ພາລະກໍາສັນຕິພາບໄດ້ຢ້ັງຢືນຖານະບົດບາດ, ຄວາມມຸ່ງມາດປາດຖະໜາຂອງຫວຽດນາມ

19:19 2018/09/30

ວັນທີ 1 ຕຸລາ 2018 ຈະດໍາເນີນພິທີອອກເດີນທາງໃຫ້ໂຮງໝໍສະໜາມຂັ້ນ 2 ເລກທີ 1 ໄປຮັບໜ້າທີ່ຢູ່ຄະນະປະຕິບັດງານຮັກສາສັນຕິພາບ ສະຫະປະຊາຂາດ (ສປຊ) ຢູ່ຊູດັງໃຕ້.

ພາລະກໍາສັນຕິພາບໄດ້ຢ້ັງຢືນຖານະບົດບາດ, ຄວາມມຸ່ງມາດປາດຖະໜາຂອງຫວຽດນາມ
ເຫດການນີ້ມີຄວາມໝາຍພິເສດເມື່ອເປັນຄັ້ງທໍາອິດທີ່ຫວຽດນາມ ຈັດສົ່ງກົມກອງກອງທັບໜຶ່ງປະຕິບັດພັນທະສາກົນອັນສູງສົ່ງ, ປະຕິບັດພາລະກໍາສັນຕິພາບ. ທ່ານພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດ, ຫົວໜ້າຄະນະຊີ້ນໍາກະຊວງປ້ອງກັນປະເທດຫວຽດນາມ ກ່ຽວກັບເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ໄດ້ຕອບສໍາພາດຕໍ່ໜັງສືພິມກອງທັບປະຊາຊົນຫວຽດນາມ ກ່ຽວກັບເຫດການນີ້.
ທ່ານພົນໂທ ຫງວຽນຈີ໋ວີ້ງ. (ພາບ: ຈູງຈຶກ)

ນັກຂ່າວ: ຂໍຮຽນທ່ານຮອງລັດຖະມົນຕີ, ພິທີອອກເດີນທາງໃກ້ຈະດໍາເນີນແລ້ວ, ດ້ວຍບົດບາດເປັນຫົວໜ້າຄະນະຊີ້ນໍາ, ທ່ານຕີລາຄາຄືແນວໃດກ່ຽວກັບການເຄື່ອນໄຫວກະກຽມກໍາລັງໂຮງໝໍສະໜາມ ຂອງຫວຽດນາມ?

ທ່ານພົນໂທ ຫງວຽນຈີ໋ວີ້ງ: ນີ້ແມ່ນໜ້າທີ່ມີຄວາມໝາຍພິເສດເຊິ່ງພັກ, ລັດໄດ້ມອບໝາຍໃຫ້ກະຊວງປ້ອງກັນປະເທດ. ການກະກຽມ, ຜັນຂະຫຍາຍມີການສົມທົບກັນລະຫວ່າງຂະແໜງການ, ລະຫວ່າງບັນດາປະເທດ, ຮຽກຮ້ອງໃຫ້ມີການກະກຽມຢ່າງຮອບຄອບຖິ່ຖ້ວນ, ແໜ້ນແຟ້ນ. ຄຽງຂ້າງການຝຶກແອບ, ບໍາລຸງສ້າງດ້ານວິຊາສະເພາະ, ກໍາລັງເສນາຮັກຍັງຕ້ອງຮຽນຫຼາຍຢ່າງເພື່ອຮັບປະກັນກຽມພ້ອມ ແລະປະຕິບັດໜ້າທີ່ຢູ່ບໍລິເວນຂອງຄະນະປະຕິບັດງານເປັນຢ່າງດີ. ມາຮອດປັດຈຸບັນ, ພວກເຮົາໄດ້ສໍາເລັດ, ພ້ອມແລ້ວທີ່ຈະປະຕິບັດໜ້າທີ່ສາກົນອັນສູງສົ່ງ.

ນັກຂ່າວ: ນີ້ແມ່ນເທື່ອທໍາອິດທີ່ ຫວຽດນາມ ອອກເດີນທາງໄປປະຕິບັດໜ້າທີ່ຮັກສາສັນຕິພາບ ສປຊ, ທ່ານຕີລາຄາຄືແນວໃດກ່ຽວກັບເຫດການນີ້?

ທ່ານພົນໂທ ຫງວຽນຈີ໋ວີ້ງ: ໃນວິວັດແຫ່ງການກະກຽມ, ຫວຽດນາມ ໄດ້ຈັດສົ່ງນາຍທະຫານ 27 ເທື່ອຄົນເຂົ້າຮ່ວມດຳລົງຕຳແໜ່ງຕ່າງໆໃນກໍາລັງຮັກສາສັນຕິພາບ ສປຊ. ໃນຄັ້ງນີ້, ມີກຳລັງທະຫານບັນຈຸທີ່ສົມບູນ, ມີກໍາລັງຄວາມສາມາດຢ່າງຄົບຖ້ວນສະແດງໃຫ້ເຫັນບາດກ້າວພັດທະນາໃຫຍ່ທີ່ສຸດຂອງຫວຽດນາມ ໃນການເຂົ້າຮ່ວມກໍາລັງຮັກສາສັນຕິພາບ ສປຊ. ຂ້າພະເຈົ້າ ເຊື່ອໝັ້ນວ່າພວກເຮົາຈະບັບລຸຜົນສໍາເລັດ, ປະກອບສ່ວນໃຫ້ສັນຕິພາບ, ສະຖຽນລະພາບຂອງໂລກ. ນີ້ກໍ່ແມ່ນກາລະໂອກາດເພື່ອໃຫ້ພວກເຮົາຢັ້ງຢືນການປະກອບສ່ວນເພື່ອສັນຕິພາບຂອງໂລກ.

ຄະນະຊີ້ນໍາກະຊວງປ້ອງກັນປະເທດ ກ່ຽວກັບເລື່່ອງເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ກວດກາໂຮງໝໍສະໜາມຂັ້ນ 2 ເລກ 1. (ພາບ: ບ໊າວມິງ)

ນັກຂ່າວ: ທ່ານຮອງລັດຖະມົນຕີ ຄິດແນວໃດກ່ຽວກັບບົດບາດແມ່ນນັກການທູດຂອງພະນັກງານ, ນາຍທະຫານກອງທັບປະຊາຊົນຫວຽດນາມ ແຕ່ລະຄົນເມື່ອເຂົ້າຮ່ວມການຮັກສາສັນຕິພາບ ສປຊ?

ທ່ານພົນໂທ ຫງວຽນຈີ໋ວີ້ງ:  ພະນັກງານ, ແພດໝໍແຕ່ລະຄົນບໍ່ພຽງແຕ່ແມ່ນນັກການທູດຂອງສັນຕິພາບ, ນັກການທູດວັດທະນະທໍາເທົ່ານັ້ນ ຫາກຍັງແມ່ນນັກການທູດຂອງກໍາລັງແຮງດ້ານການທະຫານຂອງພວກເຮົາອີກດ້ວຍ. ພະນັກງານ, ນາຍທະຫານແຕ່ລະຄົນຍັງຕ້ອງຮຽນຫຼາຍສິ່ງຫຼາຍຢ່າງ, ບໍ່ພຽງແຕ່ຮຽນດ້ານວິຊາສະເພາະເທົ່ານັ້ນ, ຫາກຍັງຕ້ອງຮູ້ພາສາຕ່າງປະເທດ, ກົດໝາຍສາກົນ... ຜູ້ຕາງໜ້າແມ່ນຄືແນວນັ້ນ, ທັງສະແດງລັກສະນະຕົວແທນຂອງກອງທັບປະຊາຊົນຫວຽດນາມ ທີ່ເຄື່ອນໄຫວຢູ່ສະພາບແວດລ້ອມສາກົນ, ທັງນໍາເອົາສານສັນຕິພາບຂອງຫວຽດນາມເຖິງເພື່ອນມິດສາກົນ.

ນັກຂ່າວ: ຂໍທ່ານຮອງລັດຖະມົນຕີ ໃຫ້ຮູ້ສະພາບການໃນປັດຈຸບັນຢູ່ຄະນະປະຕິບັດງານຂອງ ສປຊ ເຊິ່ງກໍາລັງຮັກສາສັນຕິພາບຈະມີໜ້າໃນສອງສາມວັນຈະມາເຖິງ?

ທ່ານພົນໂທ ຫງວຽນຈີ໋ວີ້ງ:  ຊູດັງໃຕ້ ແລະຫຼາຍປະເທດຢູ່ອາຟຣີກາ ຍັງປະສົບກັບຄວາມອຶດຫິວ, ທຸກຍາກ, ຂາດການຄວບຄຸມຂອງອໍານາດການປົກຄອງ ແລະມີການປະທະກັນລະຫວ່າງຝ່າຍຕ່າງໆພາຍໃນປະເທດ. ໜ້າທີ່ຂອງ ສປຊ ແມ່ນຈັດສົ່ງກໍາລັງມາແຫ່ງນີ້ເພື່ອສະກັດກັ້ນ, ບໍ່ໃຫ້ເກີດສົງຄາມຂຶ້ນຄືນໃໝ່, ຮັບປະກັນສັນຕິພາບ ແລະໄກ່ເກ່ຍ, ຊ່ວຍຟື້ນຟູ. ພວກເຮົາເຂົ້າຮ່ວມບົນພື້ນຖານແຜນນະໂຍບາຍ, ແນວທາງພົວພັນຕ່າງປະເທດຂອງພັກ, ລັດ, ປົກປັກຮັກສາສັນຕິພາບ. ພວກເຮົາບໍ່ເຂົ້າຮ່ວມການປະທະກັນດ້ານການທະຫານ, ລະບົບຄຸ້ມຄອງພົນລະເມືອງ..., ພວກເຮົາພຽງແຕ່ສຸມໃສ່ໜ້າທີ່ມະນຸດສະທໍາ, ໄກ່ເກ່ຍເທົ່ານັ້ນ.

ບັນດານັກຊ່ຽວຊານຮັກສາສັນຕິພາບສາກົນ ເຂົ້າຮ່ວມການເຄື່ອນໄຫວຝຶກແອບຂອງໂຮງໝໍສະໜາມຂັ້ນ 2 ເລກ 1. (ພາບ: ບ໊າວມິງ)

ນັກຂ່າວ: ຄວາມໝັ້ນຄົງທົ່ວໂລກ ແລະການປະທະກັນເກີດຂຶ້ນຢູ່ຫຼາຍແຫ່ງໃນໂລກ ເຊິ່ງຮຽກຮ້ອງໃຫ້ມີການເຂົ້າຮ່ວມຂອງກໍາລັງຮັກສາສັນຕິພາບ ສປຊ. ໃນໄລຍະຈະມາເຖິງ, ພວກເຮົາຈະເປີດກວ້າງເນື້ອໃນເຂົ້າຮ່ວມກໍາລັງຮັກສາສັນຕິພາບ ສປຊ ຫຼືບໍ, ຂໍຮຽນທ່ານ?

ທ່ານພົນໂທ ຫງວຽນຈີ໋ວີ້ງ:  ກ່ຽວກັບທິດທາງໃນໄລຍະຈະມາເຖິງ, ພາຍຫຼັງພິທີອອກເດີນທາງ, ໂຮງໝໍສະໜາມຂັ້ນ 2 ເລກ 2 ຈະຮັບການສ້າງຕັ້ງ, ຜັນຂະຫຍາຍການກະກຽມຢ່າງເປັນທາງການ ເພື່ອພາຍຫຼັງ 1 ປີ ສາມາດປ່ຽນແທນໂຮງໝໍສະໜາມຂັ້ນ 2 ເລກ 1 ຢູ່ບໍລິເວນຂອງຄະນະປະຕິບັດງານໄດ້. ສ່ວນໂຮງໝໍສະໜາມຂັ້ນ 2 ເລກ 1 ເມື່ອກັບຄືນປະເທດຈະກາຍເປັນກໍາລັງເຄື່ອນທີ່ກູ້ໄພກູ້ຊີບໃນສະໄໝສັນຕິພາບ. ນອກນັ້ນພວກເຮົາຍັງສືບຕໍ່ກະກຽມກໍາລັງຊ່າງແສງເພື່ອຄາດຄະເນວ່າໃນທ້າຍປີ 2019, ພວກເຮົາຈະຕັ້ງບັນຫາອອກເດີນທາງອີກ ກໍ່ຄືສົ່ງເສີມການກໍ່ສ້າງສູນຮັກສາສັນຕິພາບຫວຽດນາມ.

ນັກຂ່າວ: ກ່ອນທີ່ບັນດານາຍທະຫານຂອງຫວຽດນາມອອກເດີນທາງ, ທ່ານມີຄໍາຕັກເຕືອນບອກສອນ ແລະຝາກຝັງໃຫ້ເຂົາເຈົ້າຫຍັງບໍ?

ທ່ານພົນໂທ ຫງວຽນຈີ໋ວີ້ງ:  ກ່ອນທີ່ບັນດາສະຫາຍຈະອອກເດີນທາງ, ຂ້າພະເຈົ້າ ໄດ້ຮຽກຮ້ອງ, ຕັກເຕືອນວ່າການນໍາ, ໝູ່ຄະນະໂຮງໝໍສະໜາມຂັ້ນ 2 ເລກ 1 ຕ້ອງປະຕິບັດ, ຮັກສາບັນດາຂໍ້ກໍານົດ, ລະບຽບວິໄນຂອງກອງທັບຢ່າງເຂັ້ມງວດ; ປະຕິບັດລະບຽບວິໄນເປັນເສນາທິການ, ບັນຊາການ, ລະບອບລາຍງານຢ່າງຖືກຕ້ອງ; ມານະພະຍາຍາມຝຶກຝົນຫຼໍ່ຫຼອມ, ຮໍ່າຮຽນ, ແກ້ໄຂຄວາມຫຍຸ້ງຍາກ, ສິ່ງທ້າທາຍຢູ່ບໍລິເວນໃໝ່, ສະພາບການ ແລະຄວາມຮຽກຮ້ອງຕ້ອງການໃໝ່.

ນັກຂ່າວ: ຂໍຂອບໃຈທ່ານ!

(ແຫຼ່ງ​ຂໍ້​ມູນ​: ກປ.ອອນໄລ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll