ຫວຽດນາມ ຍັງສະແດງໃຫ້ເຫັນກໍາລັງແຮງຂອງພື້ນຖານເສດຖະກິດ

22:03 2019/10/02

ຍສໝ - ກົມໃຫຍ່ສະຖິຕິຫວຽດນາມ ກໍໄດ້ປະກາດຕົວເລກທີ່ໜ້າຊື່ນຊົມສໍາລັບລະດັບການເຕີບໂຕຂອງເສດຖະກິດຫວຽດນາມ, ຕາມນັ້ນແລ້ວ, ຄາດວ່າ GDP ຂອງ 9 ເດືອນຕົ້ນປີ 2019 ເພີ່ມຂຶ້ນ 6,98% ຊຶ່ງແມ່ນລະດັບເພີ່ມຂຶ້ນສູງສຸດ ເມື່ອທຽບໃສ່ໄລຍະດຽວກັນໃນ 9 ປີ ຜ່ານມາ.

ຫວຽດນາມ ຍັງສະແດງໃຫ້ເຫັນກໍາລັງແຮງຂອງພື້ນຖານເສດຖະກິດ
ຫວຽດນາມ ຍັງສະແດງໃຫ້ເຫັນກໍາລັງແຮງຂອງພື້ນຖານເສດຖະກິດ.(ພາບປະກອບ)

ກ່ຽວຂ້ອງເຖິງສະພາບເສດຖະກິດຫວຽດນາມ, ຕາມຕົວເລກຂອງກົມຄຸ້ມຄອງເຂດເສດຖະກິດ, ກະຊວງແຜນການ ແລະການລົງທຶນຫວຽດນາມ ທີ່ຫາກໍ່ປະກາດຫວ່າງມໍ່ໆມານີ້ິ້, ກະແສເງິນລົງທຶນຈາກຕ່າງປະເທດ (FDI) ລົງທຶນເຂົ້າບັນດາເຂດອຸດສາຫະກຳ, ເຂດເສດຖະກິດໃນປະຈຸບັນພວມມີບັນດາການຜັນແປຢ່າງຕັ້ງໜ້າທີ່ສຸດ. ຄາດວ່າ, ຈະມີທຶນ FDI ກວ່າ 10 ຕື້ໂດລາສະຫະລັດທີ່ລົງທຶນຢູ່ບັນດາເຂດອຸດສາຫະກຳ, ເຂດເສດຖະກິດໃນ 9 ເດືອນຕົ້ນປີ 2019. ເສດຖະກິດຫວຽດນາມ ຈະເຕີບໂຕໄວທີ່ສຸດຢູ່ອາຊຽນໃນປີ 2019, ດ້ວຍລະດັບເຕີບໂຕບັນລຸ 6,9% ແລະຈະຮັກສາລະດັບເຕີບໂຕນີ້ຮອດປີ 2021. ນີ້ແມ່ນການຄາດຄະເນຄັ້ງຫຼ້າສຸດເຊິ່ງທະນາຄານ Standard Charter ໄດ້ຍົກອອກມາໃນການຄາດຄະເນເສດຖະກິດທົ່ວໂລກທ້າຍປີ 2019.

ສໍານັກຂ່າວສານ Blomberg ໃຫ້ຮູ້ວ່າ ບັນດານັກຊ່ຽວຊານເສດຖະກິດ ໄດ້ຍົກລະດັບການຄາດຄະເນການເຕີບໂຕຂອງຫວຽດນາມຂຶ້ນ. ລະອຽດແມ່ນ, Citigroup Inc ໄດ້ປັບລະດັບຄາດຄະເນການເຕີບໂຕຂອງລວມຍອດຜະລິດຕະພັນພາຍໃນປະເທດ (GDP) ປີ 2019 ຂອງຫວຽດນາມ ແຕ່ລະດັບ 6, 7% ໃນເມື່ອກ່ອນຂຶ້ນເປັນ 6,9%, ອັນໄດ້ສ້າງພື້ນຖານໃຫ້ແກ່ເສດຖະກິດຫວຽດນາມ ສືບຕໍ່ເຕີບໂຕຢ່າງເຂັ້ມແຂງກວ່າໃນໄຕມາດທີ 4. ບັນດານັກໄຈ້ແຍກຢູ່ Maybank Kim Eng Research Ltd. ກໍຍົກລະດັບການຄາດຄະເນການເຕີບໂຕເສດຖະກິດຫວຽດນາມ ໃນປີຂຶ້ນເປັນ 7% ເພີ່ມຂຶ້ນ 0,2% ເມື່ອທຽບໃສ່ຕົວເລກຄາດຄະເນໃນເມື່ອກ່ອນ. ລະດັບການເຕີບໂຕຂອງເສດຖະກິດຫວຽດນາມ ໃນໄຕມາດທີ 3 ປີ 2019 ບັນລຸ 7,31%. ນີ້ແມ່ນລະດັບການເຕີບໂຕໄວທີ່ສຸດນັບແຕ່ຕົ້ນປີ 2018, ອັນໄດ້ສະແດງໃຫ້ເຫັນກະແສະເງິນລົງທຶນຕ່າງປະເທດພວມລົງທຶນເຂົ້າຫວຽດນາມ ນັບມື້ນັບຫຼາຍ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll