ຫວຽດນາມ ຕັ້ງຄວາມຫວັງຕໍ່ການເສີມຂະຫຍາຍບົດບາດນໍາພາໃນອາຍຸການເປັນປະທານອາຊຽນ 2020

05:40 2019/09/29

ໃນຕອນບ່າຍຂອງວັນທີ 27 ກັນຍາ 2019, ຢູ່ຮ່າໂນ້ຍ ສສ ຫວຽດນາມ ໄດ້ດໍາເນີນການໂອ້ລົມສົນທະນາດ້ວຍຫົວຂໍ້ “ອາຍຸການປະທານອາຊຽນຂອງ ໄທ ແລະ ບົດບາດຂອງອາຊຽນໃນການພັດທະນາຂອງປະເທດ ແລະ ພາກພື້ນ”.

ຫວຽດນາມ ຕັ້ງຄວາມຫວັງຕໍ່ການເສີມຂະຫຍາຍບົດບາດນໍາພາໃນອາຍຸການເປັນປະທານອາຊຽນ 2020
ບັນຍາກາດທີ່ການໂອ້ລົມສົນທະນາ. (ພາບ: ສໍານັກຂ່າວສານຫວຽດນາມ)

ນີ້ແມ່ນເຫດການທໍາອິດໃນບັນດາການເຈລະຈາອາຊຽນ ໂດຍສະຖາບັນການຕ່າງປະເທດສົມທົບກັບສະຖານທູດໄທ ປະຈໍາຮ່າໂນ້ຍ ຈັດຕັ້ງເພື່ອແນໃສ່ປຶກສາຫາລື ແລະທາບທາມຄໍາເຫັນ, ຂໍ້ສະເໜີແນະ, ນະໂຍບາຍປະກອບສ່ວນເຂົ້າໃນວຽກງານກະກຽມຮັບໃຊ້ໃຫ້ປີຫວຽດນາມ ເປັນປະທານອາຊຽນ 2020.  ໜ້າທີ່ໃນປີປະທານອາຊຽນ 2020 ຂອງຫວຽດນາມ ແມ່ນເພີ່ມທະວີຄວາມສາມັກຄີພາຍໃນ, ປັບປຸງບົດບາດເປັນໃຈກາງ, ເພີ່ມທະວີການເຊື່ອມໂຍງເຂົ້າກັບພາກພື້ນ, ພິເສດແມ່ນຂົງເຂດເສດຖະກິດ, ໃນນັ້ນມີສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP).

ນອກຈາກນັ້ນ, ປີ 2020, ໄປຄຽງຄູ່ກັບບັນດາເຫດການໃຫຍ່ຂອງປະເທດ, ການຮ່ວມມືດ້ານປ້ອງກັນຊາດ ອາຊຽນ ແລະ ກະຊວງປ້ອງກັນປະເທດ ກໍ່ມີບາງເຫດການສຳຄັນຄື: ສະເຫຼີມສະຫຼອງ 10 ປີແຫ່ງວັນຈັດຕັ້ງກອງປະຊຸມຂັ້ນລັດຖະມົນຕີກະຊວງປ້ອງກັນປະເທດບັນດາປະເທດອາຊຽນເປີດກ້ວາງ ADMM+, 65 ປີແຫ່ງວັນສ້າງຕັ້ງກອງທັບເຮືອປະຊາຊົນ ຫວຽດນາມ, ບັນດາກອງປະຊຸມ ດ້ານປ້ອງກັນຊາດ - ການທະຫານ…ນີ້ທັງເປັນໂອກາດ, ທັງເປັນສິ່ງທ້າທາຍ, ດັ່ງນັ້ນຕ້ອງເອົາໃຈໃສ່ລົງທຶນແຫຼ່ງກຳລັງຢ່າງເໝາະສົມ.

ຕີລາຄາສູງຄວາມຄືບໜ້າ ແລະ ວຽກງານກະກຽມຂອງ ກະຊວງປ້ອງກັນປະເທດ, ທ່ານ ຫງວຽນກ໊ວກຢຸງ ໃຫ້ຂໍ້ສັງເກດວ່າ ນີ້ແມ່ນບັນດາການເຄື່ອນໄຫວທີ່ມີຄວາມອຸດົມສົມບູນທີ່ສຸດ, ດ້ວຍປະລິມານວຽກງານທີ່ໃຫຍ່ຫຼວງ, ເພື່ອຜັນຂະຫຍາຍບັນດາເນື້ອໃນນີ້ຢ່າງຄົບຖ້ວນ ແລະ ໃຫ້ມີປະສິດທິຜົນ, ມີຄຸນນະພາບ, ຕ້ອງມີການສົມທົບກັນຢ່າງແໜ້ນແຟ້ນລະຫວ່າງກະຊວງປ້ອງກັນປະເທດ ແລະ ກະຊວງການຕ່າງປະເທດ ແລະ ບັນດາກະຊວງ, ຂະແໜງການຕ່າງໆ. ເຖິງຢ່າງໃດກໍ່ຕາມ, ກະຊວງປ້ອງກັນປະເທດຍັງຮັກສາບົດບາດທີ່ມີຄວາມສຳຄັນພິເສດ, ປະກອບສ່ວນເຂົ້າຜົນສຳເລັດໃນ ປີ ຫວຽດນາມ ດຳລົງຕຳແໜ່ງເປັນປະທານ ອາຊຽນ 2020.

ທ່ານ ຟ້າມກວາງວີງ ອະດີດຮອງລັດຖະມົນຕີການຕ່າງປະເທດຫວຽດນາມ ໄດ້ເນັ້ນໜັກເຖິງບົດບາດຂອງອາຊຽນໃນການພັດທະນາຂອງແຕ່ລະປະເທດສະມາຊິກ ແລະພາກພື້ນ. ທ່ານຢັ້ງຢືນວ່າ ອາຊຽນ ຍາມໃດກໍ່ແມ່ນໜຶ່ງໃນບັນດາບຸລິມະສິດແຖວໜ້າໃນນະໂຍບາຍພົວພັນຕ່າງປະເທດຂອງຫວຽດນາມ.

ໄຊພອນ
;

同类别新闻