ລັດຖະບານໄດ້ເປີດກອງປະຊຸມສາມັນປະຈຳເດືອນ 4/2018

14:54 2018/05/03

ຍ​ສ​ໝ - ຕອນເຊົ້າຂອງວັນທີ(2/5) ພາຍໃຕ້ການເປັນປະທານຂອງນາຍຍົກລັດຖະມົນຕີ ຫງວຽນຊົນຟຸກ, ລັດຖະບານໄດ້ດຳເນີນວາລະກອງປະຊຸມປະຈຳເດືອນ 4/2018 ພາຍໃນເດືອນໄດ້ມີຕົວເລກທີ່ໜ້າພໍໃຈ.

ລັດຖະບານໄດ້ເປີດກອງປະຊຸມສາມັນປະຈຳເດືອນ 4/2018
​ກອງ​ປະ​ຊ​ຸມ​ຂອງ​ລັດ​ຖະ​ບານ ປະ​ຈຳ​ເດືອນ 4/2018. (ພາບ: VGP)

ທີ່​ກອງ​ປະ​ຊຸມ​ດັ່ງ​ກ່າວ​ນີ້ ລັ​ດ​ຖະ​ບານ​ຈະ​ຕີ​ລາ​ຄາ​ສະ​ພາບ​ການ ເສດ​ຖະ​ກິດ​-ສັງ​ຄົມ ເດືອນ 4 ແລ​ະ 4ເດືອນ ຕົ້ນປີ 2018, ການ​ດຳ​ເນີນ​ການ​ກະ​ກຽມ​ເພື່ອ​ຮັບ​ໃຊ້​ກອງ​ປະ​ຊຸມສະ​ພາ​ ຄັ້ງ​ທີ 5​​ ຊຸດ​ທີ XIV, ກວດ​ກາ​ສະ​ພາບ​ການ​ຈັດ​ຕັ້ງ​ປະ​ຕິ​ບັດ ໂຄງ​ການ​ສ້າງ​ກົດ​ໝ​າຍ, ດຳ​ລັດ ປີ 2018 ແລະ ສະ​ພາບ​ການ​ອອກ​​ເອກ​ກະ​ສານລະ​ບຽບ,​ ​ລາຍ​ລະ​ອຽດ​ຂອງ​ການ​ຈັດ​ຕັ້ງ​ປະ​ຕິ​ບັດ​ກົດ​ລະ​ບຽບ​ໝາຍ, ດຳ​ລັດ 4ເດືອນ​ຕົ້ນ​ປີ 2018 ແລະ ເນື້ອ​ໃນ​ອື່ນໆ.

ຕາມ​ບົດ​ລາຍ​ງານ​ຂອງ​ ກະ​ຊວງ​ແຜນ​ການ ແລະ ການລົງທືນ, ເສດ​ຖ​ະ​ກິດ​ມະ​ຫາ​ພາກ​ຍັງ​ມີ​ສະ​ຖ​ຽນ​ລະ​ພາບ, ​ສາ​ມາດ​ຄວບ​ຄຸມ​ອັດ​ຕາ​ເງິນ​ເຟີ້, ດັດ​ສະ​ນີ​ການ​ຊົມ​ໃຊ້ ໃນ​ເດືອນ 4 ເພີ່ມ​ຂື້ນ 0,08 % ທຽບ​ໃສ່​ເດືອນ​ທີ່​ຜ່ານ​ມາ, ສະ​ເລ່ຍ 4 ເດືອນ ເພີ່ມ​ຂື້ນ 2,80% ຖ້າ​ທຽບ​ໃສ່ງ​ວດ​ກ່ອນ.

ດັນ​ສະ​ນີ​ການ​ຜະ​ລິດ​ອຸດ​ສາ​ຫະ​ກຳ (IIP) ເພີ່ມ​ຂື້ນ 9,4% ເພີ່ມ​ຂື້​ນ​ຫຼາຍ​ຖ້າ​ທຽບ​ໃສ່​ ງວດ​ຂອງປີ​ກ່ອນ, ໃນ​ນັ້ນ​ຂະ​ແໜງ​ປຸງ​ແຕ່ງເພີ່ມ​ຂື້​ນ 12,3%. ກາ​ນ​ຈຳ​ໜ່າຍ​ສິນ​ຄ້າ​ຂາຍຍ່ອຍ ແລະ ລາຍ​ຮັບ​​ຈາກການ​ບໍ​ລິ​ການ​ການ​ຊົມ​ໃຊ້ ເພີ່ມ​ຂື້ນ 9,8%, ຖ້າ​ບໍ່​ໄລ່​ປັດ​ໃຈ​ກ່ຽວ​ກັບ​ລາ​ຄາ​ແມ່ນ​ເພີ່ມ​ຂື້ນ 8,5%(ງວດ​ກ່ອນ​ແມ່ນ 7,0%).

ການ​ສົ່ງ​ອອກ​ສິນ​ຄ້​າ​ສືບ​ຕໍ່ໍ່​ຂະ​ຫຍາຍ​ຕົວ, ລວມ​ການ​ນຳ​ເຂົ້າ​ສົ່ງ​ອອກ 4 ເດືອນ ບັນ​ລຸ 73,76 ຕື້ USD , ເພີ່ມຂື້ນ 19%. ກົນ​ໄກ​ການ​ຫັນ​ປ່ຽນ​ດ້ານ​ເສດ​ຖະ​ກິດ​ມີ​ທ່າ​ອ່ຽງ​ຢ່າງ​ຕັ້ງ​ໜ້າ ໃນ​ນັ້ນ​ກຸ່ມ​ສິນ​ຄ້າ​ອຸດ​ສ​າ​ຫະ​ກຳ​ປຸງ​ແຕ່ງ​ເພີ່ມ​ຂື້ນ 26,3% ກວມ 83,3%.  ການ​ນຳ​ເຂົ້າລວມເພີ່ມ​ຂື້ນ ​ 10,1%, ຕົ້ນ​ຕໍ​ແມ່ນ​ນຳ​ເຂົ້າວັດ​ຖຸ​ດີບ, ກົນ​ຈັກ​ຮັບ​ໃຊ້​ໃນ​ການ​ຜະ​ລິດ ແລະ ສົ່ງ​ອອກ. ການ​ສົ່ງ​ອອກ ບັນ​ລຸ​ໄດ້ 3,39 ຕື້ USD, ປະ​ກອບ​ສ່ວນ​ສຳ​ຄັນ​ເຂົ້າ​ໃນ​ການ​ປັບ​ປຸງ​ດຸນ​ການ​ຄ້າ​ຕ່າງ​ປະ​ເທດ.

ແຂກ​ຕ່າງ​ປະ​ເທດ​ມາ​ທ່ຽວ​ຫວຽດ​ນາມ​ສືບ​ຕໍ່​ເພີ່ມ​ຂື້ນ ມີ​ເຖິງ 5,5 ລ້ານ​ເທື່ອ​ຄົນ, ເພີ່ມ​ຂື້ນ29%. ທົ່ວ​ປະ​ເທດ​ມີ​ຫຼາຍ​ກວ່າ 41 ພັນຫົວ​ໜ່ວຍ​ທຸ​ລະ​ກິດ ທີ່ລົງ​ທະ​ບຽນ​ສ້າງ​ຕັ້ງ​ໃໝ່, ເພີ່ມຂື້ນ  4,3% ໃນ​ດ້ານ​ຈຳ​ນວນ​ຕົວ​ເລກ​ຫົວ​ໜ່ວຍ​ທຸ​ລະ​ກິດ ແລະ ເພີ່ມ​ຂື້ນ 11,5% ​ດ້ານທືນ​ຈົດ​ທະ​ບຽນ ທຽບ​ໃສ 4ເດືອນ​ຂອງ​ປີ​ກ່ອນ.


 

(​ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll