ປະທານສະພາແຫ່ງຊາດຫວຽດນາມ ເດີນທາງໄປຢ້ຽມຢາມ ຈີນ ຢ່າງເປັນທາງການ

22:28 2019/07/08

ຍສໝ - ໃນຕອນເຊົ້າຂອງວັນທີ 08 ກໍລະກົດ 2019, ທ່ານນາງປະທານສະພາແຫ່ງຊາດຫວຽດນາມ ຫງວຽນ ທິ້ ກິມ ເງິນ ໄດ້ນໍາໜ້າຄະນະຜູ້ແທນຂັ້ນສູງສະພາແຫ່ງຊາດຫວຽດນາມ ເດີນທາງໄປຢ້ຽມຢາມ ສາທາລະນະລັດ ປະຊາຊົນ ຈີນ ໃນລະຫວ່າງວັນທີ 08 - 12 ກໍລະກົດ 2019.

ປະທານສະພາແຫ່ງຊາດຫວຽດນາມ ເດີນທາງໄປຢ້ຽມຢາມ ຈີນ ຢ່າງເປັນທາງການ
ທ່ານນາງປະທານສະພາແຫ່ງຊາດຫວຽດນາມ ຫງວຽນ ທິ້ ກິມ ເງິນ.(ພາບ:TTXVN) 

ການຢ້ຽມຢາມຄັ້ງນີ້ ແມ່ນເພື່ອແນໃສ່ປະຕິບັດຂໍ້ຕົກລົງວ່່າດ້ວຍການຮ່ວມມືລະຫວ່າງສະພາແຫ່ງຊາດຫວຽດນາມ ແລະ ສະພາຜູ້ແທນປະຊາຊົນແຫ່ງຊາດ ຈີນ, ເອກະສານສະບັບຕ່າງໆ, ລາຍການ, ໂຄງການຮ່ວມມື ທີ່ສອງຝ່າຍໄດ້ລົງນາມກັນໃຫ້ມີປະສິດທິຜົນ. ນອກຈາກນັ້ນ, ທ່ານນາງ ຫງວຽນ ທິ້ ກິມ ເງິນ ຍັງແລກປ່ຽນກັບການນໍາຂັ້ນສູງ ຈີນ ກ່ຽວກັບບັນດາມາດຕະການເພື່ອແນໃສ່່ເພີ່ມທະວີການຮ່ວມມືຮອບດ້ານລະຫວ່າງສອງປະເທດໃນບັນດາຂົງເຂດລະອຽດ ແລະ ທິດທາງການຮ່ວມມືລະຫວ່່າງສະພາແຫ່ງຊາດສອງປະເທດໃນໄລຍະຈະມາເຖິງ. ນີ້ແມ່ນການຢ້ຽມຢາມປະເທດຈີນ ຄັ້ງທໍາອິດຂອງການນໍາພັກ, ລັດ ຫວຽດນາມ ນັບແຕ່ພາຍຫຼັງກອງປະຊຸມໃຫຍ່ຄັ້ງທີ 19 ຂອງພັກກອມມູນິດ ຈີນ, ພ້ອມທັງແມ່ນການຢ້ຽມຢາມ ຈີນ ຄັ້ງທໍາອິດຂອງທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ດ້ວຍຖານະເປັນຜູ້ນໍາອົງການນິຕິບັນຍັດຂອງຫວຽດນາມ.

ໄຊພອນ
;

同类别新闻