ປະທານສະພາແຫ່ງຊາດຫວຽດນາມ ພົບປະກັບນາຍົກລັດຖະມົນຕີ ສ.ອາກເມນີ

16:17 2019/07/08

ຍສໝ - ໃນຕອນເຊົ້າຂອງວັນທີ 6 ກໍລະກົດ 2019, ທີ່ຫໍສະພາແຫ່ງຊາດ, ທ່ານນາງ ຫງວຽນ ທິ້ ກິມ ເງິນ ປະທານສະພາແຫ່ງຊາດຫວຽດນາມ ໄດ້ມີການພົບປະກັບທ່ານ Nikol Pashinyan, ນາຍົກລັດຖະມົນຕີ ສ.ອາກເມນີ, ເນື່ອງໃນໂອກາດມາຢ້ຽ ມຢາມຫວຽດນາມ ຢ່າງເປັນທາງການ.

ທ່ານນາງ ຫງວຽນ ທິ້ ກິມ ເງິນ  ແລະ ທ່ານ Nikol Pashinyan. (ພາບ: qdnd)

ທີ່ການພົບປະ, ທ່ານນາງ ຫງວຽນ ທິ້ ກິມ ເງິນ ແລະ ທ່ານ Nikol Pashinyan ເຫັນດີເປັນເອກະພາບວ່າ, ສອງປະເທດມີການພົວພັນມິດຕະພາບທີ່ເປັນມູນເຊື້ອອັນດີງາມ, ຍາມໃດກໍ່ສະໜັບສະໜູນກັນທີ່ບັນດາເວທີປາໄສສາກົນ ກໍ່ຄືຢູ່ສະຫະປະຊາຊາດ.

ທ່ານ Nikol Pashinyan ສະແດງຄວາມປະທັບໃຈຕໍ່ບັນດາຜົນງານການພັດທະນາເສດຖະກິດຂອງຫວຽດນາມ ກໍ່ຄືອິດທິພົນຊື່ສຽງທີ່ນັບມື້ນັບສູງຂອງຫວຽດນາມ ໃນເວທີສາກົນ, ທ່ານຫວັງວ່າ ຫວຽດນາມຈະສືບຕໍ່ສະໜັບສະໜູນ ອາກເມນີ ທີ່ບັນດາເວທີປາໄສສາກົນ. ພ້ອມທັງຢືນຢັນວ່າ: ການຢ້ຽມຢາມຫວຽດນາມໃນຄັ້ງນີ້ ຂອງຄະນະຜູ້ແທນຂັ້ນສູງອາກເມນີ ກໍ່ແມ່ນໂອກາດເພື່ອເພີ່ມທະວີການພົວພັນລັດຖະສະພາລະຫວ່າງສອງປະເທດ. 

ນອກຈາກນັ້ນ, ທ່ານ Nikol Pashinyan ກໍ່ໄດ້ເຊື່ອໝັ້ນວ່າ: ເລື່ອງສະພາແຫ່ງຊາດສອງປະເທດເພີ່ມທະວີການພົວພັນຈະສ້າງຜົນປະໂຫຍດໃຫ້ທັງສອງຝ່າຍໃນວິວັດທະນາການຮ່ວມມືສອງຝ່າຍ ກໍ່ຄືໃນບັນດາເວທີປາໄສລັດຖະສະພາສາກົນ.

ສ່ວນ ທ່ານນາງ ຫງວຽນ ທິ້ ກິມ ເງິນ ຢືນຢັນວ່າ: ສະພາແຫ່ງຊາດຫວຽດນາມ ຈະເພີ່ມທະວີການຮ່ວມມືກັບສະພາແຫ່ງຊາດອາກເມນີ ທີ່ບັນດາເວທີປາໄສພາກພື້ນ, ຫຼາຍຝ່າຍ ແລະ ຢູ່ສະຫະພັນລັດຖະສະພາສາກົນ (IPU), ແລກປ່ຽນທັດສະນະ, ທາບທາມຄໍາເຫັນເຊິ່ງກັນ ແລະ ກັນກ່ຽວກັບບັນດາບັນຫາສອງຝ່າຍເຊິ່ງຕ່າງຝ່າຍຕ່າງມີຄວາມສົນໃຈ ແລະ ເໝາະສົມກັບຜົນປະໂຫຍດຂອງແຕ່ລະປະເທດ.

ຄຳຮຸ່ງ
;

同类别新闻