້ຍ ຄະນະກຳມາທິການ ສັນຕິພາບຫວຽດນາມ ໄດ້ຈັດຕັ້ງກອງປະຊຸມຄະນະປະຈຳ ເປີດກວ້າງເພື່ອສະຫຼຸບວຽກງານ 6 ເດືອນຕົ້ນປີ ແລະ ວາງແຜນການ 6 ເດືອນທ້າຍປີ 2018 ແລະ ຜ່ານບາງເນື້ອໃນທີ່ສຳຄັນ.

ເພີ່ມທະວີວຽກງານການໂຄສະນາ ກ່ຽວກັບສັນຕິພາບ ໃຫ້ມວນມະຊາຊົນ

ເຂົ້າ​ຮ່ວມກອງ​ປະ​ຊຸມ​ຄັ້ງນີ້ ມີ​ ທ່ານ ອວງ​ຈູ​ລືວ ຮອງ​ປະ​ທານ​ສະ​ພາ​ແຫ່​ງ​ຊາດ ປະ​ທານ​ກຳ​ມາ​ທິ​ການ​ສັນ​ຕິ​ພາ​ບ​ຫວຽດ​ນາມ; ທ່ານ ໂດນ​ຕ໋ວນ​ຟອງ ຮອງ​ປະ​ທານ​ຮັບ​ຜິດ​ຊອບ ທັງ​ເປັນ​ເລ​ຂາ​ທິ​ການ ສະ​ຫະ​ພັນ​ອົງ​ການ​ມິດ​ຕະ​ພາບ​ຫວຽດ​ນາມ; ບັນ​ດາ​ກຳ​ມະ​ການ ​ ສ​ະ​ຫະ​ພັນ.

ບັນຍາກາດຂອງກອງປະຊຸມ. (ພາບ: ທຸ່ຍລິງ)

ທີ່ກອງ​ປະ​ຊຸມ ບັນ​ດາ​ຜູ້​ແທນ​ໄດ້​ຮັບ​ຝັງ​ການ​ລາຍ​ງານ​ໂດຍ​ຫຍໍ້​ການ​ເຄື່ອນ​ໄຫວ​ໂດຍ​ລວມ​ຂອງ ກຳ​ມາ​ທິ​ການ​ສະ​ຫະ​ພັນ 6 ເດືອນ​ຕົ້​ນ​ປີ ແລະ ວາງ​ແຜນ​ການ​ເຄື່ອນ​ໄຫວ​ທ້າຍ​ປີ 2018.

ການ​ເຄື່ອນ​ໄຫວ​ຂອງ ກຳ​ມາ​ທິ​ການ​ສະ​ຫະ​ພັນ​ໃນ 6 ເດືອນ​ຕົ້ນ​ປີ ໄດ້​ຈັດ​ຕັ້ງ​ປະ​ຕິ​ບັດ​ຢ່າ​ງຖືກ​ຕ້ອງຕາມ​ກົດ​ລະ​ບຽບ ແລະ ມາດ​ຕາ​ການ​ຕ່າງໆ ຂອງ​ແຜນ​ງານ, ແຜນ​ການ​ທີ່​ໄດ້​ວາງ​ອອກ​ໃນ​ໄລ​ຍະ​ຜ່ານ​ມາ.

ໃນ 6 ເດືອນ​ຕົ້ນ​ປີ 2018 ຄະ​ນະ​ກຳ​ມາ​ທິ​ການ ໄດ້​ຕັ້ງ​ໜ້າສຸມ​ໃສ່ ແລະ ສຳ​ເລັດ​ການ​ຮ່າງ​ປື້ມ “ຫວຽດ​ນາມ:  ຄວາມມຸ້ງມາດປາຖະໜາແຫ່ງສັນຕິພາບ ” ແລະ ການເຂົ້າຮ່ວມບາງ ກອງປະຊຸມສາກົນກ່ຽວກັບ ສັນຕິພາບ-ຄວາມສະຫງົບ, ປະກອບສ່ວນຢ່າງຕັງໜ້າເຂົ້້າໃນວຽກງານປ້ອງກັນ ສິດຜົນປະໂຫຍດຂອງຊາດ, ພາບລັກຂອງຫວຽດນາມ, ປະກອບສ່ວນເພີ່ມທະວີ ມິດຕະພາບ ແລະ ສາມັກຄີ ກັບປະຊາຄົມໂລກ.

ບັນດາກຳມາທິການ ສັນຕິພາບ ທ້ອງຖິ່ນ ໄດ້ຕັ້ງໜ້າຕື່ນຕົວປະສານສົມທົບ ຈັດຕັ້ງປະຕິບັດ ແລະ ເຂົ້າຮ່ວມການເຄື່ອນໄຫວ ສັນຕິພາບ ມິຕະພາບຂອງ ກຳມາທິການ ສັັນຕິພາບຫວຽດນາມ ແລະ ສະຫະພັນອົງການມິດຕະພາບ ຫວຽດນາມ, ພິເສດແມ່ນການເຄື່ອນໄຫວພາບໃນຂອງກຳມາທິການສັນຕິພາບ ທ້ອງຖິ່ນຢ່າງຟົດຟື້ນ, ດ້ວຍຄວາມຫຼາກຫຼາຍອຸດົມສົມບູນດຶງດູດຫຼາຍພາກສ່ວນເຂົ້າຮ່ວມ, ປະກອບສ່ວນຢ່າງຕັ້ງໜ້າໃນວຽກການຕ່າງປະເທດຂອງບັນດາທ້ອງຖິ່ນ ກໍ່ຄືປະກອບສ່ວນເພີ່ມທະວີ ຄວາມສາມັກຄີມິດຕະພາບ ລະຫວ່າງປະຊາຊົນຫວຽດນາມ ແລະ ເພື່ອນມິດສາກົນ.

ທ່ານນາງ ຫງວ໋ຽນທິຮວ່າງເວິນ ໃຫ້ຄຳເຫັນແບ່ງປັນທີ່ກອງປະຊຸມ. ( ພາບ: ທຸ່ຍລິງ)

ໃນ 6 ເດືອນທ້າຍປີ 2018 ແຜນການການເຄື່ອນໄຫວຂອງ ກຳມາທິການ ໄດ້ສຸມໃສ່ສອງການເຄື່ອນໄຫວສຳຄັນຫຼັກຄື:  ຈັດຕັ້ງປະຕິບັດສຳເລັດ ກອງປະຊຸມໃຫຍ່ ກຳມາທິການ ສະໄໝ 2018-2023 ແລະ ສຸມໃສ່ວຽກງານ ການຂຽນ ແລະ ຈັດພິມປື້ມ  “ຫວຽດ​ນາມ:  ຄວາມມຸ້ງມາດປາຖະໜາແຫ່ງສັນຕິພາບ ”.

ທີ່ກອງປະຊຸມ ບັນດາຜູ້ແທນຕີລາຄາສູງ ບົດລາຍງານຂອງ ຄະນະກຳມາທິການ ໄດ້ຍົກຂື້ນມາຢ່າງຄົບຖ້ວນ ບັນດາການເຄື່ອນໄຫວທີສຳຄັນຫຼັກ, ພິເສດແມ່ນການເຄື່ອນໄຫວຂອງບັນດາຄະນະກຳມາທິການທ້ອງຖິ່ນ.

ໃນການສົນທະນາປຶກສາຫາລືຂອງກອງປະຊຸມ, ທ່ານ ຫງວ໋ຽນວັນຮວິ່ງ ຮອງປະທານກຳມາທິການ ສັນຕິພາບ ຫວຽດນາມໄດ້ໃຫ້ຮູ້ວ່າ: ກຳມາທິການ ຕ້ອງໄດ້ຍູ້ແຮງບັນດາການເຄື່ອນໄຫວໂຄສະນາ, ສຶກສາອົບຮົມ ມວນມະຫາຊົນ ກ່ຽວກັບສັນຕິພາບ, ພິເສດແມ່ນບັນດາຂັ້ນຊາວໜຸ່ມ. ຈາກນັ້ນຕ້ານໄດ້ປະຊາຊົນຖືກພວກກຸ່ມຄົນບໍ່ດີສວຍໃຊ້ ປະຊາທິປະໄຕ, ສ້າງຄວາມບິດບ້ຽວຄວາມເປັນຈິງ, ລະດົມຄວາມຮຸນແຮງ, ສ້າງຄວາມວຸ້ນວາຍກໍ່ໃຫ້ເກີດຄວາມບໍ່ສະຫງົບທາງສັງຄົມ, ສະທ້ອນຕໍ່ກັນຊີວິດການເປັນຢູ່ຂອງປະຊາຊົນ, ການເຄື່ອນໄຫວເພີ່ມພູນຜລິດຜົນ, ການດຳເນີນທຸລະກິດ ຂອງບັນດານັກທຸລະກິດ ແລະ ການເຄື່ອນໄຫວຂອງບັນດາອົງການອຳນາດການປົກຄອງ.

ເປັນເອກກະພາບຕໍ່ຄຳເຫັນຂອງ ທ່ານ ຫງວ໋ຽນວັນຮວິ່ງ , ທ່ານນາງ ຫງວ໋ຽນທິຮວ່າງເວິນ ຫົວໜ້າກົມ -ກົມການທູດປະຊາຊົນ, ກຳມະການການຕ່າງປະເທດສູນກາງພັກ ໄດ້ໃຫ້ຮູ້ວ່າ: ບັນດາການເຄື່ອນໄຫວສະໜອງຂໍ້ມູນຂ່າວສານ, ການຮັບຮູ້ທີ່ຖືກຕ້ອງຂອງປະຊາຊົນ ເພື່ອໃຫ້ປະຊາຊົນບໍ່ຖືກແກ່ດຶງຈາກກຳລັງທີ່ບໍ່ຫວັງດີ ແມ່ນວຽກງາານທີ່ສຳຄັນ. ທ່ານນາງ ຫງວ໋ຽນທິຮວ່າງເວິນ ເນັ້ນໜັກວ່າ: ຄະນະກຳມາທິການ ຕ້ອງໄດ້ຊອກໄດ້ ປັດໃຈໃໝ່, ຕິດພັນກັບສະພາບການຄວາມເປັນໄປຕົວຈິງ ເພື່ອເຮັດໃຫ້ການເຄື່ອນໄຫວ ນັບມື້ນັບມີຄວາມສອດຄ່ອງກັບສະພາບການພັດທະນາຂອງປະເທດຊາດ.

ກ່ຽວກັບວຽກງານການຈັດຕັ້ງກອງປະຊຸມໃຫຍ່ຂອງ ຄະນະກຳມາທິການ ສະໄໝ 2018-2023 ບັນດາຜູ້ແທນໄດ້ເຫັນດີເປັນເອກກະພາບກັບຄຳເຫັນຂ້າງເທິງ, ວ່ານີ້ແມ່ນການເຄື່ອນໄຫວທີ່ສຳຄັນທີ່ສຸດຂອງຄະນະກຳມາທິການ ໃນ 6 ເດືອນ ຕົ້ນປີ 2018. ບັນດາການເຄື່ອນໄຫວ, ວຽກງານການກະກຽມໃຫ້ແກ່ ກອງປະຊຸມໃຫຍ່ ຕ້ອງໄດ້ເຮັດໃຫ້ປະກົດຕົວຈິງລະອຽດ ກ່ຽວກັບການຈັດຕັ້ງໄປຮອດໃສແລ້ວ  ເພື່ອຮັບປະກັນໃຫ້ແກ່ ກອງປະຊຸມໃຫຍ່ສາມາດດຳເນີນໄປໄດ້ໃນ ເດືອນ ຕຸລາ 2018 ຕາມແຜນການທີ່ວາງໄວ້.

ທ່ານ ໂດນຕ໋ວນຟອງ ປາໄສທີ່ກອງປະຊຸມ. (ພາບ: ທຸ່ຍລິງ)

ປາໄສທີ່ກອງປະຊຸມ ທ່ານ ໂດນຕ໋ວນຟອງ ເຫັນດີເປັນເອກກະພາບ ກັບບົດລາຍງານຂອງ ຄະນະກຳມາທິການ ກ່ຽວກັບ ການເຮັດໃຫ້ສຳເລັດ ແລະ ຈັດພິມປື້ມ  “ຫວຽດ​ນາມ:  ຄວາມມຸ້ງມາດປາຖະໜາແຫ່ງສັນຕິພາບ ” ທ່ານ ໂດນຕ໋ວນຟອງ ໄດ້ພິຈາລະນາແລ້ວວ່າ: ນີ້ແມ່ນການເຄື່ອນໄຫວທີ່ມີຄວາມໝາຍສຳຄັນ ຈະມີຜົນດີໃຫ້ມວນມະຫາຊົນເປັນສ່ວນຫຼາຍ. ຕ່າງໜ້າສະຫະພັນມິດຕະພາບຫວຽດນາມ ທີ່ຢັ້ງຢືນວ່າຈະໃຫ້ຄວາມຮ່ວມມືທຸກກຳລັງເພື່ອຈັດພິມປື້ມຫົວນີ້.

ກ່່ຽວກັບກອງປະຊຸມໃຫຍ່ຂອງຄະນະກຳມາທິການ, ທ່ານ ໂດນຕ໋ວນຟອງ ເຫັນດີກ່ຽວກັບແຜນການການຈັດຕັ້ງກະກຽມ ຈັດຕັ້ງໃນເດືອນ ຕຸລາ; ພ້ອມກັນນັ້ນທ່ານໄດ້ສະເໜີຄະນະກຳມາທິການກະກຽມພິທີ ຈັດຕັ້ງລະອຽດໃນການຈັດຕັ້ງກອງປະຊຸມໃຫຍ່ຕັ້ງນີ້.

ໃນທີ່ຜ່ານມາ ທ່ານ ໂດນຕ໋ວນຟອງ ໄດ້ສະເໜີ ຄະນະກຳມາທິການ ຕ້ອງໄດ້ເພີ່ມທະວີໂຄສະນາ, ສືກສາອົບຮົມມະຫາຊົນກ່ຽວກັບ ສັນຕິພາບ ດ້ວຍວິທີການທີ່ມີຄວາມຫຼາກຫຼາຍ ແລະ ອຸດົມສົມບູນ ທາງດ້ານຮບູແບບ ຂອງການເຄື່ອນໄຫວຄື: ການຈັດພິມປືມ, ຈັດຕັ້ງເວທີເສວະນາ, ສຳມະນາ, ປືກສາຫາລື... ດ້ວຍຂະໜາດຂອງຫົວຂໍ້ ແລະ ຈຳນວນຜູ້ເຂົ້າຮ່ວມ ທີ່ກວ້າງແລະຫຼາຍຂື້ນກວ່າເກົ່າທາງດ້ານລະດັບການແຜ່ລາມ; ຍາດການໂຄສະນາທາງໜ້າໜັງສືພິມ, ວາລະສານທີ່ສະຫະພັນມີຄື: ໜັງສືພິມ ຍຸກສະໄໝ, ວາລະສານ ມິດຕະພາບ... ນອກນັ້ນ ຄະນະກຳມາທິການ ຕ້ອງໄດ້ສຸມໃສ່ພັດທະນາອົງການຈັດຕັ້ງ, ເປີດກວ້າງ, ກໍ່ສ້າງເຄືອຂ່າຍ ຄະນະກຳມາທິການຢູ່ບັນດາທ້ອງຖິ່ນ.

ທ່ານ ອວງຈູລືວ ປະທານຄະນະກຳມາທິການ ກ່າວສະຫຼຸບກອງປະຊຸມ. (ພາບ: ທຸ່ຍລິງ)

ສະຫຼຸບກອງປະຊຸມ ທ່ານ ອວງຈູລືວ, ປະທານຄະນະກຳມາທິການ ຊົມເຊີຍຈິດໃຈການເຮັດວຽກອັນຕັ້ງໜ້າຂອງບັນດາສະມາຊິກທີ່ປະກອບສ່ວນເຂົ້າໃນການເຄື່ອນໄຫວຂອງຄະນະກຳມາທິການ.

ຜ່ານບັນດາຄຳເຫັນປະກອບສ່ວນຂອງບັນດາຜູ້ແທນ, ທ່ານ ອວງຈູລືວ ຊີ້ໃຫ້ເຫັນວ່າ: ວຽກງານທີ່ສຳຄັນຂອງ ຄະນະກຳມາທິການ ທີ່ຜ່ານມາຄື: ເພີ່ມທະວີຕື່ມອີກ ບົດບາດໃນການວາງແຜນ, ການຊີ້ນຳຂອງ ຄະນະກຳມາທິການ ສັນຕິພາບສູນກາງ ໃຫ້ ຄະນະກຳມາທິການສັນຕິພາບ ຢູ່ບັນດາທ້ອງຖິ່ນ; ມີຫຼາຍການເຄື່ອນໄຫວທີ່ມີລັກສະນະມູນເຊື້ອແຕ່ຕ້ອງໄດ້ເຄື່ອນໄຫວໃໝ່, ມີແນວຄິດປະດິດສ້າງຕື່ມ, ຕິດພັນກັບສະພາບການຕົວຈິງຂອງປະເທດ ແລະ ພາກພື້ນ ເພື່ອໃຫ້ກະບອກສຽງສັນຕິພາບ ຂອງຄະນະກຳມາທິການ ປະກອບສ່ວນຮັກສາສັນຕິພາບ, ສະຖຽນລະພາບ, ຊ່ວຍໃຫ້ປະເທດຊາດພັດທະນາ; ເພີ່ມທະວີຕື່ມນ້ຳໃຈຕື່ນຕົວ, ຫ້າວຫັນຂອງບັນດາອົງການສະມາຊິກ, ໂດຍສະເພາະແມ່ນ ຄະນະກຳມາທິການສັນຕິພາບ ຢູ່ທ້ອງຖິ່ນ.

ກ່ຽວກັບການເຄື່ອນໄຫວ 6 ເດືອນທ້າຍປີ ທ່ານ ອວງຈູລືວ ໄດ້ຢືນຢັນວ່າ: ຄະນະກຳມາທິການ ຈະສຸມໃສ່ການຈັດຕັ້ງປະຕິບັດສຳເລັດ ບົດລາຍງານນຳສະເໜີຕໍ່ກອງປະຊຸມໃຫຍ່, ໃນນັ້ນຕີລາຄາໄດ້ການເຄື່ອນໄຫວຂອງຄະນະກຳມາທິການ ມິດຕະພາບ ສະໄໝຜ່ານມາ, ບັນດາຜົນສຳເລັດທີ່ບັນລຸໄດ້ ບັນດາຂໍ້ຄົງຄ້າງ ແລະ ບັນດາບົດຮຽນ ... ກໍ່ຄືການວາງແຜນການເຄື່ອນໄຫວຂອງຄະນະກຳມາທິການໃນອານາຄົດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

反馈
全名 :
电子邮箱 :
内容 :
   
 
 
 
 
   
Mobile
TieuDe
安全码 :  
发送
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll