ສ້າງສະພາບແວດລ້ອມດີທີ່ສຸດໃຫ້ບັນດານັກລົງທຶນເຄື່ອນໄຫວ ຢູ່ ຫວຽດນາມ

14:04 2019/06/12

ຍສໝ - ໃນຕອນເຊົ້າຂອງວັນທີ 10 ມິຖຸນາ 2019, ກະຊວງແຜນການ ແລະ ການລົງທຶນ ສົມທົບກັບກະຊວງວິທະຍາສາດ ແລະ ເຕັກໂນໂລຢີ, ກອງທຶນ Golden Gate Ventures ໄດ້ຈັດຕັ້ງກອງປະຊຸມກອງທຶນເລີ່ມທຸລະກິດປະດິດຄິດສ້າງ ຢູ່ ຫວຽດນາມ 2019 ເພື່ອແນໃສ່ສ້າງການເຊື່ອມຕໍ່ກັບບັນດາກອງທຶນພາຍໃນ ແລະ ສາກົນ.

ສ້າງສະພາບແວດລ້ອມດີທີ່ສຸດໃຫ້ບັນດານັກລົງທຶນເຄື່ອນໄຫວ ຢູ່ ຫວຽດນາມ
ບັນຍາກາດທີ່ກອງປະຊຸມ.(ພາບ: TTXVN)

ກ່າວຄໍາເຫັນທີ່ເວທີປາໄສ, ທ່ານ ຫງວຽນ ຈີ໋ ຢູ້ງ ລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ໄດ້ໃຫ້ຮູ້ວ່າ: ເພື່ອປະຕິບັດເປົ້າໝາຍປ່ຽນແປງໃໝ່ຮູບແບບເຕີບໂຕອີງຕາມການປ່ຽນແປງໃໝ່ປະດິດຄິດສ້າງ, ລັດຖະບານ ຫວຽດນາມ ກໍາລັງມານະພະຍາຍາມສ້າງ ແລະ ປະຕິບັດຫຼາຍນະໂຍບາຍ, ໃນນັ້ນສຸມໃສ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບໃຫ້ແກ່ພື້ນຖານເສດຖະກິດປ່ຽນແປງໃໝ່ປະດິດຄິດສ້າງ; ໜູນຊ່ວຍການເຄື່ອນໄຫວປ່ຽນແປງໃໝ່ປະດິດຄິດສ້າງໃນວິສາຫະກິດ ແລະ ດຶງດູດແຫຼ່ງທຶນໃຫ້ບັນດາການເຄື່ອນໄຫວປ່ຽນແປງໃໝ່ປະດິດຄິດສ້າງ. 

ນອກຈາກນັ້ນ, ເພື່ອສ້າງສະພາບແວດລ້ອມດີທີ່ສຸດໃຫ້ບັນດານັກລົງທຶນເຄື່ອນໄຫວ ຢູ່ ຫວຽດນາມ, ທ່ານ ຫງວຽນ ຈີ໋ ຢູ້ງ ກໍ່ໄດ້ໃຫ້ຄໍາໝັ້ນສັນຍາວ່າ: ກະຊວງແຜນການ ແລະ ການລົງທຶນ ຈະເຈລະຈາ ແລະ ປຶກສາຫາລືກັບປະຊາຄົມບັນດານັກລົງທຶນເປັນປະຈໍາ; ສົມທົບກັບບັນ ດາກະຊວງ, ອົງການທີ່ກ່ຽວຂ້ອງຕ່າງໆຢ່າງແໜ້ນແຟ້ນເພື່ອຜັນຂະຫຍາຍສ້າງບັນດາມາດຕະການທີ່ເໝາະສົມ, ແກ້ໄຂບັນດາຄວາມຫຍຸ້ງຍາກເພື່ອດຶງດູດ ແລະ ເພີ່ມທະວີແຫຼ່ງທຶນເຂົ້າໃນລະບົບປ່ຽນແປງໃໝ່ປະດິດຄິດສ້າງຂອງຫວຽດນາມຢ່າງບໍ່ຢຸດຢັ້ງ; ພ້ອມທັງໃຫ້ຄໍາໝັ້ນສັນຍາຈະໜູນຊ່ວຍວົງການເລີ່ມທຸລະກິດເພື່ອໃຫ້ບັນດາ Start-up ມີຫຼາຍກາລະໂອກາດສຳຜັດກັບບັນດາແຫຼ່ງທຶນອຸປະຖໍາ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll