ປັບປຸງ, ເພີ່ມທະວີອິດທິພົນຊື່ສຽງ, ຖານະບົດບາດ, ທີ່ຕັ້ງຂອງຫວຽດນາມ ໃນເວທີສາກົນ

10:20 2019/11/08

ຍສໝ - ໃນວັນທີ 06 ພະຈິກ 2019, ຢູ່ຮ່າໂນ້ຍ, ທ່ານຫົວໜ້າຄະນະໂຄສະນາສຶກສາສູນກາງພັກກອມມູນິດ ຫວຽດນາມ ທ່ານ ຫວໍ ວັນ ເຖື໋ອງ, ຫົວໜ້າຄະນະຊີ້ນໍາວຽກງານຖະແຫຼງຂ່າວການຕ່າງປະເທດ ໄດ້ມີການພົບປະກັບທ່ານຫົວໜ້າອົງການຜູ້ຕາງໜ້າຫວຽດນາມ ປະຈໍາ ຢູ່ຕ່າງປະເທດ, ອາຍຸການ 2019 – 2022.

ປັບປຸງ, ເພີ່ມທະວີອິດທິພົນຊື່ສຽງ, ຖານະບົດບາດ, ທີ່ຕັ້ງຂອງຫວຽດນາມ ໃນເວທີສາກົນ
ບັນດາຜູ້ແທນຖ່າຍຮູບເປັນທີ່່ລະນຶກ.(ພາບ: tuyengiao.vn)

ທ່ານ ຫວໍວັນເຖືອງ ເນັ້ນໜັກວ່າ, ໃນປີ 2019, ເຖິງວ່າຕ້ອງປະເຊີນໜ້າຕໍ່ຄວາມຫຍຸ້ງຍາກ, ສິ່ງທ້າທາຍຫຼາຍຢ່າງກໍ່ຕາມ, ແຕ່ບັນດາຄວາມມານະພະຍາຍາມ, ຜົນງານທີ່ບັນລຸໄດ້ໃນຂົງເຂດການພົວພັນຕ່າງປະເທດເວົ້າລວມ, ວຽກງານຖະແຫຼງຂ່າວການຕ່າງປະເທດເວົ້າສະເພາະໄດ້ປະກອບສ່ວນສໍາຄັນເຂົ້າໃນການຮັກສາຄວາມໝັ້ນຄົງດ້ານການເມືອງ, ສັງຄົມ, ການປ້ອງກັນຊາດ-ປ້ອງກັນຄວາມສະຫງົບພາຍໃນປະເທດ; ປັບປຸງ, ເພີ່ມທະວີອິດທິພົນຊື່ສຽງ, ຖານະບົດບາດ, ທີ່ຕັ້ງຂອງຫວຽດນາມ ໃນເວທີສາກົນ. ພ້ອມທັງກໍ່ໄດ້ສະເໜີໃຫ້ບັນດາຫົວໜ້າອົງການຜູ້ຕາງໜ້າຫວຽດນາມ ປະຈຳຢູ່ຕ່າງປະເທດສຸມໃສ່ຊີ້ນໍາ, ປະຕິບັດບາງໜ້າທີ່ຈຸດສຸມຄື: ສືບຕໍ່ຊາບຊຶມທັດສະນະ, ແຜນນະໂຍບາຍ, ແນວທາງຂອງພັກ, ລັດຢ່າງເລິກເຊິ່ງກ່ຽວກັບການພົວພັນຕ່າງປະເທດ ແລະ ຖະແຫຼງຂ່າວການຕ່າງປະເທດ; ເສີມຂະຫຍາຍບົດບາດເຊື່ອມຕໍ່ຂອງບັນດາອົງການຜູ້ຕາງໜ້າໃນເລື່ອງເພີ່ມທະວີການຮ່ວມມືລະຫວ່າງຫວຽດນາມ ກັບບັນດາປະເທດ, ປະກອບສ່ວນປັບປຸງ, ພັດທະນາບັນດາສາຍພົວພັນຂອງຫວຽດນາມ ກັບບັນດາປະເທດ; ເປັນເຈົ້າການປະຕິບັດວຽກງານຄົ້ນຄວ້າ, ກໍາແໜ້ນສະພາບການ, ຄວາມຕ້ອງການດ້ານຂໍ້ມູນຂ່າວສານຂອງບັນດາປະເທດ ແລະຊາວຫວຽດນາມ ອາໄສຢູ່ປະເທດປະຈໍາຖິ່ນເປັນຢ່າງດີ; ສືບຕໍ່ເປັນເຈົ້າການເຜີຍແຜ່ກ່ຽວກັບທັດສະນະ, ແຜນນະໂຍບາຍຂອງພັກ ແລະ ລັດຫວຽດນາມ ໃນການແກ້ໄຂບັນດາບັນຫາທີ່ກ່ຽວຂ້ອງເຖິງອະທິປະໄຕຊາຍແດນແຫ່ງຊາດ, ພິເສດແມ່ນບັນຫາຢູ່ທະເລ; ຕໍ່ສູ້ກັບບັນດາຂໍ້ມູນຂ່າວສານທີ່ບໍ່ຖືກຕ້ອງ; ເພີ່ມທະວີວຽກງານຂໍ້ມູນຂ່າວສານຢ່າງຕັ້ງໜ້າ, ໂຄສະນາເຜີຍແຜ່ກ່ຽວກັບແຜນນະໂຍບາຍ, ນະໂຍບາຍ, ທັດສະນະການພົວພັນຕ່າງປະເທດຂອງຫວຽດນາມ ດ້ວຍພາສາຕ່າງປະເທດ; ກ່ຽວກັບການເປັນເຈົ້າການ ແລະບົດບາດຕັ້ງໜ້າຂອງຫວຽດນາມ ໃນການແກ້ໄຂບັນຫາຕ່າງໆຂອງສາກົນ ແລະ ອື່ນໆ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll