ຫວຽດນາມ ເຂົ້າຮ່ວມກອງປະຊຸມ G77

10:02 2019/09/30

ຍສໝ - ຢູ່ນອກວາລະປຶກສາຫາລືຂັ້ນສູງຊຸດທີ 74 ສະມັດຊາໃຫຍ່ສະຫະປະຊາຊາດຢູ່ນະຄອນນີວຢອກ - ອາເມລິກາ, ຄະນະຜູ້ແທນຫວຽດນາມ ໂດຍທ່ານ ຟ້າມບິ່ງມິງ, ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ເປັນຫົວໜ້າຄະນະໄດ້ເຂົ້າຮ່ວມກອງປະຊຸມລັດຖະມົນຕີ ກຸ່ມບັນດາປະເທດພວມພັດທະນາ.

ຫວຽດນາມ ເຂົ້າຮ່ວມກອງປະຊຸມ G77
ທ່ານ ຮອງນາຍົກລັດຖະມົນຕີ ຫວຽດນາມ ຟ້າມບິ່ງມິງ. (ພາບ:baoquocte.vn)

ທີ່ກອງປະຊຸມບັນດາລັດຖະມົນຕີໄດ້ສຸມໃສ່ປຶກສາຫາລື ແລະ ເຫັນດີເປັນເອກະພາບຮັບຮອງເອົາຖະແຫຼງການຮ່ວມຢັ້ງຢືນຄວາມສໍາຄັນຂອງການຮ່ວມມືໃຕ້-ໃຕ້ ແລະ ຄວາມສາມັກຄີລະຫວ່າງບັນດາປະເທດພວມພັດທະນາ, ໃຫ້ຄຳໝັ້ນສັນຍາປະກອບສ່ວນໃຫ້ແກ່ການເຄື່ອນໄຫວຂອງສະຫະປະຊາຊາດເພື່ອເປົ້າໝາຍຄວາມຍຸຕິທໍາໃນສັງຄົມ, ສາກົນ ແລະ ການພັດທະນາແບບຍືນຍົງ, ຕີລາຄາຜົນສະທ້ອນຂອງການປ່ຽນແປງຂອງດິນຟ້າອາກາດ, ໂດຍສະເພາະແມ່ນກັບບັນດາປະເທດແຄມທະເລ, ເກາະນ້ອຍກໍ່ຄືທັດສະນະລວມກ່ຽວກັບບັນດາບັນຫາທີ່ກ່ຽວຂ້ອງເຖິງການພັດທະນາແບບຍືນຍົງ ແລະ ການເງິນໃຫ້ການພັດທະນາ. ຄະນະຜູ້ແທນຫວຽດນາມ ໄດ້ເຂົ້າຮ່ວມກອງປະຊຸມລັດຖະມົນຕີ G77 ພ້ອມກັບທ່ານ Antonio Guterres ເລຂາທິການໃຫຍ່ສະຫະປະຊາຊາດ ແລະຫົວໜ້າຄະນະ, ລັດຖະມົນຕີບັນດາປະເທດສະມາຊິກຂອງກຸ່ມກວ່າ 130 ຄົນ.

ທີ່ການພົບປະກັບສອງຝ່າຍ, ບັນດາລັດຖະມົນຕີການຕ່າງປະເທດຂອງປະເທດຕ່າງໆເຊັ່ນ ຕຸຍນີຊີ, ຮຸງກາຣີ, ຈີເລ, ບຸູລັນດີ, ເຢຍລະມັນ. ບັນດາການນຳປະເທດຕ່າງ ແລະບັນດາຄູ່ຮ່ວມມື ຖືເລື່ອງຫວຽດນາມ ໄດ້ຮັບການເລືອກຕັ້ງເປັນກຳມະການບໍ່ປະຈຳການສະພາຄວາມໝັ້ນຄົງ ສປຊ ອາຍຸການ 2020 – 2021, ກໍ່ຄືເປັນປະທານອາຊຽນໃນປີ 2020 ແມ່ນການພິສູດໃຫ້ເຫັນຄວາມໄວ້ວາງໃຈ ຂອງປະຊາຄົມສາກົນທີ່ມີຕໍ່ຫວຽດນາມ.  ທ່ານ ຮອງນາຍົກລັດຖະມົນຕີ ຟ້າມບິ່ງມິງ ໄດ້ຢັ້ງຢືນເຖິງ ຄວາມຕັດສິນໃຈຂອງ ຫວຽດນາມ ໃນການປະຕິບັດໜ້າທີ່ຮ່ວມມືຫຼາຍຝ່າຍ ຢູ່ສະພາຄວາມໝັ້ນຄົງ ສປຊ ໃຫ້ເປັນຢ່າງດີ, ສະເໜີບັນດາປະເທດ ຈົ່ງຕັ້ງໜ້າສົມທົບກັບຫວຽດນາມຢູ່ບັນດາເວທີປາໄສຫຼາຍຝ່າຍ ໂດຍສະເພາະແມ່ນ ສປຊ ແລະ ອາຊຽນ ໃນໄລຍະຈະມາເຖິງ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll