ການຫັນປ່ຽນດີຈີຕອນ ເພື່ອປະເທດຫວຽດນາມ ເຂັ້ມແຂງແຮງກ້າ

09:12 2019/08/09

ການຫັນປ່ຽນດີຈີຕອນ ໄດ້ສ້າງກາລະໂອກາດອັນໃຫຍ່ຫຼວງໃຫ້ແກ່ຫວຽດນາມ, ພ້ອມທັງແມ່ນການປ່ຽນແປງທີ່ມີລັກສະນະຮອບດ້ານ. ຫວຽດນາມ ຢາກເລື່ອນອັນດັບໃນໂລກນັ້ນ ແມ່ນຕ້ອງໄປໄວ ແລະ ນໍາໜ້າເພື່ອມີທ່າແຮງແກ້ງແຍ້ງ.

ການຫັນປ່ຽນດີຈີຕອນ ເພື່ອປະເທດຫວຽດນາມ ເຂັ້ມແຂງແຮງກ້າ
ພາບປະກອບ

ທີ່ເວທີປາໄສຂັ້ນສູງເຕັກໂນໂລຢີຂໍ້ມູນ-ຂ່າວສານ ຫວຽດນາມ ດ້ວຍຫົວຂໍ້ວ່າ “ຫັນປ່ຽນດີຈີຕອນເພື່ອປະເທດຫວຽດນາມ ເຂັ້ມແຂງແຮງກ້າ” ໄດ້ດໍາເນີນໃນວັນທີ 08 ສິງຫາ 2019 ຢູ່ຮ່າໂນ້ຍ, ທ່ານ ຫງວຽນແມ້ງຮຸ່ງ ລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ ເນັ້ນໜັກວ່າ: ພວກເຮົາຈະເຄື່ອນໄຫວໃນສະພາບແວດລ້ອມດີຈີຕອນ. ດັ່ງນັ້ນ, ບັນດາວິສາຫະກິດ ICT ຕ້ອງຮັບເອົາພື້ນຖານດີຈີຕອນ ເພື່ອກໍ່ສ້າງ ແລະ ປະກອບສ່ວນເຂົ້າໃນການຍູ້ໄວຂະບວນວິວັດແຫ່ງການຫັນເປັນດີຈີຕອນແຫ່ງຊາດ ແລະ ໃນມື້ນີ້ ພວກເຮົາຈະເຫັນປະຈັກຕາການສະເໜີຕົວຂອງ ສະຫະພັນຫັນປ່ຽນດີຈີຕອນແຫ່ງຊາດ, ມີວິສາຫະກິດ 8 ແຫ່ງທໍາອິດຈະໃຫ້ຄໍາໝັ້ນສັນຍາກ່ຽວກັບການລົງທຶນພື້ນຖານໂຄງລ່າງ ແລະ Platforms ການຫັນປ່ຽນດີຈີຕອນ ແລະ ຈະມີວິສາຫະກິດເຂົ້າຮ່ວມຂະບວນວິວັດຫຼາຍກວ່ານີ້ອີກ. 

ທ່ານ ຫງວຽນແມ້ງຮຸ່ງ ລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ.(ພາບ: news.zing.vn)

ໃນມື້ດຽວກັນ, ຢູ່ຮ່າໂນ້ຍ ໄດ້ດໍາເນີນກອງປະຊຸມ Vietnam CEO Summit 2019 ດ້ວຍຫົວຂໍ້ “ຍຸດທະສາດນໍາໜ້າໃນການຫັນປ່ຽນດີຈີຕອນ ແລະ ກາລະໂອກາດໃຫ້ແກ່ບັນດາວິສາຫະກິດຫວຽດນາມ". ກອງປະຊຸມແມ່ນເພື່ອແນໃສ່ແນະນໍາໃຫ້ການນໍາບັນດາວິສາຫະກິດໃຫຍ່ຂອງຫວຽດນາມຄວາມຮູ້ໂດຍສັງເຂບກ່ຽວກັບທ່າອ່ຽງຫັນປ່ຽນດີຈີຕອນແບບໃໝ່ ເຊິ່ງພວມເກີດຂຶ້ນຢ່າງໄວວາ, ກໍຄືບັນດາຜະລິດຕະພັນ ແລະ ການບໍລິການແບບໃໝ່ ທີ່ໄດ້ສ້າງຂຶ້ນບົນພື້ນຖານເຕັກໂນໂລຢີທັນສະໄໝ ແລະ ເຕັກໂນໂລຢີຫັນປ່ຽນດີຈີຕອນ. ທີ່ກອງປະຊຸມ, ບັນດານັກຊ່ຽວຊານດ້ານການຫັນປ່ຽນດີຈີຕອນໄດ້ຕີລາຄາວ່າ ຫວຽດນາມ ມີທ່າແຮງໃນຂົງເຂດຫັນປ່ຽນດີຈີຕອນດ້ວຍແຫຼ່ງຊັບພະຍາກອນມະນຸດໜຸ່ມ ແລະ ຂອງລະດັບບຸກທະລຸຂອງເຕັກໂນໂລຢີຂໍ້ມູນຂ່າວສານ. 

ທັດສະນະຂອງລັດຖະບານຫວຽດນາມ ແມ່ນຍາດແຍ່ງກາລະໂອກາດດີທີ່ສຸດຂອງການປະຕິວັດອຸດສາຫະກໍາ 4.0 ເພື່ອປະຕິບັດການຫັນປ່ຽນດີຈີຕອນແຫ່ງຊາດ, ສ້າງສັງຄົມດີຈີຕອນ, ພັດທະນາເສດຖະກິດດີຈີຕອນຢ່າງແຮງ ແລະ ມີປະສິດທິພາບສູງ. ປີນີ້, ຫວຽດນາມ ຈະປະກາດຍຸດທະສາດກ່ຽວກັບການຫັນປ່ຽນດີຈີຕອນແຫ່ງຊາດ, ເພື່ອມຸ່ງໄປເຖິງພື້ນຖານເສດຖະກິດດີຈີຕອນ, ສັງຄົມດີຈີຕອນ. ການສ້າງແຜນຮ່າງຫັນປ່ຽນດີຈີຕອນແຫ່ງຊາດ ຈະສຸມໃສ່ 5 ປັດໄຈພື້ນຖານແມ່ນ: ລະບອບລະບຽບການ, ພື້ນຖານໂຄງລ່າງ, ຄວາມປອດໄພທາງເຄືອຂ່່າຍອິນເຕີເນັດ, Platforms ແລະ ການບໍາລຸງກໍ່ສ້າງ. 

(ໄຊພອນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll