ຫວຽດນາມ ໃຫ້ຄຳໝັ້ນສັນຍາ ສ້າງເງື່ອນໄຂທີ່ສະດວກດີໃຫ້ແກ່ບັນດານັກລົງທຶນຍີ່ປຸ່ນ

20:08 2019/09/21

ຍສໝ - ວັນທີ 19 ກັນຍາ, ກ່າວຄຳເຫັນຕໍ່ໜ້າບັນດາວິສາຫະກິດ ຫວຽດນາມ ແລະ ຍີ່ປຸ່ນ ທີ່ເຂົ້າຮ່ວມກອງປະຊຸມສົ່ງເສີມການລົງທຶນ ແລະ ພົວພັນແລກປ່ຽນການຄ້າກັບແຂວງດົ່ງນາຍ ຢູ່ ໂຕກຽວ.

ທ່ານ ຫວູຮົ່ງນາມ ເອກອັກຄະລັດຖະທູດ ຫວຽດນາມ ປະຈຳຍີ່ປຸ່ນ ຢັ້ງຢືນວ່າ ລັດຖະບານ ຫວຽດນາມໃຫ້ຄຳໝັ້ນສັນຍາວ່າຈະສ້າງເງື່ອນໄຂທີ່ດີທີ່ສຸດໃຫ້ແກ່ບັນດາວິສາຫະກິດ ຍີ່ປຸ່ນ ທີ່ມາລົງທຶນ ແລະ ດຳເນີນທຸລະກິດຢູ່ຫວຽດນາມ.

ທ່ານ ຫວູຮົ່ງນາມ ໃຫ້ຮູ້ວ່າ, ມາຮອດປະຈຸບັນ, ມີຫລາຍກ່ວາ 40 ປະເທດ ໄດ້ລົງທຶນເຂົ້າແຂວງ ດົງນາຍ, ໃນນັ້ນຍີ່ປຸ່ນຢືນອັນດັບທີ 3 ໃນ ຈຳນວນໂຄງການ ແລະ ແຫຼ່ງເງິນລົງທຶນ. ປະຈຸບັນແຂວງດົງນາຍ ມີໂຄງການລົງທຶນແມ່ນ 1.420 ໂຄງການດ້ວຍຍອດຈຳນວນເງິນລົງທຶນ ເກືອບ 30 ຕື້ໂດລາສະຫະລັດ, ໃນນັ້ນມີ 259 ໂຄງການລົງທຶນຂອງຍີ່ປຸ່ນ ດ້ວຍມູນຄ່າການລົງທືນທັງໝົດແມ່ນ 4,64 ຕື້ໂດລາສະຫະລັດ. ປະຈຸບັນ, ແຂວງເອົາໃຈໃສ່ເຖິງຄຸນນະພາບຂອງກະແສທຶນ, ສຸມໃສ່ເຂົ້າໃນບັນດາໂຄງການລົງທືນເຕັກໂນໂລຢີ, ອຸດສະຫະກຳ ທີ່ສະອາດ, ສິ່ງແວດລ້ອມແລະອຸດສະຫະ ກຳ ທີ່ບໍ່ອອກແຮງງານ.

ທ່ານ ຫວູຮົ່ງນາມ ເອກອັກຄະລັດຖະທູດ ຫວຽດນາມ ປະຈຳຍີ່ປຸ່ນ ກ່າວຄຳເຫັນທີ່ກອງປະຊຸມ. (ພາບ: TTXVN)

ທ່ານ ຫວູຮົ່ງນາມ ໄດ້ຊີ້ແຈ້ງວ່າ ຢູ່ຫວຽດນາມ, ຍີ່ປຸ່ນໄດ້ຮັບຖືວ່າເປັນໜຶ່ງໃນບັນດາຄູ່ຮ່ວມມື ແລະ ນັກລົງທຶນຕ່າງປະເທດຍຸດທະສາດ ແລະ ສຳຄັນທີ່ສຸດ, ດ້ວຍບັນດາໂຄງການລົງທຶນທີ່ມີຄຸນນະພາບ ແລະ ການເຄື່ອນໄຫວທີ່ມີປະສິດທິຜົນ. ບັນດາໂຄງການລົງທຶນຂອງຍີ່ປຸ່ນບໍ່ພຽງແຕ່ປະກອບສ່ວນເຂົ້າໃນການຊຸກຍູ້ການເຕີບໂຕເສດຖະກິດຂອງ ຫວຽດນາມເທົ່ານັ້ນ ຫາກຍັງຊ່ວຍສ້າງວຽກເຮັດງານທຳໃຫ້ແກ່ປະຊາຊົນ ແລະ ປະກອບສ່ວນພັດທະນາເສດຖະກິດ - ສັງຄົມຂອງປະເທດຊາດ. ສຳລັບແຂວງດົ່ງນາຍ, ທ່ານ ຫວູຮົ່ງນາມ ໄດ້ສະແດງຄວາມເຊື່ອໝັ້ນວ່າດ້ວຍ ການຜັນຂະຫຍາຍໂຄງການສະໜາມບິນສາກົນ ລອງແທັ່ງ ແລະ ຍຸດທະສາດດຶງດູດການລົງທຶນຂອງແຂວງ, ດົ່ງນາຍຈະກາຍເປັນຈຸດນັດພົບທີ່ມີຄວາມດູດດື່ມກ່ວາອີກສຳລັບບັນດານັກລົງທຶນຕ່າງປະເທດ, ເປັນຕົ້ນແມ່ນບັນດານັກລົງທຶນ ຍີ່ປຸ່ນ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll