ຫວຽດນາມ ຕັ້ງໜ້າກະກຽມໃຫ້ແກ່ກອງປະຊຸມ AAPTC 2020

06:47 2019/09/25

ຕອນເຊົ້າວັນທີ 23 ກັນຍາ, ກົມຮັກສາສັນຕິພາບຫວຽດນາມ ໄດ້ຈັດຕັ້ງກອງປະຊຸມສ້າງແຜນການເບື້ອງຕົ້ນໃຫ້ແກ່ກອງປະຊຸມສໍາມະນາ ແລະກອງປະຊຸມຄົບຄະນະປະຈໍາປີສະຫະສະມາຄົມບັນດາສູນຝຶກແອບເຄື່ອນໄຫວຮັກສາສັນຕິພາບອາຊີ-ປາຊີຟິກ ປີ 2020 (AAPTC) ຢູ່ຫວຽດນາມ. ທ່ານພົນຈັດຕະວາ ຮວ່າງກິມຟຸ້ງ, ຫົວໜ້າກົມຮັກສາສັນຕິພາບຫວຽດນາມ ເປັນປະທານ ແລະກ່າວຄໍາເຫັນທີ່ກອງປະຊຸມ.

ຫວຽດນາມ ຕັ້ງໜ້າກະກຽມໃຫ້ແກ່ກອງປະຊຸມ AAPTC 2020
ຜູ້ຕາງໜ້າຫວຽດນາມ ແລະບັນດາອົງການສາກົນ ປຶກສາຫາລືເພື່ອເຫັນດີເປັນເອກະພາບບັນດາເນື້ອໃນທີ່ກ່ຽວຂ້ອງເຖິງວຽກງານສ້າງແຜນການ ແລະກະກຽມໃຫ້ແກ່ກອງປະຊຸມ AAPTC 2020. (ພາບ: ກ໊ວກຈິ້)
ກອງປະຊຸມເພື່ອແນໃສ່ແລກປ່ຽນ, ປຶກສາຫາລື, ສ້າງແຜນການ ແລະກະກຽມທຸກດ້ານເພື່ອຈັດຕັ້ງສໍາເລັດກອງປະຊຸມ AAPTC ໃນປີ 2020, ປະກອບສ່ວນຢັ້ງຢືນ ແລະຍົກສູງຖານະບົດບາດ, ທີ່ຕັ້ງສາກົນຂອງຫວຽດນາມ ໃນຂົງເຂດຮັກສາສັນຕິພາບສະຫະປະຊາຊາດ, ປະກອບສ່ວນແທດຈິງເຂົ້າໃນການຍົກສູງປະສິດທິຜົນການເຂົ້າຮ່ວມເຄື່ອນໄຫວຮັກສາສັນຕິພາບສະຫະປະຊາຊາດຂອງພາກພື້ນອາຊີ-ປາຊີຟິກ. ພ້ອມທັງ, ປະກອບສ່ວນເພີ່ມທະວີຄວາມເຂົ້າໃຈ, ການພົວພັນມິດຕະພາບ ແລະການຮ່ວມມືໃນຂົງເຂດຮັກສາສັນຕິພາບລະຫວ່າງຫວຽດນາມ ແລະບັນດາປະເທດສະມາຊິກສະຫະສະມາຄົມ AAPTC. 

ກ່າວຄໍາເຫັນທີ່ກອງປະຊຸມ, ທ່ານພົນຈັດຕະວາ ຮວ່າງກິມຟຸ້ງ ເນັ້ນໜັກວ່າ, ກອງປະຊຸມ AAPTC ແມ່ນເຫດການສາກົນໃຫຍ່ໃນປີ 2020 ເຊິ່ງຫວຽດນາມເປັນກຽດໄດ້ຈັດຕັ້ງ. ຕາມນັ້ນແລ້ວ, ກອງປະຊຸມສ້າງແຜນການເບື້ອງຕົ້ນທີ່ມີຄວາມ ໝາຍແທດຈິງ, ເພື່ອແລກປ່ຽນ, ເຫັນດີເປັນເອກະພາບວຽກງານກະກຽມ, ວຽກງານປະສານສົມທົບ, ເປັນພື້ນຖານໃຫ້ແກ່ການຈັດຕັ້ງກອງປະຊຸມ AAPTC ປີ 2020 ຢູ່ຫວຽດນາມ.

ປີ 2020, ກົມຮັກສາສັນຕິພາບຫວຽດນາມ ເປັນຄັ້ງທໍາອິດທີ່ດໍາລົງຕໍາແໜ່ງເປັນປະທານສະຫະສະມາຄົມ AAPTC ແລະປະທານເຄືອຂ່າຍບັນດາສູນຮັກສາສັນຕິພາບອາຊຽນ (APCN). ຫວ່າງແລ້ວນີ້ ກົມຮັກສາສັນຕິພາບຫວຽດນາມ ຫາກໍ່ໄດ້ຮັບການຄັດເລືອກຈາກສະຫະປະຊາຊາດ ເປັນໜຶ່ງໃນ 4 ສູນຝຶກແອບຂອງພາກພື້ນເພື່ອອົບຮົມໃຫ້ແກ່ກໍາລັງຮັກສາສັນຕິພາບຕາມໂຄງການຮ່ວມມື 3 ຝ່າຍ (TPP) ຂອງສະຫະປະຊາຊາດ. ສະນັ້ນ, ເລື່ອງເປັນເຈົ້າພາບຈັດກອງປະຊຸຸມ AAPTC 2020 ຈະປະກອບສ່ວນຫັນແຜນນະໂຍບາຍສ້າງກົມຮັກສາສັນຕິພາບຫວຽດນາມ ກາຍເປັນສູນຝຶກແອບຮັກສາສັນຕິພາບທີ່ມີລະດັບພາກພື້ນ ແລະສາກົນ ໃຫ້ປະກົດຜົນເປັນຈິງ.

(来源: la.qdnd.vn)
;

同类别新闻