ຫວຽດນາມ-ອາເມລິກາ ຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ

06:07 2019/11/04

ຍສໝ - ເມື່ອບໍ່ດົນມານີ້, ທີ່ສຳນັກງານກະຊວງປ້ອງກັນປະເທດ ຫວຽດນາມ, ທ່ານພົນໂທ ຫງວຽນ ຈີ໊ ວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ພ້ອມກັບທ່ານ Bonnie Glick ຮອງຜູ້ອຳນວຍການທົ່ວໂລກອົງການພັດທະນາສາກົນ ອາເມລິກາ (USAID), ທ່ານ Daniel J.Kritenbrink ເອກອັກຄະລັດຖະທູດ ອາເມລິກາ ປະຈຳ ຫວຽດນາມ ແລະ ທ່ານ Michael Greene ຜູ້ອຳນວຍການອົງການ USAID ປະຈຳ ຫວຽດນາມ ໄດ້ເຂົ້າຮ່ວມພິທີເຊັນບົດບັນທຶກມອບໜ້າພຽງ 37 ເຮັກຕາຢູ່ສະໜາມບິນ ບຽນຮ່ວາ ຈາກເຫຼົ່າທັບປ້ອງກັນອາກາດ - ກອງທັບອາກາດ ໃຫ້ USAID.

 ຫວຽດນາມ-ອາເມລິກາ ຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ
ພິທີເຊັນບົດບັນທຶກ. (ພາບ: vn.usembassy.gov)

ທີ່ການເຮັດວຽກ, ທ່ານພົນໂທ ຫງວຽນ ຈີ໊ ວີ້ງ ໄດ້ສະແດງຄວາມຂອບໃຈຕໍ່ລັດຖະບານ, ປະຊາຊົນອາເມລິກາ, ສະຖານທູດອາເມລິກາ ແລະ USAID ປະຈໍາ ຫວຽດນາມ ທີ່ໄດ້ສົມທົບກັນຢ່າງແໜ້ນແຟ້ນກັບກະຊວງປ້ອງກັນປະເທດຫວຽດນາມ ໃນບັນດາການເຄື່ອນໄຫວແກ້ໄຂຜົນຮ້າຍຢ້ອນຫຼັງຈາກສົງຄາມຢູ່ຫວຽດນາມ ໃນໄລຍະຜ່ານມາ. ພ້ອມທັງ, ກໍ່ສະເໜີ USAID ສືບຕໍ່ສົມທົບກັບບັນດາອົງການ, ກົມກອງທີ່ກ່ຽວຂ້ອງຂອງຫວຽດນາມ ຜັນຂະຫຍາຍການປະຕິບັດບັນດາໂຄງການແກ້ໄຂຜົນຮ້າຍຢ້ອນຫຼັງຈາກສົງຄາມຢ່າງມີປະສິດທິຜົນ.

ທີ່ການເຮັດວຽກ, ທ່ານນາງ Bonnie Glick ກໍ່ເນັ້ນໜັກເຖິງຄວາມສຳຄັນຂອງຄວາມມານະພະຍາຍາມລວມລະຫວ່າງຫວຽດນາມ ແລະ ອາເມລິກາ ໃນການແກ້ໄຂຜົນຮ້າຍຢ້ອນຫຼັງຈາກສົງຄາມ, ຖືວ່າການຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ ແມ່ນເສົາຄໍ້າສໍາຄັນໃນການພົວພັນຄູ່ຮ່ວມມືຮອບດ້ານລະຫວ່າງສອງປະເທດ; ການກໍາຈັດມົນລະພິດດີໂອຊີນຢູ່ເຂດສະໜາມບິນດ່ານັ້ງ ແລະ ສະໜາມບິນບຽນຮວ່າ ປະກອບສ່ວນເຮັດໃຫ້ການພົວພັນຄູ່ຮ່ວມມືຮອບດ້ານ ຫວຽດນາມ-ອາເມລິກາ ເລິກເຊິ່ງກວ່າອີກ.

ສະໜາມບິນ ບຽນຮ່ວາ ແມ່ນບ່ອນທີ່ ອາເມລິກາ ພົ່ນທາດພິດດີໂອຊິນໃສ່ຫລາຍກ່ວາໝູ່ໃນສະໄໝສົງຄາມຢູ່ ຫວຽດນາມ, ແມ່ນບ່ອນທີ່ມີມົນລະພິດດີໂອຊິນເຫຼືອຫລາຍທີ່ສຸດຢູ່ ຫວຽດນາມ. ທີ່ສໍານັກງານກະຊວງປ້ອງກັນປະເທດ, ທ່ານພົນໂທ ຫງວຽນຈີ໊ວີ້ງ ໄດ້ເປັນສັກຂີພິຍານພິທີລົງນາມບົດບັນທຶກມອບ-ຮັບໂຄງການກໍາຈັດມົນລະພິດດີໂອຊີນຢູ່ເຂດສະໜາມບິນບຽນຮວ່າລະຫວ່າງເຫຼົ່າທັບປ້ອງກັນອາກາດ-ທະຫານອາກາດ ແລະ USAID.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll