ງານບຸນມະໂຫລານ Vesak ສະຫະປະຊາຊາດ ປີ 2019: ພັກ ແລະ ລັດ ສສ ຫວຽດນາມ ເອົາໃຈໃສ່ໃນສິດເສລີພາບທາງດ້ານສາສະຫນາຂອງປະຊາຊົນ

00:54 2019/05/15

ຍສໝ - ງານບຸນມະໂຫລານ Vesak ສະຫະປະຊາຊາດ ປີ 2019 ໄດ້ຈັດຂຶ້ນ ໂດຍ ສະມາຄົມພຸດທະສາສະໜາຫວຽດນາມ ສົມທົບກັບ ຄະນະກໍາມະການອົງການຈັດຕັ້ງສາກົນງານບຸນມະໂຫລານສະຫະປະຊາຊາດ ທີ່ ວັດ ຕາມຈູກ ແຂວງຮ່ານາມ ປະເທດຫວຽດນາມ ໃນລະຫວ່າງແຕ່ວັນທີ 12 – 14 ພຶດສະພາ 2019.

ງານບຸນມະໂຫລານ Vesak ສະຫະປະຊາຊາດ ປີ 2019: ພັກ ແລະ ລັດ ສສ ຫວຽດນາມ ເອົາໃຈໃສ່ໃນສິດເສລີພາບທາງດ້ານສາສະຫນາຂອງປະຊາຊົນ
ພັກ ແລະ ລັດ ສສ ຫວຽດນາມ ເອົາໃຈໃສ່ໃນສິດເສລີພາບທາງດ້ານສາສະຫນາຂອງປະຊາຊົນ

ງານບຸນມະໂຫລານ Vesak ສະຫະປະຊາຊາດ ປີ 2019 ໄດ້ຈັດຂຶ້ນພາຍໃຕ້ຫົວຂໍ້ “ວິທີການສຳຜັດຂອງພຸດທະສາສະໜາກ່ຽວກັບການຊີ້ນຳນຳພາທົ່ວໂລກ ແລະ ຄວາມຮັບຜິດຊອບພ້ອມກັນແບ່ງປັນເພື່ອສັງຄົມໝັ້ນຄົງ”. ຄາດວ່າງານບຸນມະໂຫລານ Vesak ສະຫະປະຊາຊາດ ປີ 2019 ຈະມີຜູ້ແທນເຂົ້າຮ່ວມປະມານ 1.500 ຄົນ ມາຈາກ 100 ປະເທດ ແລະ ເຂດແຄ້ວນໃນທົ່ວໂລກ ແລະ ຜູ້ແທນພາຍໃນປະເທດເກືອບ 10.000 ຄົນ; ໃນນັ້ນລວມທັງມີການນໍາ ແລະ ປະມຸກລັດ ຫຼາຍຄົນເຂົ້າຮ່ວມ.

ງານບຸນມະໂຫລານ Vesak ສະຫະປະຊາຊາດ ປີ 2019 ແມ່ນຫນຶ່ງໃນບັນດາກິດຈະກໍາດ້ານວັດທະນະທໍາສາກົນຂອງສະຫະປະຊາຊາດເພື່ອສັນລະເສີນຄຸນຄ່າແຫ່ງຄວາມເປັນທໍາ, ສັນຕິພາບຂອງມະນຸດຊາດ. ເຫດການດັ່ງກ່າວແມ່ນກາລະໂອກາດເພື່ອເຜີຍແຜ່ຂໍ້ຄວາມຂອງພະພຸດທະເຈົ້າທີ່ມີຄວາມເມດຕາ, ສະຕິປັນຍາ, ສັນຕິພາບ ແລະ ຄວາມສະຫງົບ.

ວັດ ຕາມຈູກ ແຂວງຮ່ານາມ

ງານບຸນມະໂຫລານ Vesak ສະຫະປະຊາຊາດ ປີ 2019 ແມ່ນເຫດການດ້ານການພົວພັນຕ່າງປະເທດທີ່ມີຄວາມໝາຍສໍາຄັນເຊິ່ງຜ່ານນັ້ນກໍ່ໄດ້ຢືນຢັນຕໍ່ວົງຄະນະຍາດສາກົນກ່ຽວກັບຄວາມເອົາໃຈໃສ່ຂອງພັກ ແລະ ລັດ ສສ ຫວຽດນາມໃນສິດເສລີພາບທາງສາສະຫນາຂອງປະຊາຊົນ; ປະກອບສ່ວນເພີ່ມທະວີໃນການແລກປ່ຽນລະຫວ່າງປະເທດໃນວົງຄະນະຍາດພຸດທະສາສະໜາໃນໂລກ, ເພີ່ມທະວີຄວາມເຊື່ອຖື ແລະ ການປະກອບສ່ວນຂອງພຸດທະສາສະໜາໃນການແກ້ໄຂບັນດາບັນຫາໃນທົ່ວໂລກ.

ໂດຍເຊື່ອມຊືມນະໂຍບາຍຂອງພັກ ແລະ ລັດ ກ່ຽວກັບການເອົາໃຈໃສ່ໃນສິດເສລີພາບທາງດ້ານສາສະຫນາຂອງປະຊາຊົນ, ໃນເວລາຜ່ານມາ, ທ່ານ ນາຍົກລັດຖະມົນຕີ ຫງວຽນ ຊວນ ຟູກ ກໍ່ໄດ້ຊີ້ນໍາບັນດາກະຊວງ, ຂະແໜງການສູນກາງ, ສະມາຄົມພຸດທະສາສະໜາຫວຽດນາມ, ແຂວງຮ່ານາມ, ນີງບີ່ງ, ຮວ່າບີ່ງ ແລະ ນະຄອນຮ່າໂນ້ຍ ໃນການກະກຽມການຈັດຕັ້ງງານບຸນມະໂຫລານ Vesak ສະຫະປະຊາຊາດ ປີ 2019.

ທີ່ກອງປະຊຸມ, ນາຍົກລັດຖະມົນຕີໄດ້ຢືນຢັນວ່າງານບຸນມະໂຫລານ Vesak ສະຫະປະຊາຊາດ ປີ 2019 ບໍ່ພຽງແຕ່ເປັນເຫດການດ້ານວັດທະນະທໍາສາສະໜາຂອງສະຫະປະຊາຊາດເທົ່ານັ້ນ, ແຕ່ຍັງກໍ່ເປັນເຫດການສາຍພົວພັນການທູດຂອງປະຊາຊົນ, ດັ່ງນັ້ນທຸກພາກສ່ວນທີ່ກ່ຽວຂ້ອງຕ້ອງມີການສົມທົບເປັນຢ່າງໃກ້ສິດເພື່ອຈັດສໍາເລັດງານບຸນດັ່ງກ່າວ. ງານບຸນມະໂຫລານ Vesak ສະຫະປະຊາຊາດ ປີ 2019 ບໍ່ພຽງແຕ່ເປັນເຫດການທາງສາສະໜາທີ່ສໍາຄັນເທົ່ານັ້ນ, ແຕ່ຍັງກໍ່ເປັນກາລະໂອການໃນການຢືນຢັນພາລະບົດບາດ ແລະ ຄວາມຮັບຜິດຊອບຂອງຫວຽດນາມຕໍ່ສະຫະປະຊາຊາດ.

ງານບຸນມະໂຫລານ Vesak ປີ 2019 ຈະມີຜູ້ແທນເຂົ້າຮ່ວມປະມານ 1.500 ຄົນ ມາຈາກ 100 ປະເທດ ແລະ ເຂດແຄ້ວນໃນທົ່ວໂລກ

ນີ້ແມ່ນຄັ້ງທີສາມ, ສະມາຄົມພຸດທະສາສະໜາຫວຽດນາມໄດ້ຈັດຕັ້ງງານບຸນມະໂຫລານ Vesak. ໂດຍຜ່ານການຈັດຕັ້ງງານບຸນມະໂຫລານ Vesak ສະຫະປະຊາຊາດ ປີ 2019 ໃນຄັ້ງນີ້, ຈະສືບຕໍ່ຍົກສູງບົດບາດຂອງສະມາຄົມພຸດທະສາສະໜາຫວຽດນາມໃນເວທີສາກົນ, ປະກອບສ່ວນໃຫ້ການຢືນຢັນນະໂຍບາຍສິດເສລີພາບທາງສາສະໜາ, ການປ່ຽນແປງໃໝ່, ການເຊື່ອມໂຍງຂອງພັກ ແລະ ລັດ ສສ ຫວຽດນາມ. ພ້ອມກັນນັ້ນ ກໍ່ໄດ້ໂຄສະນາເຜີຍແຜ່ຮູບພາບດ້ານການທ່ອງທ່ຽວຂອງປະເທດຫວຽດນາມເວົ້າລວມ ແລະ ແຂວງ ຮ່ານາມ ເວົ້າສະເພາະ; ການດຶງດູດນັກທ່ອງທ່ຽວພາຍໃນ ແລະ ຕ່າງປະເທດ ດ້ວຍຈໍານວນຫຼວງຫຼາຍເຂົ້າມາຫວຽດນາມ.

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll