ຫວຽດ​ນາມ ​ຮັກ​ສາຄວາມ​ສາ​ມັກ​ຄີໃນ ອາຊຽນ

16:26 2019/08/31

ໃນວັນທີ 29 ສິງຫາ 2019, ທີ່ນະຄອນຫຼວງໄຄໂຣ, ສະຖານທູດຫວຽດນາມປະຈຳອີຢິບໄດ້ຈັດຕັ້ງພິທີສະເຫຼີມສະຫຼອງວັນສ້າງຕັ້ງສະມາຄົມປະຊາຊາດບັນດາປະເທດໃນເຂດອາຊີຕາເວັນອອກສຽງໃຕ້-ອາຊຽນຄົບຮອບ 52 ປີ (8/8/1967-8/8/2019) ຢ່າງສົມກຽດ.

ຫວຽດ​ນາມ ​ຮັກ​ສາຄວາມ​ສາ​ມັກ​ຄີໃນ ອາຊຽນ
ເອກອັກຄະລັດຖະທູດບັນດາປະເທດອາຊຽນປະຈຳໄຄໂຣ

ເຂົ້າຮ່ວມພິທີມີບັນດາເອກອັກຄະລັດຖະທູດ, ພະນັກງານການທູດຂອງສະຖານທູດບັນດາປະເທດສະມາຊິກອາຊຽນປະຈຳຢູ່ ນະຄອນຫຼວງ ໄຄໂຣ, ພ້ອມທັງບັນດາເຈົ້າໜ້າທີ່ການທູດ, ອຳນາດການປົກຄອງແລະຕາງໜ້າວົງການສື່ມວນຊົນປະເທດປະຈຳຖິ່ນ.ຫວຽດນາມໄດ້ມີຄວາມມານະພະຍາຍາມປັບປຸງຄວາມສາມັກຄີ, ເປັນເອກະພາບແລະພາລະບົດບາດຂອງອາຊຽນຕໍ່ກັບບັນຫາຂອງພາກພື້ນ, ໃນການແກ້ໄຂສິ່ງທ້າທາຍ ໃນການປ້ອງກັນຄວາມສະຫງົບແບບເກົ່າແລະແບບໃໝ່, ກໍ່ຄືກັບບັນດາບັນຫາທີ່ເກີດຂຶ້ນໃນການພົວພັນກັບບັນດາປະເທດຄູ່ຮ່ວມມື.ພ້ອມທັງ, ການຊຸກຍູ້ການຮ່ວມມືປະຕິບັດຕົວຈິງໃນບັນດາ ກົນໄກ, ເວທີປາໃສໃນຂົງເຂດສຳຄັນ ໂດຍອາຊຽນເປັນຜູ້ລິເລີ່ມເພື່ອແນໃສ່ສ້າງຄວາມເຫັນດີເປັນເອກະພາບພາຍໃນອາຊຽນແລະລະຫວ່າງອາຊຽນກັບຄູ່ຮ່ວມມືກ່ຽວກັບບົດບາດຂອງອາຊຽນແລະຜົນປະໂຫຍດລວມຂອງທຸກປະເທດ, ເພື່ອແນໃສ່ຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ປອດໄພໃນການເດີນເຮືອແລະການບິນຢູ່ທະເລຕາເວັນອອກ ແລະ ອື່ນໆ.

ນອກຈາກນັ້ນ, ຫວຽດນາມ ຕັ້ງໜ້າກະກຽມເນື້ອໃນຊຸກຍູ້ການຮ່ວມມືດ້ານວັດທະນະທໍາ-ສັງຄົມ ໃນ ອາຊຽນ. ນີ້ແມ່ນຄໍາຢັ້ງຢືນຂອງທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ດ່າວງອກຢຸງ ທີ່ການຕ້ອນຮັບທ່ານເລຂາທິການໃຫຍ່ ອາຊຽນ Lim Jock Hoi ໃນຕອນບ່າຍວັນທີ 26 ສິງຫາ ຢູ່ຮ່າໂນ້ຍ. ຕາມທ່ານລັດຖະມົນຕີແລ້ວ, ດ້ວຍຄວາມຮັບຜິດຊອບກະກຽມໃຫ້ແກ່ປີຫວຽດນາມເປັນປະທານ ອາຊຽນໃນປີ 2020, ຂະແໜງວັດທະນະທໍາ-ສັງຄົມ ໄດ້ມີການປຶກສາຫາລື ແລະ ເຫັນດີເປັນເອກະພາບກັນບັນດາເນື້ອໃນເຄື່ອນໄຫວຂອງຕົນ ໂດຍສຸມໃສ່ 2 ບັນຫາໃຫຍ່ຄື: ທີໜຶ່ງແມ່ນເນື້ອໃນກ່ຽວຂ້ອງເຖິງການພັດທະນາແຫຼ່ງຊັບພະຍາກອນມະນຸດ ໃນນັ້ນ ປັບຕົວໃຫ້ເໝາະສົມກັບການປະຕິວັດອຸດສາຫະກໍາ 4.0 ກໍຄື ສັນຍາ MNP (ສັນຍາວ່າດ້ວຍການເຄື່ອນຍ້າຍ ບຸກຄົນວິຊາຊີບ, ແຮງງານສີມື ອາຊຽນ) ໃນສະພາບການໃໝ່. ທີສອງແມ່ນສຸມໃສ່່ບັນຫາທີ່ມີລັກສະນະຍຸດທະສາດ, ບັນຫາພັດທະນາສັງຄົມ ເພື່ອໃຫ້ປະຊາຊົນທຸກຄົນ ໄດ້ຊົມໃຊ້ສິດຮັບປະກັນຊີວິດການເປັນຢູ່ໄດ້ເປັນຢ່າງດີທີ່ສຸດ, ສ້າງການພັດທະນາແບບຍືນຍົງ ແລະ ບໍ່ໃຫ້ໃຜຖືກປະໄວ້ຢູ່ທາງຫຼັງ. ບັນດາເນື້ອໃນດັ່ງກ່າວ ຈະໄດ້ສະເໜີຕໍ່ກອງປະຊຸມສຸດຍອດ ອາຊຽນ ຄັ້ງທີ 36 , 37  ແລະ ສະເໜີຕໍ່ຖະແຫຼງການຂັ້ນສູງ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll