ຫວຽດນາມ - ຍົກສູງປະສິດທິຜົນຂອງການເຄື່ອນໄຫວການຄ້າຊາຍແດນ

10:51 2018/09/28

ຍສໝ - ໃນຊຸມປີທີ່ຜ່ານມາ ການະເຄືອນໄຫວການຄ້າຊາຍແດນ ເວົ້າລວມ ແລະ ການນຳເຂົ້າ-ສົ່ງອອກ ເວົ້າສະເພາະ ຜ່ານບັນດາດ່ານຊາຍແດນ ຫວຽດ-ລາວ ຂອງແຂວງ ກວ້າງບິ່ງ ບັນລຸໄດ້ຜົນສຳເລັດທີ່ໜ້າເພິ່ງພໍໃຈ. ເພື່ອໃຫ້ການເຄື່ອນໄຫວການຄ້າຊາຍແດນ ສືບຕໍ່ພັດທະນາ, ປະກອບສ່ວນເຂົ້າໃນການເຕີບໃຫຍ່ຂະຫຍາຍຕົວຂອງເສດຖະກິດ-ສັງຄົມ, ຄວາມສະຫງົບ-ປ້ອງກັນຊາດ, ກວ້າງບິ່ງ ໄດ້ສ້າງມາດຕະການອັນສອດຄ່ອງ ແລະ ມີປະສິດທິຜົນ.

ຫວຽດນາມ - ຍົກສູງປະສິດທິຜົນຂອງການເຄື່ອນໄຫວການຄ້າຊາຍແດນ

ປະຈະບັນ ກວ້າງບິ່ງ ມີດ່ານສາກົນ ຈາລໍ ແລະ ດ່ານສຳຮອງ ກ່າລ່ອງ. ການນຳເຂົ້າ-ສົ່ງອອກ ຜ່ານດ່ານສາກົນ ຈາລໍ-ນ່າເຜົ່າ ໃນຊຸມປີທີ່ຜ່ານມາເພີ່ມສູງຂື້ນ ດ້ານຄວາມຫຼາກຫຼາຍຂອງສິນຄ້າ. ສະແດງອອກຄືໃນປີ 2017 ຍອດລວມນຳ້ໜັກຂອງ ສິນຄ້ານຳເຂົ້າ-ສົ່ງອອກ ບັນລຸໄດ້ 2.368.000 ໂຕນ, ເພີ່ມຂື້ນ 35% ທຽບໃສ່ປີ 2016; ມູນຄ່າການນຳເຂົ້າ-ສົ່ງອອກ ບັນລຸໄດ້ 1.706 ລ້ານ USD; ໄດ້ເຮັດເອກສານສິນຄ້າຜ່ານແດນ ໃຫ້ພາຫະນະເຂົ້າອອກເມືອງໄດ້ 162.000 ຄັ້ງ.

ກຳລັງເຈົ້າໜ້າທີ່ ກວດກາ ສິນຄ້າ ຜ່ານຊາຍແດນ ຢູ່ ດ່ານຈາລໍ.

8 ເດືອນຕົ້ນປີ 2018 ຍອດລວມນຳ້ໜັກ ຂອງສິນຄ້າ ນຳເຂົ້າ-ສົ່ງອອກ ບັນລຸໄດ້ 1.400.000 ໂຕນ; ຍອດລວມການນຳເຂົ້າ-ສົ່ງອອກ ບັນລຸໄດ້ຫຼາຍກວ່າ 921 ລ້ານ USD; ໄດ້ເຮັດເອກກະສານຜ່ານແດນໃຫ້ພາຫະນະເຂົ້າອອກເມືອງ ໄດ້ 101.654 ຄັ້ງ. ສິນຄ້າທີ່ສຳຄັນຫຼັກໆແມ່ນ ເຄື່ອງກໍ່ສ້າງ, ເຄື່ອງກະສິກຳ, ເຄື່ອງໃຊ້ໃນຄົວເຮືອນ, ໜາກໄມ້ທຸກປະເພດ, ຄວາຍ-ງົວ, ຝຸ່ນກາລີ, ກາເຟ...

ຕອບສະໜອງເທື່ອລະກ້າວຄວາມຕ້ອງການຂອງການພັດທະນານັບມື້ນັບສູງຂື້ນຂອງຂົງເຂດ ດ່ານ, ໄລຍະຜ່ານມາ ແຂວງກວ້າງບິ່ງ ໄດ້ລົງທືນຫຼາຍກວ່າ 798 ຕື້ດົງ ໃນໂຄງການກໍ່ສ້າງພື້ນຖານໂຄງລ່າງ ໃນຂົງເຂດດ່ານ.

ເພື່ອເພີ່ມທະວີສາຍພົວພັນມິດຕະພາບ, ຮ່ວມມືອັນແໜ້ນແຟ້ນກັບບັນດາແຂວງທີ່ມີຊາຍແດນຮ່ວມກັນ, ແຕ່ລະປີ ແຂວງກວ້າງບິ່ງ ໄດ້ຈັດການພົບປະຂັ້ນສູງ ກັບສອງແຂວງຄື: ແຂວງຄຳມ່ວນ ແລະ ແຂວງສະຫວັນນະເຂດ. ຍ້ອນແນວນັ້ນ ສາຍພົວພັນ ຮ່ວມມື ແລະ ພັດທະນາການຄ້າຊາຍແດນຂອງ ກວ້າງບິ່ງ ກັບ ຄຳມ່ວນ, ສະຫວັນນະເຂດ , ບາງແຂວງຂອງລາວ ແລະ ບາງ ແຂວງພາກຕາເວັນອອກສ່ຽງເໜືອຂອງ ໄທ ນັບມື້ນັບມີການເຕີບໃຫຍ່ຂະຫຍາຍໂຕ.

ທ່ານ ຟານຮວ່າຍ ນາມ ຮອງຫົວໜ້າພະແນກ ອຸດສາຫະກຳ ແລະການຄ້າ ໄດ້ໃຫ້ຮູ້ວ່າ: ຄຽງຄູ່ກັບຜົນສຳເລັດທີ່ບັນລຸໄດ້ຜ່ານມານັ້ນ, ການເຄື່ອນໄຫວການຄ້າຊາຍແດນຂອງແຂວງກວ້າງບິ່ງກໍ່ຍັງມີຂໍ້ຄົງຄ້າງຢູ່ຄື: ພື້ນຖານໂຄງລ່າງ ເຂດເສດຖະກິດຂອງດ່ານຍັງບໍ່ທັນພຽງພໍ ແລະ ບໍ່ທັນສົມບູນເທົ່າທີ່ຄວນ; ນະໂຍບາຍດ້ານພາສີ ແລະ ກົດລະບຽບຂອງພາສີ ໃນການນຳເຂົ້າ-ສົ່ງອອກ, ເຂົ້າ-ອອກເມືອງ ລະຫວ່າງ ຫວຽດນາມ-ລາວ ຍັງມີຫຼາຍອັນບໍ່ທັນເປັນເອກກະພາບກັນ ສ້າງຜົນກະທົບໃຫ້ແກ່ການເຄື່ອນໄຫວຜລິດ, ດຳເນີນທຸລະກິດຂອງ ນັກທຸລະກິດ. ການລົງທືນຮ່ວມມືລະຫວ່າງ ນັກທຸລະກິດ ຂອງສອງປະເທດ ຍັງມີຄວາມຫຍຸ້ງຍາກ ແລະ ມີແຕ່ຂະໜາດນ້ອຍກະແຈກກະຈາຍ...

ເພື່ອຍົກສູງປະສິດທິຜົນຂື້ນກວ່າເກົ່າ ການເຄື່ອນໄຫວການຄ້າຊາຍແດນພາຍໃນແຂວງໃນໄລຍະຕໍ່ໄປ, ພ້ອມກັບການເສີມຂະຫຍາຍ, ຄວາມມານະພະຍາຍາມ ແຂວງກ້ວາງບິ່ງ ຍັງຕ້ອງການຄວາມຊ່ວຍເຫຼືອ, ສ້າງເງື່ອນໄຂສະດວກ ດ້ານລະບົບນະໂຍບາຍ ຂອງລັດ, ກະຊວງອຸດສາຫະກຳ ແລະ ການຄ້າ ແລະ ບັນດາຂະແໜງການທີ່ກ່ຽວຂ້ອງ ຂອງສາມປະເທດຄື: ຫວຽດນາມ, ລາວ ແລະ ໄທ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll