ຫວຽດນາມເຂົ້າຮ່ວມການຊ້ອມເຝິກອົບຮົມຮ່ວມອາຊຽນ - ອາເມລິກາໃນວັນທີ 2 ກັນຍາ

18:05 2019/08/23

ຍສໝ - ຕາມກະຊວງການຕ່າງປະເທດຫວຽດນາມ, ໃນວັນທີ 2 ກັນຍາ, ຫວຽດນາມຈະເຂົ້າຮ່ວມນຳ ສະມາຄົມປະເທດອາຊຽນ ເພື່ອເຂົ້າຮ່ວມການຊ້ອມເຝິກອົບຮົມຮ່ວມຄັ້ງທຳອິດ ກັບກອງທັບເຮືອອາເມລິກາ ຢູ່ເຂດອ່າວໄທ.

“ການຊ້ອມຮົບທາງການເດີນທະເລອາຊຽນ ແລະ ອາເມລິກາ ຈະດຳເນີນໃນວັນທີ 2-6 ກັນຍາ 2019. ນີ້ແມ່ນກິດຈະກຳ ທີ່ດຳເນີນພາຍໃຕ້ຂໍ້ຕົກລົງລະຫວ່າງລັດຖະມົນຕີກະຊວງປ້ອງກັນອາຊຽນ ແລະ ສະຫະລັດອາເມລິກາໃນປີ 2018. ເປັນສະມາຊິກຂອງອາຊຽນ, ຫວຽດນາມ ຈະເຂົ້າຮ່ວມການຝຶກຊ້ອມຄັ້ງນີ້" ໂຄສົກກະຊວງການຕ່າງປະເທດຫວຽດນາມ ເລຖິທູຮັ່ງ ໄດ້ປະກາດໃນການປະຊຸມຂ່າວເປັນປະຈຳ ໃນວັນທີ 22 ສິງຫາ, ທີ່ຮ່າໂນ້ຍ.

ໂຄສົກກະຊວງການຕ່າງປະເທດຫວຽດນາມ ເລຖິທູຮັ່ງ ໄດ້ປະກາດໃນການປະຊຸມຂ່າວເປັນປະຈຳ ໃນວັນທີ 22 ສິງຫາ. (ພາບ: thoidai.com.vn)

ກ່ອນໜ້ານີ້, ສຳນັກຂ່າວສານ Kyodo ຂອງຍີ່ປຸ່ນ, ໃນວັນທີ 21 ສິງຫາ, ໄດ້ຄັດສະເໜີແຫຼ່ງຂ່າວອາຊຽນທີ່ກ່າວກ່ຽວກັບການຊ້ອມຮົບດັ່ງກ່າວ. ຕາມນັ້ນແລ້ວ, ການຊ້ອມຮົບຂອງກອງທັບເຮືອອາຊຽນ - ອາເມລິກາ ໄດ້ແກ່ຍາວເປັນເວລາ 5 ວັນດ້ວຍການເຂົ້າຮ່ວມຂອງ ກຳປັ່ນ ແລະ ເຮືອບິນຢ່າງ ໜ້ອຍ ຈຳນວນ 8 ລຳ ຈະເລີ່ມຕົ້ນຢູ່ຖານທັບເຮືອ Sattahip ແຂວງ Chonburi ແລະ ຜັນຂະຫຍາຍໄປຍັງແຂວງ ກາເມົາ ຂອງຫວຽດນາມ. ແຫຼ່ງຂ່າວຍັງໄດ້ຢືນຢັນວ່າ ທຸກໆປະເທດອາຊຽນຈະເຂົ້າຮ່ວມການຊ້ອມຮົບຮ່ວມທີ່ຈັດໂດຍ ກອງທັບເຮືອສະຫະລັດອາເມລິກາ ແລະ ກອງທັບເຮືອໄທ.

ເພື່ອປະຕິບັດການຊ້ອມຮົບດັ່ງກ່າວ, ກອງກຳລັງທາດປະສົມ ຈະໄດ້ຈັດຕັ້ງຢູ່ເທິງກຳປັ່ນລາດຕະເວນຂອງໄທ, ພາຍໃຕ້ການບັນຊາຂອງເຈົ້າໜ້າທີ່ທະຫານເຮືອລະດັບສູງ ໂດຍມີການເຂົ້າຮ່ວມຂອງສະມາຊິກກອງທັບເຮືອ ອາເມລິກາ ແລະ ບັນດາປະເທດສະມາຊິກອາຊຽນ. ສ່ວນອາເມລິກາ ຈະສົ່ງ ກຳປັ່ນຂັບໄລ່ Destroyer Squadron 7 (ກອງທັບເຮືອ 7) ເຂົ້າຮ່ວມໃນການຊ້ອມຮົບຄັ້ງນີ້.

ໜັງສືພິມ Bangkok Post ຂອງໄທ ກໍ່ໄດ້ລາຍງານກ່ຽວກັບການຊ້ອມຮົບຮ່ວມຄັ້ງນີ້, ໂດຍກ່າວວ່າການຊ້ອມຮົບຮ່ວມຄັ້ງນີ້ເປັນສ່ວນໜຶ່ງ ຂອງການເຄື່ອນໄຫວ ເພື່ອສ້າງສະພາວະດຸນດ່ຽງຂອງການພົວພັນອາຊຽນກັບ ຈີນ ແລະ ສະຫະລັດ, ສອງປະເທດກຳລັງເພີ່ມທະວີອິດທິພົນຂອງຕົນໃນອາຊີຕາເວັນອອກສ່ຽງໃຕ້.

ຕາມ ສຳນັກຂ່າວສານຫວຽດນາມ, ໂຄສົກກະຊວງການຕ່າງປະເທດ ເລຖິທູຮັ່ງ ເນັ້ນໜັກວ່າ ຫວຽດນາມໄດ້ຮຽກຮ້ອງ ຈີນ ຈຳຕ້ອງຖອນ ກຳປັ່ນທັງໝົດ ອອກຈາກເຂດເສດຖະກິດ ຈຳເພາະຂອງຫວຽດນາມ. “ໃນຊຸມເວລາຜ່ານມານີ້, ກຳປັ່ນສຳຫຼວດ ຫາຍເຍືອງ 8 ຂອງຈີນໄດ້ກັບຄືນມາ ແລະ ສືບຕໍ່ການລະເມີດຢ່າງຮ້າຍແຮງຕໍ່ເຂດເສດຖະກິດ ຈຳເພາະ ແລະ ເຂດໄຫຼ່ທະວີບຂອງຫວຽດນາມທີ່ ກຳນົດຕາມຂໍ້ກຳນົດຂອງສົນທິສັນຍາ ສະຫະປະຊາຊາດ ວ່າດ້ວຍກົດໝາຍ ທະເລປີ 1982. ບັນດາ ກຳລັງປະຕິບັດໜ້າທີ່ຢູ່ທະເລ ຂອງຫວຽດນາມ ຕັດສິນໃຈສືບຕໍ່ປະຕິບັດ ແລະ ປົກປ້ອງສິດອະທິປະໄຕ ແລະ ສິດ ອຳນາດຂອງຫວຽດນາມ ຕາມກົດໝາຍສາກົນ ແລະ ກົດໝາຍຫວຽດນາມ.” ທ່ານນາງ ເລຖິທູຮັ່ງ ເນັ້ນໜັກ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll