ສະຫຼອງຮ່ວມມ່ວນຊື່ນມິດຕະພາບ ປະຊາຊົນຫວຽດນາມ - ອິນເດຍ: 12 ປີແຫ່ງຄວາມສາມັກຄີ, ສະໜັບສະ ໜູນ ເຊິ່ງກັນແລະກັນ

19:49 2019/08/13

ຍສໝ - ໃນວັນທີ 12 ສິງຫາ, ທີ່ສຳນັກງານປະທານປະເທດ, ທ່ານນາງ ດັ້ງທິຫງອັກທິ້ງ ຮອງປະທານປະເທດຫວຽດນາມໄດ້ໃຫ້ການຕ້ອນຮັບຄະນະຜູ້ແທນປະຊາຊົນອິນເດຍນຳໂດຍທ່ານ PallabSengupta, ເລຂາທິການໃຫ່ຍອົງການຈັດຕັ້ງສັນຕິພາບແລະສາມັກຄີອິນເດຍເດີນທາງມາຢ້ຽມຢາມຫວຽດນາມແລະເຂົ້າຮ່ວມງານມະໂຫລານມິດຕະພາບລະຫວ່າງປະຊາຊົນຫວຽດນາມ-ອິນເດຍຄັ້ງທີ 10.

ໃນພິທີຕ້ອນຮັບ, ທ່ານນາງຮອງປະທານປະເທດຫວຽດນາມໄດ້ ຢັ້ງຢືນວ່າ ອິນເດຍປັດຈຸບັນແມ່ນໜຶ່ງໃນ 10ປະເທດຄູ່ຮ່ວມມືດ້ານການຄ້າໃຫ່ຍທີ່ສຸດຂອງຫວຽດນາມ. ຫວຽດນາມກໍ່ແມ່ນຄູ່ຮ່ວມມືບູລິມະສິດແຖວໜ້າໃນນະໂຍບາຍທາງທິດຕາເວັນອອກຂອງອິນເດຍ. 

ທ່ານນາງດັ້ງທິຫງອັກທິ້ງຮອງປະທານປະເທດຫວຽດນາມ ແລະ ທ່ານ PallabSengupta, ເລຂາທິການໃຫ່ຍອົງການຈັດຕັ້ງສັນຕິພາບແລະສາມັກຄີອິນເດຍ. (ພາບ: thoidai.com.vn) 

ທ່ານນາງຮອງປະທານປະເທດຫວຽດນາມຖືວ່າໃນເວລາທີ່ຜ່ານມາ, ສອງຝ່າຍກໍ່ໄດ້ມີບາດກ້າວເດີນທີ່ແທດຈິງໂດຍແນໃສ່ເພີ່ມທະວີການພົວພັນຮ່ວມມືດັ່ງກ່າວ ບົນພື້ນຖານທີ່ເຂັ້ມແຂງກໍ່ຄືສະໜັບສະໜູນເຊິ່ງກັນແລະກັນ ທາງດ້ານການເມືອງເພື່ອເປີດກ້ວາງການຮ່ວມໃນຫຼາຍຂົງເຂດໂດຍໄວ.

ທ່ານ PallabSengupta ກໍ່ໄດ້ຢັ້ງຢືນວ່າອິນເດຍຍາມໃດກໍ່ຖືເປັນສຳຄັນການພົວພັນຕໍ່ກັບຫວຽດນາມ ແລະ ມີຄວາມປາດຖະໜາວ່າໃນໄລຍະຈະມາເຖິງ, ຫວຽດນາມ-ອິນເດຍ ຈະສືບຕໍ່ຊຸກຍູ້ບັນດາກິດຈະກຳພົວພັນແລກປ່ຽນປະຊາຊົນໂດຍແນໃສ່ການເພີ່ມທະວີນ້ຳໃຈສາມັກຄີ, ຄວາມສະເໝີພາບ, ຄວາມຍຸດຕິທຳ, ປະກອບສ່ວນສ້າງຄວາມສະດວກໃນການພັດທະນາດ້ານວັດທະນະທຳ-ສັງຄົມ, ການພົວພັນແລກປ່ຽນຂອງປະຊາຊົນຂອງແຕ່ລະປະເທດ.

;

同类别新闻