ຫວຽດນາມ ສືບຕໍ່ປັບປຸງກໍາລັງແກ້ງແຍ້ງຢ່າງແຮງ

06:17 2019/10/13

ຍສໝ - ໃນ “ບົດລາຍງານກ່ຽວກັບກຳລັງຄວາມສາມາດແກ່ງແຍ້ງທົ່ວໂລກ 2019” ຫວຽດນາມ ຢືນອັນດັບທີ 67 ໃນຈໍານວນ 141 ພື້ນຖານເສດຖະກິດ, ດ້ວຍ 61,5 ຄະແນນ, ເພີ່ມຂຶ້ນ 3,5 ຄະແນນ ແລະ 10 ຂັ້ນເມື່ອທຽບໃສ່ປີ 2018.

ຫວຽດນາມ ສືບຕໍ່ປັບປຸງກໍາລັງແກ້ງແຍ້ງຢ່າງແຮງ
ພາບປະກອບ

ຫວຽດນາມ ບັນລຸໄດ້ໝາກຜົນການເຕີບໂຕຢ່າງແຮງນັ້ນ ແມ່ນໝາກຜົນຂອງຂະບວນວິວັດແຫ່ງການປະຕິຮູບໃນຫຼາຍດ້ານ ແລະ ບັນດາດັດຊະນີທັງໝົດລ້ວນແຕ່ມີບາດກ້າວເຕີບໂຕຫຼາຍພໍສົມຄວນ. ຕົວຢ່າງຄື ດັດຊະນີກ່ຽວກັບການໝູນໃຊ້ເຕັກໂນໂລຢີຂໍ້ມູນຂ່າວສານ ໄດ້ມີການເຕີບໂຕແຮງທີ່ສຸດ ຫຼືບັນດາດັດຊະນີອື່ນໆຄືຕະຫຼາດສິນຄ້າ... ກໍໄດ້ຮັບການຕີລາຄາສູງ. 

ລະດັບເພີ່ມຂຶ້ນ 10 ຂັ້ນຂອງຫວຽດນາມ ໃນປີນີ້ເມື່ອທຽບໃສ່ປີກາຍແລ້ວ WEF ໄດ້ເນັ້ນໜັກວ່າແມ່ນເພີ່ມຂຶ້ນຫຼາຍທີ່ສຸດ ແລະມີໜຶ່ງດຽວໃນໂລກ. ເປັນໜ້າເອົາໃຈໃສ່, WEF ໄດ້ຮັບຮູ້ຄວາມກ້າວໜ້າແບບກະໂດດຂັ້ນຂອງຫວຽດນາມ ໃນສະພາບການຄວາມເຄັ່ງຕຶງດ້ານພູມສາດການເມືອງ ແລະການຄ້າພວມເຮັດໃຫ້ເສດຖະກິດໂລກຂາດສະຖຽນລະພາບ ແລະອາດຈະເຮັດໃຫ້ລະດັບເຕີບໂຕການຄ້າທົ່ວໂລກຫຼຸດລົງ. WEF ຖືວ່າ ຫວຽດນາມ ພວມດຶງດູດການລົງທຶນຈາກຕ່າງປະເທດຢ່າງແຮງເພື່ອກາຍເປັນສູນການຄ້າຂອງພາກພື້ນ.

ທ່ານນັກຊ່ຽວຊານເສດຖະກິດ, ປະລິນຍາເອກ ເລດັງແຢວງ ຖືວ່າ ບັນລຸໄດ້ໝາກຜົນນີ້ ແມ່ນຕ້ອງເວົ້າເຖິງຄວາມມານະພະຍາຍາມທີ່ບໍ່ຮູ້ອິດຮູ້ເມື່ອຍຂອງລັດຖະບານ ແລະ ໃນນາມສ່ວນຕົວຂອງທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໃນການປະຕິຮູບລະບອບລະບຽບການ. ທ່ານປະລິນຍາເອກ ເລດັງແຢວງ ຖືວ່າ ຫວຽດນາມ ຄວນມີຄວາມກ້າຫານກວ່າໃນການປັບປຸງບັນດາດັດຊະນີພາກສ່່ວນຕ່າງໆ ເພື່ອຕອບສະໜອງໄດ້ຕາມບັນດາມາດຕະຖານຂອງພື້ນຖານເສດຖະກິດການຕະຫຼາດ ກໍຄື ໜູນຊ່ວຍວິສາຫະກິດໄດ້ດີກວ່າເກົ່າ, ພ້ອມທັງຕ້ອງສືບຕໍ່ປະຕິຮູບລະບອບລະບຽບການຢ່າງແຮງ, ຮັບປະກັນຄວາມເປີດເຜີຍ ແລະ ກະຈ່າງແຈ້ງຕື່ມອີກ.

ຫວຽດນາມ ໄດ້ຈັດຢູ່ອັນດັບສູງພໍສົມຄວນກ່ຽວກັບດັດຊະນີ Market Size (ຂອບຂະໜາດຕະຫຼາດ) - ຢືນອັນດັບທີ 26. ບັນດາດັດຊະນີທີ່ຍັງເຫຼືອແມ່ນເໜັງຕີງແຕ່ອັນດັບທີ 41 ຫາອັນດັບທີ 93. ກ່ຽວກັບ ບັນດາດັດຊະນີພາກສ່ວນ, ຫວຽດນາມ ນອນໃນກຸ່ມທີ່ມີຄວາມສ່ຽງກໍ່ການຮ້າຍຕ່ຳທີ່ສຸດໃນໂລກ ແລະໄພເງິນເຟີ້ມີສະຖຽນລະພາບທີ່ສຸດໃນໂລກ. ທັງສອງລາຍການນີ້ຫວຽດນາມ ບັນລຸໄດ້ 100 ຄະແນນ.

ໄຊພອນ
;

同类别新闻