ຫວຽດນາມ ແລະ ກໍາປູເຈຍ ຊຸກຍູ້ການຮ່ວມມືຮັກສາສັນຕິພາບສະຫະປະຊາຊາດ

18:13 2019/10/02

ຍສໝ - ຕອນບ່າຍວັນທີ 30 ກັນຍາ, ທີ່ສໍານັກງານກະຊວງປ້ອງກັນປະເທດ, ທ່ານພົນໂທ ຫງວຽນເຟືອງນາມ, ກໍາມະການສູນກາງພັກ, ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ໄດ້ໃຫ້ການຕ້ອນຮັບທ່ານພົນເອກ Sem Sovanny, ຜູ້ອໍານວຍການສູນຄຸ້ມຄອງກໍາລັງຮັກສາສັນຕິພາບກໍາປູເຈຍ, ເນື່ອງໃນໂອກາດມາຢ້ຽມຢາມ ແລະເຮັດວຽກຢູ່ຫວຽດນາມ.

ທີ່ການຕ້ອນຮັບ, ທ່ານພົນເອກ Sem Sovanny ສະແດງຄວາມຂອບໃຈຢ່າງເລິກເຊິ່ງຕໍ່ການສະໜັບສະໜູນ ແລະການຊ່ວຍເຫຼືອອັນລໍ້າຄ່າ ເຊິ່ງຫວຽດນາມ ໄດ້ສະຫງວນໃຫ້ກໍາປູເຈຍ ໃນພາລະກິດປົດປ່ອຍຊາດ, ກູ້ຊ່ວຍປະເທດ ແລະປະຊາຊົນກໍາປູເຈຍ ໃຫ້ຫຼຸດພົ້ນອອກຈາກລະບອບດັບສູນເຊື້ອຊາດຂອງປອນປົດ. ໃນສະພາບການສາຍພົວພັນດ້ານປ້ອງກັນຊາດສອງຝ່າຍນັບມື້ນັບເຂົ້າສູ່ລວງເລິກ ແລະມີປະສິດທິຜົນ, ທ່ານພົນເອກ Sem Sovanny ຫວັງວ່າການຮ່ວມມືໃນຂົງເຂດຮັກສາສັນຕິພາບສະຫະປະຊາຊາດລະຫວ່າງສອງປະເທດຈະສືບຕໍ່ພັດທະນາໃນໄລຍະຈະມາເຖິງ.

ທ່ານພົນໂທ ຫງວຽນເຟືອງນາມ ຕ້ອນຮັບທ່ານພົນເອກ Sem Sovanny ຜູ້ອໍານວຍການສູນຄຸ້ມຄອງກໍາລັງຮັກສາສັນຕິພາບກໍາປູເຈຍ.                      (ພາບ: qdnd.vn)

ທ່ານພົນໂທ ຫງວຽນເຟືອງນາມ ສະແດງຄວາມເພິ່ງພໍໃຈຕໍ່ບັນດາບາດກ້າວພັດທະນາຢ່າງຕັ້ງໜ້າໃນການຮ່ວມມືດ້ານປ້ອງກັນຊາດສອງຝ່າຍຫວຽດນາມ-ກໍາປູເຈຍ ໃນໄລຍະຜ່ານມາ, ໃນນັ້ນມີຂົງເຂດຮັກສາສັນຕິພາບສະຫະປະຊາຊາດ, ພ້ອມທັງຢັ້ງຢືນວ່າການນໍາກົມໃຫຍ່ເສນາທິການກອງທັບປະຊາຊົນຫວຽດນາມ ຍາມໃດກໍ່ສະໜັບສະໜູນ ແລະສ້າງເງື່ອນໄຂເພື່ອໃຫ້ກໍາລັງຮັກສາສັນຕິພາບສະຫະປະຊາຊາດສອງປະເທດສືບຕໍ່ຮ່ວມມືກັນໃນໄລຍະຈະມາເຖິງຕາມຄວາມຮັບຜິດຊອບ, ໜ້າທີ່ຂອງຕົນ, ຮັບໃຊ້ໃຫ້ພາລະກິດປ້ອງກັນຊາດ, ປ້ອງກັນຄວາມສະຫງົບຂອງແຕ່ລະປະເທດ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll