ຍົກສູງຖານະບົດບາດ ຂອງສະພາແຫ່ງຊາດຫວຽດນາມ ໃນພາກພື້ນ

16:01 2019/08/27

ຍສໝ - ໃນຕອນເຊົ້າຂອງວັນທີ 25 ສິງຫາ, ທ່ານ ນາງ ປະທານສະພາແຫ່ງຊາດ ສສ ຫວຽດນາມ ຫງວຽນທິກິມເງິນ ແລະ ຄະນະຜູ້ແທນຂັ້ນສູງຂອງສະພາແຫ່ງຊາດຫວຽດນາມ ໄດ້ເດີນທາງອອກຈາກຮ່າໂນ້ຍເພື່ອເດີນທາງໄປຍັງປະເທດໄທ ເພື່ອເຂົ້າຮ່ວມກອງປະຊຸມສະມັດຊາໃຫຍ່ AIPA ຄັ້ງທີ40 ຢູ່ທີ່ ບາງກອກ ປະເທດໄທ.

ຍົກສູງຖານະບົດບາດ ຂອງສະພາແຫ່ງຊາດຫວຽດນາມ ໃນພາກພື້ນ
ທ່ານ ນາງ ປະທານສະພາແຫ່ງຊາດ ສສ ຫວຽດນາມ ຫງວຽນທິກິມເງິນ.(ພາບ:laodong.vn)

ກອງປະຊຸມສະມັດຊາໃຫຍ່ AIPA ຄັ້ງທີ 40  (AIPA 40) ໄດ້ໄຂຂຶ້ນໃນສະພາບການທີ່ອາຊຽນພວມກ້າວເຂົ້າສູ່ປີທີ4 ຂອງການກໍ່ສ້າງປະຊາຄົມອາຊຽນ ແລະ ໄລຍະກາງສະໄໝຂອງການຜັນຂະຫຍາຍວິໄສທັດປະຊາຄົມອາຊຽນ 2025. AIPA 40 ແມ່ນຈຸດສຸມຂອງການຜັນຂະຫຍາຍແຜນການທັງໝົດຂອງສາມເສົາຄໍ້າຫຼັກ: ການເມືອງ-ຄວາມສະຫງົບສຸກ, ເສດຖະກິດ ແລະ ວັດທະນະທໍາ-ສັງຄົມ, ເປີດກວ້າງ ແລະ ລົງເລິກ ສາຍພົວພັນການຕ່າງປະເທດ, ປັບປຸງບົດບາດທີ່ເປັນສູນກາງຂອງອາຊຽນ ບົນພື້ນຖານການແກ້ໄຂບັນຫາໃນພາກພື້ນ.

ຫົວຂໍ້ລວມຂອງກອງປະຊຸມສະມັດຊາໃຫຍ່ AIPA ຄັ້ງທີ40 ແມ່ນ “ຊຸກຍູ້ການພົວພັນຄູ່ຮ່ວມມືລັດຖະສະພາ ເພື່ອປະຊາຄົມຍືນຍົງ”, ສອດຄ່ອງກັບຫົວຂໍ້ລວມຂອງອາຊຽນສົກປີນີ້ແມ່ນ “ຊຸກຍູ້ການພົວພັນຄູ່ຮ່ວມມື ເພື່ອຄວາມໝັ້ນຄົງ”.  ເພື່ອຈັດຕັ້ງປະຕິບັດຫົວຂໍ້ຂ້າງເທິງນັ້ນ ລາຊະອານາຈັກໄທ ໄດ້ຕັ້ງໜ້າຜັນຂະຫຍາຍແນວຄິດລິເລີ່ມໃໝ່ຢ່າງຮອບດ້ານທີ່ໝັ້ນຄົງ ປະກອບມີການສ້າງວິໄສທັດຂອງບັນດາຜູ້ນຳອາຊຽນ ເພື່ອຊຸກດັນການພົວພັນຮ່ວມມືທີ່ໝັ້ນຄົງ, ສະຫວັດດີການສັງຄົມ ແລະ ຫົວຄິດປະດິດສ້າງ, ຊຸກຍູ້ການພັດທະນາແບບຍືນຍົງຂອງສະຫະປະຊາຊາດປີ 2030.

ພາຍຫຼັງພິທີໄຂ ໄດ້ດໍາເນີນວາລະປະຊຸມຄົບຄະນະທໍາອິດ ຂອງກອງປະຊຸມ AIPA 40, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ມີບົດກ່າວປ່າໄສທີ່ວາລະປະຊຸມນີ້. ທ່ານນາງ ຫງວຽນທິກິມເງິນ ຖືວ່າ ໜຶ່ງປີທ່ີ່ຜ່ານມາ, ໂລກໄດ້ຜ່ານຜ່າການຜັນແປຫຼາຍຢ່າງທີ່ເກີດຂຶ້ນຢ່າງໄວວາ, ສັບສົນ ແລະ ປະຊາຄົມ ອາຊຽນ ຍັງສືບຕໍ່ຕ້ອງປະເຊີນໜ້າກັບບັນດາສິ່ງທ້າທາຍທີ່ນັບມື້ນັບຮ້າຍແຮງກວ່າເກົ່າ. ເຖິງຢ່າງໃດກໍຕາມ, ອາຊຽນ ຍັງຄົງບັນລຸໄດ້ບັນດາໝາກຜົນທີ່ເປັນໜ້າຊື່ນຊົມ ຢູ່ທັງ 3 ເສົາຄໍ້າ ຂອງປະຊາຄົມ ແລະ ບັນດາປະເທດສະມາຊິກ ລ້ວນແຕ່ຮັກສາລະດັບການເຕີບໂຕເສດຖະກິດສະເລ່ຍແມ່ນ 5,1% ໃນປີ 2018. ໄປຄຽງຄູ່ກັນນ້ັນ, ບັນດາການຜັນແປທີ່ສັບສົນຢູ່ພາກພື້ນ ກໍເຮັດໃຫ້ບັນດາປະເທດ ອາຊຽນ ມີຄວາມວິຕົກກັງວົນ.  ທ່ານ ນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ເນັ້ນໜັກວ່າ: AIPA  ແລະ ບັນດາສະມາຊິກລັດຖະສະພາຂອງ AIPA  ພ້ອມແລ້ວທີ່ຮ່ວມເດີນທາງພ້ອມກັບ ອາຊຽນ ເພື່ອກໍ່ສ້າງ ປະຊາຄົມເປັນກຸ່ມກ້ອນທີ່ຍືນຍົງ. 

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ກໍສະເໜີໃຫ້ບັນດາສະມາຊິກລັດຖະສະພາ, ລັດຖະສະພາຂອງບັນດາປະເທດສະມາຊິກ AIPA  ເພີ່ມທະວີການສໍາຫຼວດກວດຄືນລະບົບເອກະສານນິຕິກໍາພາຍໃນປະເທດ, ຊຸກຍູ້ດ້ານກົດໝາຍໃຫ້ກົມກ່ຽວ ຫຼື ຮັບຮອງເຊິ່ງກັນແລະກັນກ່ຽວກັບນິຕິກໍາ ເພື່ອແນໃສ່ຮັບໃຊ້ວຽກງານຜັນຂະຫຍາຍບັນດາແຜນການສັງລວມໃນການກໍ່ສ້າງປະຊາຄົມ ອາຊຽນ ດ້ວຍ 3 ເສົາຄໍ້າ ດ້ວຍວິໄສທັດຮອດປີ 2025 ໃຫ້ມີປະສິດທິຜົນ.

ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ກໍຢັ້ງຢືນວ່າ ໃນປີ 2020, ເຊິ່ງເປັນປີຫວຽດນາມ ເປັນກຽດໄດ້ແບກຫາບບັນດາໜ້າທີ່ສໍາຄັນຄື ເປັນກໍາມະການບໍ່ປະຈໍາການສະພາຄວາມໝັ້້ນຄົງ ສປຊ, ເປັນປະທານ ອາຊຽນ, ພ້ອມທັງສະພາແຫ່ງຊາດຫວຽດນາມ ຍັງດໍາລົງຕໍາແໜ່່ງເປັນປະທານ AIPA  ນັ້ນ, ຫວຽດນາມ ຈະມານະພະຍາຍາມຈົນສຸດຄວາມສາມາດຂອງຕົນ ເພື່ອຊຸກຍູ້ AIPA ກາຍເປັນອົງການລະຫວ່າງລັດຖະສະພາ ທີ່ເຄື່ອນໄຫວຢ່າງມີປະສິດທິຜົນ, ກາຍເປັນອົງການຕາງໜ້າໃຫ້ແກ່ຄວາມມຸ່ງມາດປາດຖະໜາ, ສິດຜົນປະໂຫຍດຂອງ ພົນລະເມືອງ ອາຊຽນ ທຸກຄົນ ຢ່າງແທ້ຈິງ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll