ຫວຽດນາມ ແລະ ລັດເຊຍຮັດ ແໜ້ນ ການພົວພັນດ້ານປ້ອງກັນຊາດ ກ່ຽວກັບການເຄືອຂ່າຍອິນເຕີເນັດ

14:33 2019/08/08

ຍສໝ - ໃນຕອນບ່າຍວັນທີ 6 ສິງຫາ, ທີ່ຮ່າໂນ້ຍ, ທ່ານພົນຈັດຕະວາ ຄຸກດັງຕ໋ວນ, ຜູ້ບັນຊາການເຫຼົ່າຮົບສື່ສານ ໄດ້ຕ້ອນຮັບຄະນະປະຕິບັດງານກົມໃຫຍ່ສື່ສານບັນດາກໍາລັງປະກອບອາວຸດ ສະຫະພັນລັດເຊຍ ໂດຍທ່ານພັນເອກ Bobkov Aleksey Nicolaevich, ຫົວໜ້າກົມພັດທະນາບັນດາລະບົບສື່ສານສັງກັດກົມໃຫຍ່ສື່ສານບັນດາກໍາລັງປະກອບອາວຸດ ສະຫະພັນລັດເຊຍ ນໍາໜ້າ, ມາຢ້ຽມຢາມ ແລະເຮັດວຽກຢູ່ຫວຽດນາມ.

ທີ່ການຕ້ອນຮັບ, ທ່ານພົນຈັດຕະວາ ຄຸກດັງຕວ໋ນ ຢັ້ງຢືນວ່າ, ໂດຍປະຕິບັດຕາມແຜນນະໂຍບາຍຂອງພັກ, ລັດ, ຄະນະພັກການທະຫານສູນກາງ, ກະຊວງປ້ອງກັນປະເທດຫວຽດນາມ, ເຫຼົ່າຮົບສື່ສານ ຍາມໃດກໍຕັ້ງໜ້າຊອກຫາບັນດາໂອກາດຮ່ວມມືກັບສະຫະພັນລັດເຊຍ ເພື່ອແນໃສ່ແລກປ່ຽນເຕັກໂນໂລຢີ, ຜັນຂະຫຍາຍບັນດາໂຄງການຊ໊ອບແວ, ພັດທະນາບັນດາຜະລິດຕະພັນເອເລັກໂຕນິກໂທລະຄົມມະນາຄົມ, ເຕັກໂນໂລຢີຂໍ້ມູນຂ່າວສານ ແລະບໍາລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງຮັບໃຊ້ໃຫ້ແກ່ໜ້າທີ່ການທະຫານ, ການປ້ອງກັນຊາດ ແລະຄວາມຕ້ອງການດຳລົງຊີວິດທາງດ້ານວັດຖຸ ແລະຈິດໃຈຂອງແຕ່ລະປະເທດ.

ບັນຍາກາດທີ່ການຕ້ອນຮັບ. (ພາບ: qdnd.vn)

ສອງຝ່າຍໄດ້ແລກປ່ຽນກ່ຽວກັບກົນໄກເຄື່ອນໄຫວຂອງຊ່ອງຕິດຕໍ່ຜ່ານເຄືອຂ່າຍອິນເຕີແນັດລະຫວ່າງກະຊວງປ້ອງກັນປະເທດຫວຽດນາມ ແລະກະຊວງປ້ອງກັນປະເທດສະຫະພັນລັດເຊຍ; ມາດຕະການທາງເຕັກນິກໃນການຈັດຕັ້ງການເຊື່ອມຈອດ, ວິທີຮັກສາຄວາມລັບຂອງຂໍ້ມູນສໍາລັບການຕິດຕໍ່ທາງວີດີໂອ, ສື່ສານຜ່ານອິນເຕີແນັດ, ຄວາມຕ້ອງການຂອງອຸປະກອນຕົ້ນທາງ ແລະປາຍທາງ (Terminal equipment), ເງື່ອນໄຂຮັບປະກັນເພື່ອຮັກສາຊ່ອງຕິດຕໍ່ພົວພັນ ແລະໄລຍະເວລາໃນການຈັດຕັ້ງປະຕິບັດ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll