ຫວຽດນາມ ສະແດງຄວາມປາດຖະໜາ ສະມາຄົມອາຊຽນ ເຂົ້າໃຈຢ່າງເຕັມສ່ວນສະພາບການຢູ່ທະເລທະເລຕາເວັນອອກ ເພື່ອສະໜັບສະໜູນຄວາມສະຫງົບສຸກໃນພາກພື້ນ

11:49 2019/08/28

ຍສໝ - ທ່ານນາຍົກລັດຖະມົນຕີກໍ່ປາດຖະໜາວ່າ ທ່ານເລຂາທິການໃຫຍ່ ອາຊຽນ Lim Jock Hoi ຈະເຂົ້າໃຈສະພາບການໃນປັດຈຸບັນຢູ່ທະເລຕາເວັນອອກຢ່າງຈະແຈ້ງ, ມີສຽງເວົ້າທີ່ສະແດງໃຫ້ເຫັນທັດສະນະສະໜັບສະໜູນເລື່ອງຮັກສາສັນຕິພາບ, ສະຖຽນລະພາບ, ການວັດທະນາຖາວອນ, ຮັບປະກັນຄວາມເສລີໃນການເດີນເຮືອ, ການບິນຢູ່ທະເລຕາເວັນອອກບົນຈິດໃຈເຄົາລົບນັບຖືກົດໝາຍສາກົນ

ຕອນບ່າຍວັນທີ 27 ສິງຫາ, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ໃຫ້ການຕ້ອນຮັບທ່ານເລຂາທິການໃຫຍ່ ອາຊຽນ Lim Jock Hoi. 

ທີ່ການຕ້ອນຮັບ, ທ່ານນາຍົກລັດຖະມົນຕີໄດ້ສະເໜີວ່າ: ອາຊຽນຄວນມານະພະຍາຍາມຍູ້ແຮງການເຊື່ອມຕໍ່ພາຍໃນກຸ່ມໃຫ້ຫຼາຍກ່ວາອີກ, ສຸມໃສ່ເພີ່ມທະວີການແລກປ່ຽນດ້ານການຄ້າຢ່າງແຮງກ່ວາອີກ. ພ້ອມທັງປາດຖະໜາວ່າ ເລຂາທິການໃຫຍ່ ອາຊຽນ Lim Jock Hoi ແລະ ຄະນະເລຂາທິການ ອາຊຽນຈະສືບຕໍ່ເອົາໃຈໃສ່, ສົມທົບກັນໜູນຊ່ວຍ ຫວຽດນາມໃນການດຳລົງຕຳແໜ່ງເປັນປະທານ ອາຊຽນ ໃນປີ 2020 ເປັນຢ່າງດີ. ທ່ານນາຍົກລັດຖະມົນຕີກໍ່ປາດຖະໜາວ່າ ທ່ານເລຂາທິການໃຫຍ່ ອາຊຽນ Lim Jock Hoi ຈະເຂົ້າໃຈສະພາບການໃນປັດຈຸບັນຢູ່ທະເລຕາເວັນອອກຢ່າງຈະແຈ້ງ, ມີສຽງເວົ້າທີ່ສະແດງໃຫ້ເຫັນທັດສະນະສະໜັບສະໜູນເລື່ອງຮັກສາສັນຕິພາບ, ສະຖຽນລະພາບ, ການວັດທະນາຖາວອນ, ຮັບປະກັນຄວາມເສລີໃນການເດີນເຮືອ, ການບິນຢູ່ທະເລຕາເວັນອອກບົນຈິດໃຈເຄົາລົບນັບຖືກົດໝາຍສາກົນ.

ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໃຫ້ການຕ້ອນຮັບທ່ານເລຂາທິການໃຫຍ່ ອາຊຽນ Lim Jock Hoi (ພາບ: VGP)

ໃນຕອນເຊົ້າຂອງວັນດຽວກັນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບິ່ງມິງ ໄດ້ໃຫ້ການຕ້ອນຮັບທ່ານເລຂາທິການໃຫຍ່ ອາຊຽນ Lim Jock Hoi ແລະ ຜູ້ຕາງໜ້າຄະນະເລຂາທິການ ອາຊຽນ ໃນການມາຢ້ຽມຢາມ ແລະ ເຮັດວຽກຢູ່ ຫວຽດນາມ.

ທ່ານ ຟ້າມບິ່ງມິງ ໄດ້ສະເໜີໃຫ້ຄະນະເລຂາທິການອາຊຽນຕັ້ງໜ້າສົມທົບແລະ ໜູນຊ່ວຍບັນດາອົງການທີ່ກ່ຽວຂ້ອງຂອງ ຫວຽດນາມ, ໃນອາຍຸການ ຫວຽດນາມ ດຳລົງຕຳແໜ່ງເປັນປະທານອາຊຽນ ປີ 2020. ທ່ານຮອງນາຍົກລັດຖະມົນຕີ ເນັ້ນໜັ້ດວ່າ ສິ່ງສຳຄັນທີ່ສຸດແມ່ນ ອາຊຽນຕ້ອງຮັບປະກັນຄວາມສາມັກຄີ, ຄວາມເປັນເອກະພາບ, ຮັກສາໄດ້ບົດບາດເປັນໃຈກາງເພື່ອຜ່ານຜ່າບັນດາສິ່ງທ້າທາຍ ແລະ ປັບຕົວໃຫ້ແທດເໝາະກັບບັນດາການຜັນແປຢ່າງວ່ອງໄວ, ສັບສົນຂອງສະພາບການຢ່າງມີປະສິດທິຜົນ. ຄຽງຄູ່ກັນນັ້ນ, ອາຊຽນກໍ່ຄວນມານະພະຍາຍາມຍູ້ແຮງການເຊື່ອມຕໍ່ພາຍໃນກຸ່ມໃຫ້ຫຼາຍກ່ວາອີກ.

ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບິ່ງມິງ ໃຫ້ການຕ້ອນຮັບທ່ານເລຂາທິການໃຫຍ່ ອາຊຽນ Lim Jock Hoi (ພາບ: baoquocte.vn)

ທ່ານຮອງນາຍົກລັດຖະມົນຕີ ຟ້າມບິ່ງມິງ ໃຫ້ຮູ້ວ່າ ຫວຽດນາມ ຈະຕັ້ງໜ້າພ້ອມກັບບັນດາປະເທດອາຊຽນປະກອບສ່ວນຊຸກຍູ້ການພົວພັນຢ່າງສະໜິດແໜ້ນ ແລະ ການຮ່ວມມືຢ່າງມີປະສິດທິຜົນລະຫວ່າງ ສປຊ ກັບບັນດາອົງການໃນພາກພື້ນຄືອາຊຽນ.

ສ່ວນທ່ານເລຂາທິການໃຫຍ່ ອາຊຽນ Lim Jock Hoi ຢັ້ງຢືນວ່າ ຄະນະເລຂາທິການ ອາຊຽນ ຈະຕັ້ງໜ້າສົມທົບ ແລະ ມານະພະຍາຍາມຈົນສຸດຄວາມສາມາດຂອງຕົນເພື່ອຊ່ວຍເຫຼືອບັນດາອົງການທີ່ກ່ຽວຂ້ອງຂອງ ຫວຽດນາມ ໃນວິວັດທະນາການ ຫວຽດນາມດຳລົງຕຳແໜ່ງເປັນປະທານ ອາຊຽນ ໃນປີ 2020.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll