ປະທານສະພາແຫ່ງຊາດຫວຽດນາມ ຕ້ອນຮັບ ຮອງປະທານສະພາຕໍ່າ ສ.ເຊັກ

14:04 2019/06/12

ຍສໝ - ໃນຕອນບ່າຍຂອງວັນທີ 10 ມິຖຸນາ 2019, ຢູ່ຫໍສະພາແຫ່ງຊາດ, ທ່ານນາງ ຫງວຽນ ທິ້ ກິມ ເງິນ, ປະທານສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບທ່ານ Vojtech Filip, ຮອງປະທານສະພາຕໍ່າ ສ.ເຊັກ, ປະທານພັກກອມມູນິດ Czech-Morava ທີ່ ພວມມີການຢ້ຽມຢາມ ແລະ ເຮັດວຽກ ຢູ່ ຫວຽດນາມ.

ປະທານສະພາແຫ່ງຊາດຫວຽດນາມ ຕ້ອນຮັບ ຮອງປະທານສະພາຕໍ່າ ສ.ເຊັກ
ທ່ານນາງ ຫງວຽນ ທິ້ ກິມ ເງິນ ປະທານສະພາແຫ່ງຊາດຫວຽດນາມ ແລະ ທ່ານ Vojtech Filip ຮອງປະທານສະພາຕໍ່າ ສ.ເຊັກ.(ພາບ:nhandan.com.vn)

ທີ່ການຕ້ອນຮັບ, ທ່ານນາງ ຫງວຽນ ທິ້ ກິມ ເງິນ ໄດ້ຊົມເຊີຍເລື່ອງ ສ.ເຊັກ ໄດ້ຕໍ່ຄືນການອອກວີຊາໄລຍະຍາວດ້ວຍເປົ້າໝາຍດໍາເນີນທຸລະກິດ ແລະ ການອອກແຮງງານ ໃຫ້ແກ່ພົນລະເມືອງ ຫວຽດນາມ ແຕ່ເດືອນມິຖຸນາ 2019 ຢ່າງເປັນທາງການ; ພ້ອມທັງປາດຖະໜາຢາກໃຫ້ສອງຝ່າຍດໍາເນີນການເຈລະຈາ, ລົງນາມໃນຂໍ້ຕົກລົງ, ສັນຍາສະບັບຕ່າງໆໂດຍໄວເພື່ອແນໃສ່ເພີ່ມທະວີຄຸນນະພາບການຮ່ວມມືສ່ົງອອກແຮງງານ, ສ້າງພື້ນຖານດ້ານນິຕິກໍາຍາວນານ ແລະ ເປັນປົກກະຕິໃຫ້ແກ່ຂົງເຂດນີ້, ພິເສດແມ່ນສໍາລັບນາງພະຍາບານ, ແພດໝໍຫວຽດນາມ ໄປເຮັດວຽກຢູ່ ສ.ເຊັກ ຕາມລາຍການເຮັດວຽກໄລຍະຍາວ.

ທີ່ການຕ້ອນຮັບ, ທ່ານ Vojtech Filip ໄດ້ໃຫ້ຮູ້ວ່າ: ສ.ເຊັກ ຍາມໃດກໍ່ເຊື່ອໝັ້ນຕໍ່ການສະໜັບສະໜູນຂອງຫວຽດນາມ ທີ່ບັນດາເວທີປາໄສສາກົນ ແລະ ພາກພື້ນອາຊີຕາເວັນອອກສ່ຽງໃຕ້; ສະໜັບສະໜູນຫວຽດນາມ ບໍ່ພຽງແຕ່ໃນຂອບເຂດເປັນສະມາຊິກ ອີຢູ ເທົ່ານັ້ນ, ຫາກຍັງຢູ່ບັນດາເວທີປາໄສສາກົນອີກດ້ວຍ, ໃນນັ້ນມີສະຫະປະຊາຊາດ; ພ້ອມທັງປາດຖະໜາຢາກເປີດສາຍການບິນໂດຍກົງ ຮ່າໂນ້ຍ -  Praha; ເພີ່ມທະວີການຮ່ວມມືດ້ານການທ່ອງທ່ຽວ, ສິ່ງແວດລ້ອມ, ການຜະລິດລົດໂອໂຕ, ການແພດ ແລະ ການຮັບປະກັນຊີວິດສັງຄົມ. 

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll