ເພີ່ມທະວີການພົວພັນມິດຕະພາບ ແລະ ການຮ່ວມມືລະຫວ່າງຫວຽດນາມ - ເວເນຊູເອລາ ນັບມື້ນັບເລິກເຊິ່ງຂຶ້ນຕື່ມ

23:59 2019/09/30

ຍສໝ - ຕອນເຊົ້າວັນທີ 30 ກັນຍາ, ຢູ່ຮ່າໂນ້ຍ, ທີ່ການຕ້ອນຮັບທ່ານ Diosdado Cabello Rondon, ຮອງປະທານຜູ້ທີ 1 ພັກສັງຄົມນິຍົມເອກະພາບ ເວເນຊູເອລາ ເຊິ່ງພວມຢ້ຽມຢາມ ແລະ ເຮັດວຽກຢູ່ຫວຽດນາມ ນັ້ນ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະແດງຄວາມເຊື່ອໝັ້ນວ່າ ການຢ້ຽມຢາມດັ່ງກ່າວ ຈະປະກອບສ່ວນເຮັດໃຫ້ການພົວພັນມິດຕະພາບ ແລະ ການຮ່ວມມືລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ເລິກເຊິ່ງຂຶ້ນຕື່ມ.

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຢັ້ງຢືນແຜນນະໂຍບາຍສະເໝີຕົ້ນສະເໝີປາຍຂອງພັກ, ລັດ ຫວຽດນາມໃນການສະໜັບສະໜູນວິວັດທະນາການປະຊາທິປະໄຕ, ສອດຄ່ອງກັບລັດຖະທໍາມະນູນຢູ່ເວເນຊູເອລາ; ພ້ອມທັງປາດຖະໜາວ່າ ບັນດາກໍາລັງການເມືອງ ເວເລຊູເອລາ ຈະພ້ອມກັນເຈລະຈາ ແລະ ຊອກຫາວິທີການແກ້ໄຂຍາວນານບົນພື້ນຖານລັດຖະທໍາມະນູນ.

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຕ້ອນຮັບ ທ່ານ Diosdado Cabello Rondon, ຮອງປະທານຜູ້ທີ 1 ພັກສັງຄົມນິຍົມເອກະພາບ ເວເນຊູເອລາ. (ພາບ:baoquocte.vn)

ສ່ວນທ່ານຮອງປະທານຜູ້ທີ 1 ພັກສັງຄົມນິຍົມເອກະພາບ ເວເນຊູເອລາ Diosdado Cabello Rondon ປາດຖະໜາຢາກຊຸກຍູ້ການພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງພັກ ເພື່ອແລກປ່ຽນບົດຮຽນປະສົບການ, ພິເສດແມ່ນໃນວຽກງານກໍ່ສ້າງພັກ, ພັດທະນາເສດຖະກິດ- ສັງຄົມ, ພັດທະນາການຜະລິດກະສິກໍາ, ລົບລ້າງຄວາມອຶດຫີວຫຼຸດຜ່ອນຄວາມທຸກຍາກ...

ກ່່ອນໜ້ານັ້ນ, ໃນວັນດຽວກັນ, ທ່ານ Diosdado Cabello Rondon  ໄດ້ມີການເຈລະຈາກັບທ່ານຜູ້ປະຈໍາການຄະນະເລຂາ ສູນກາງພັກກອມມູນິດຫວຽດນາມ ເຈິ່ນກວັກເວື້ອງ. ຫຼັງຈາກນັ້ນ, ທ່ານ Diosdado Cabello Rondon  ກໍມີການພົບປະກັບທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ.

ທ່ານ Diosdado Cabello Rondon  ພົບປະກັບທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ (ພາບ: TTXVN)

ໃນໄລຍະຢູ່ຫວຽດນາມ ຫວຽດນາມ ແຕ່ວັນທີ 29 ກັນຍາ - 01 ຕຸລາ, ຄະນະຜູ້ແທນຂັ້ນສູງພັກສັງຄົມນິຍົມເອກະພາບ ເວເນຊູເອລາ ໄດ້ເຂົ້າຄໍານັບສຸສານປະທານໂຮ່ຈີມິນ, ຢ້ຽມຢາມເຂດອະນຸສອນສະຖານ ປະທານໂຮ່ຈີມິນ; ເຮັດວຽກກັບກະຊວງການຕ່າງປະເທດຫວຽດນາມ, ສະຖາບັນການເມືອງແຫ່ງຊາດ ໂຮ່ຈີມິນ, ສະມາຄົມມິດຕະພາບ ຫວຽດນາມ -ເວເລຊູເອລາ”.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll