ຫວຽດນາມ ເລີ່ມທົດລອງນຳໃຊ້ຢາວັກຊິນປ້ອງກັນ ພະຍາດອະຫິວາໝູອາຟຣິກາ

15:48 2019/07/08

ຍສໝ - ໝູແມ່ພັນທີ່ແຂງແຮງ ໄດ້ສັກຢາວັກຊິນ ແລະ ອາໄສຢູ່ກັບໝູທີ່ມີເຊື້ອພະຍາດອະຫິວາໝູອາຟຣິກາ, ຫຼັງຈາກຫຼາຍກວ່າສອງເດືອນແມ່ນຍັງມີສຸກຂະພາບແຂງແຮງດີ ແລະ ເກີດລູກໝູຕາມປົກກະຕິ.

ຕົ້ນເດືອນກໍລະກົດ ທ່ານ ຫງວຽນ ຊວນ ເກືອງ ລັດຖະມົນຕີວ່າການກະຊວງກະສິກຳ ຫວຽດນາມ ໄດ້ເປີດເຜີຍວ່າ: ຫວຽດນາມ ໄດ້ປະສົບຜົນສຳເລັດໃນເບື້ອງຕົ້ນ ກ່ຽວກັບການຜະລິດຢາວັກຊິນປ້ອງກັນ ເພື່ອຕ້ານກັບພະຍາດອະຫິວາໝູອາຟຣິກາ ທີ່ແຜ່ລະບາດໄປຕາມຟາມໝູໃນທົ່ວປະເທດ ແລະ ທາງການໄດ້ກຳຈັດໝູທີ່ຕິດເຊື້ອໄປແລ້ວ 2,9 ລ້ານກວ່າໂຕ ກວມເອົາ 10% ຂອງ ຈຳນວນໝູທັງໝົດພາຍໃນປະເທດ.

ຫວຽດນາມ ເລີ່ມທົດລອງນຳໃຊ້ຢາວັກຊິນປ້ອງກັນ ພະຍາດອະຫິວາໝູອາຟຣິກາ. (ພາບ: vnexpress)

ພະຍາດ ອະຫິວາໝູ ອາຟຣິກາ ໄດ້ແຜ່ລະບາດໄປຍັງປະເທດຕ່າງໆ ເຊັ່ນ: ລາວ ແລະ ສປປ ເກົາຫລີ ພາຍຫລັງກວດພົບໃນຈີນ ເມື່ອເດືອນ ສິງຫາ ປີ 2018 ທີ່ຜ່ານມາ, ກວດພົບຄັ້ງທຳອິດໃນຫວຽດນາມ ເມື່ອເດືອນກຸມພາ ແລະ ແຜ່ລະບາດໄປຍັງຟາມຕ່າງໆໃນ 61 ແຂວງ, ຈາກທັງໝົດ 63 ແຂວງ ທົ່ວປະເທດ. ຢາວັກຊິນປ້ອງກັນພະຍາດດັ່ງກ່າວພັດທະນາຂື້ນໂດຍມະຫາວິທະຍາໄລການກະສິກຳແຫ່ງຊາດຫວຽດນາມ ແລະ ໄດ້ມີການທົດລອງ ຢູ່ມະຫາວິທະຍາໄລ ແລະ ຟາມ 3 ແຫ່ງ ທາງພາກເໜືອ ຂອງຫວຽດນາມ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll