ການປະຕິວັດ ອຸດສາຫະກຳ 4.0 ຢູ່ ຫວຽດນາມ ຄວາມສ່ຽງວ່າຈະກາຍເປັນພຽງແຕ່ຂະບວນການເທົ່ານັ້ນ.

10:46 2018/05/16

ໃນຄວາມຕື່ນເຕັ້ນຕໍ່ ການປະຕິວັດ ອຸດສາຫະກຳ 4.0 ກຳລັງແຜ່ລາມຢ່າງວ່ອງໄວຢຸ່ຫວຽດນາມ, ມີຄວາມສ່ຽງທີ່ມັນອາດຈະກາຍເປັນພຽງແຕ່ຂະບວນການເທົ່ານັ້ນ.

ການປະຕິວັດ ອຸດສາຫະກຳ 4.0 ຢູ່ ຫວຽດນາມ ຄວາມສ່ຽງວ່າຈະກາຍເປັນພຽງແຕ່ຂະບວນການເທົ່ານັ້ນ.
ຫຸ່ນ​ຍົນ​ຈະ​ມາ​ແທນ​ກຳ​ມະ​ກອນ ແລະ ເຮັ​ດ​ໃຫ້​ແຮງ​ງານ​ກາຍ​ເປັນ​ຜູ່​ທີ່​ວ່າງ​ງານ ຫຼາຍ​ລ້ານ​ຄົນ.(ພາ​ບ: Siemens)

ປະ​ຈຸ​ບັນ ຫວຽດ​ນາມ ​ພວມ​ຢູ່​ໃນ​ໄລ​ຍະ​ທຳ​ອິດ​ຂອງ ການ​ປະ​ຕິ​ວັດ ອຸດ​ສ​າ​ຫະ​ກຳ 4.0, ພາຍ​ໃຕ້​ເນື້ອ​ໃນ​ພື້ນ​ຖານ​ແມ່ນ

ການກໍ່​ສ້າງ​ໂຄງ​ຮ່າງ ແລະ ການ​ຄວບ​ຄຸມ ອັນ​ໃໝ່​ໃຫ້​ພື້ນ​ຖານ​ການ​ຜະ​ລິດ​ໂດຍ​ອີງ​ໃສ່​ເຕັກ​ໂນ​ໂລ​ຊີ​ສູງ, ຕະ​ໜ່າງ​ອິນ​ເຕີ​ແນັດ​ຂອງ​ຈັກ​ກະ​ວານ, ສະ​ຕິ​ປັນ​ຍາ​ທ​ຽມ…

ການ​ປະ​ຕິ​ວັດ ອຸດ​ສ​າ​ຫະ​ກຳ 4.0 ອີງ​ໃສ່​ພື້ນ​ຖາ​ນ​ໂຄງ​ລ່າງ​ເຕັກ​ໂນ​ໂລ​ຊີ ແລະ ບູ​ລະ​ນາ​ການ ກັບ​ທຸກ​ເຕັກ​ໂນ​ໂລ​ຊີ​ສະ​ຫຼາດ​ເພື່ອ​ເອົາ​ຂັ້ນ​ຕອນ​ທີ່​ດີ​ທີ່​ສຸດ, ວິ​ທີ​ການ​ຜະ​​ລິດ; ກັບ​ບັນ​ດາ​ເຕັກ​ໂນ​ໂລ​ຊີ​ທີ່​ກຳ​ລັງ​ ແລະ ຈະສົ່ງ​ຜົນ​ກະ​ທົບ​ອັນ​ໃຫຍ່​ຫຼວງ​ໃນ​ພາຍ​ໜ້າ​ຄື: ເຕັກ​ໂນ​ໂລ​ຊີ 3ດີ, ເຕັກ​ໂນ​ໂລ​ຊີ​ຊີ​ວະ​ສາດ, ເຕັກ​ໂນ​ໂລ​ຊີ​ການກໍ່​ສ້າງ​ໃໝ່, ເຕັກ​ໂນ​ໂລ​ຊີ​ອັດ​ຕະ​ໂນ​ມັດ, ຮຸ່ນ​ຍົນ…

ໃນ​ຂົງ​ເຂດ​ຜະ​ລິດ​ອຸດ​ສາ​ຫະ​ກຳ, ສະ​ພາບ​ການ​ຂອງ​ໂຮງ​ງານ​ສະ​ຫຼາດ ໃນ​ນັ້ນ​ບັນ​ດາ​ກົນ​ຈັກ​ແມ່ນ​ຖືກ​ເຊື່ອມ​ຕໍ່​ອິນ​ເຕີ​ແນັດ ແລະ ເຊື່ອມ​ຕໍ່​ກັນ​ດ້ວຍ​ລະ​ບົບ​ທີ່​ສາ​ມາດ​ຈິນ​ຕະ​ນາ​ການ​ເອງ​ທຸກໆ​ຂັ້ນ​ຕອນ​ການ​ຜ​ະ​ລິດ​ແລ້ວ​ສະ​ແດງ​ການ​ຕັດ​ສິນ​ໃຈ​ອອກ​ມາ​ເອງນັ້ນ​ຄົງ​ຈະ​ອີກບໍ່​ດົນ.

ການ​ປະ​ຕິ​ວັດ ອຸດ​ສ​າ​ຫະ​ກຳ 4.0 ກຳ​ລັງ​ລົບເລືອນ​ໄລ​ຍະຫ່າງ​ລະ​ຫວ່າງ​ໂລກ​ແຫ່ງ​ຄວາມ​ເປັນ​ຈິງ​ ແລະ ໂລກ​ສະ​ເໝືອນ​ຈິງໂດຍ​ບັນ​ດາ​ເຕັກ​ໂນ​ໂລ​ຊີ​ທີ່​ກ້​າວ​ໜ້າ, ການ​ປ່ຽນ​ແປງ​ໃໝ່, ຫົວ​ຄິດ​ປະ​ດິດ​ສ້າງ​ບໍ່​ຢຸດ​ຢັ້ງ.ຖ້າ​ວ່າໃນ​ເມື່ອ​ກ່ອນ​ອາດ​ຈະ​ຕ້ອງ​ເສຍ​ເວ​ລາ​ຮອດໜຶ່ງ​ສັດ​ຕະ​ວັດເພື່ອ​ປ່ຽນ​ແຕ່ ການ​ປະ​ຕິ​ວັດ ອຸດ​ສ​າ​ຫະ​ກຳ​ເກົ່າ​ມາ​ເປັນການ​ປະ​ຕິ​ວັດ ອຸດ​ສ​າ​ຫະ​ກຳໃໝ່, ແຕ່​ວ່າການ​ປະ​ຕິ​ວັດ ອຸດ​ສ​າ​ຫະ​ກຳ 4.0 ປະ​ກົດ​ຂື້ນ​ມາ​ພາຍ​ຫຼັງການ​ປະ​ຕິ​ວັດ ອຸດ​ສ​າ​ຫະ​ກຳ ຄັ້ງ​ທີ 3 ແທບ​ຈະ​ບໍ່​ຮອດ​ເຄິ່ງ​ສັດ​ຕະ​ວັດ​ດ້ວຍ​ຊ້ຳ​ໄປ.

ຊ້ຳ​ໄປ​ກວ່ານັ້ນ​ ລະ​ດັບ​ຜົນ​ກະ​ທົບ, ການ​ແຜ່​ລາມ​ຂອງການ​ປະ​ຕິ​ວັດ​ນີ້​ເກີດ​ຂື້ນ​​​ທົ່ວ​​ທຸກ​ມຸມໂລກ​​ດ້ວຍ​ອັດ​ຕາ​ເລັ່ງ​ທີ່​ໄວ​ກວ່າ​ເກົ່າ​ຈາກ​ເມື່ອ​ກ່ອນ​ມາ​ເຖິງ​ປະ​ຈຸ​ບັນ ພ້ອມ​ນີ້​ຍັງ​ມີ​ການ​ຄາ​ດ​ຄະ​ເນ​ວ່າ​ຈະ​ປ່ຽນ​ແປງ​ທຸກໆ​ລະ​ບົບ​ການ​ຜະ​ລິດ, ຄຸ້ມ​ຄອງ​ບໍ​ລິ​ຫານ​ໃນ​ທົ່ວ​ໂລກ.

ຮູບ​ແບບ​ການ​ເຊ​ື່ອມ​ຕໍ່​ໃນ​ອາ​ນາ​ຄົດ. (ພາບ: tinhte.vn)

ພ້ອມ​ນີ້ ການ​ປະ​ຕິ​ວັດ ອຸດ​ສ​າ​ຫະ​ກຳ 4.0 ກຳ​ລັງຢູ່​ໃນ​ໄລ​ຍະ​ເລີ່ມ​ຕົ້ນແມ່ນ​ໂອ​ກາດ​ອັນ​ມີ​ຄ່າ​ທີ່​ຫວຽ​ດ​ນາມ​ຕ້ອ​ງ​ຮີບ​ຮ້ອນ​ຮັບ​ເອົາ ຊຸກ​ຍູ້​ຂະ​ບວນ​ການ​ຫັນ​ປ່ຽນ​ອຸດ​ສາ​ຫະ​ກຳ​ທີ່​ທັນ​ສະ​ໄໝ​ຢ່າງ​ຮີບ​ດ່ວນ ແລະ ຈັດ​ຕັ້ງ​ປະ​ຕິ​ບັດ​ໄດ້​ເປົ້າ​ໝາຍ​ກາຍ​ເປັນ​ປະ​ເທດ​ອຸດ​ສາ​ຫະ​ກຳ​ຕາມ​ແນວ​ທາງ​ທັນ​ສະ​ໄໝ​ກ່ອນ​ໝູ່.

ເຖິງວ່າ ຖ້າ​ຍັງ​ບໍ່​ທັນ​ກຳ​ໄດ້​ແນວ​ທາງ​, ເປົ້າ​ໝາຍ​ໄດ້​ຢ່າງ​ຊັດ​ເຈນ ແບບ​ແຜນ​ວິ​ທີ​ເຂົ້າ​ເຖິງ ແລະ ການ​ເຂົ້າ​ຮ່ວມ​ໂດຍ​ການ​ຍົກ​ຍ້າຍ​ກົນ​ໄກ​ເສ​ດ​ຖະ​ກິດ, ປ່ຽນ​ແປງ​ການ​ສຶກ​ສາ​ໃໝ່, ພັດ​ທະ​ນາ ວິ​ທະ​ຍາ​ສາດ-ເຕັກ​ໂນ​ໂລ​ຊີ ທີ່​ເໝາະ​ສົ​ມ ກໍ່​ຈ​ະ​ເຮັດ​ໃຫ້​ຄວາມ​ກົດ​ດັນ​ຈະ​ເກີດ​ຂື້ນ ຕໍ່​ກັບ​ຫວຽ​ດ​ນາມ​ຍ້ອນການ​ປະ​ຕິ​ວັດ ອຸດ​ສ​າ​ຫະ​ກຳ 4.0

ຫວຽ​ດ​ນາມ​ແມ່ນ​ຊົນ​ເຜົ່າ​ໜື່ງ​ທີ່​ມີ​ຄວາມ​ສະ​ຫຼາດ ມີ​ຄວາມ​ສຽບ​ແຫຼມ​ກັບ​ທຸກ​ຍຸກ​ທຸກ​ສະ​ໄໝ, ມັນ​ສະ​ແດງ​ອອກ​ໃນ​ປະ​ຫວັດ​ສາດ​ອັນ​ຍາວ​ນານ ຫວຽ​ດ​ນາມ ໄດ້​ເຂົ້າ​ເຖິງ​ກ່ອນ​ກ່ຽວ​ກັບ​ທ່າ​ອ່ຽງ​ພັດ​ທະ​ນາ​ໃໝ່​ຂອງ​ໂລກ​ຄື: ເຫັນ​ໄດ້​ການ​ປະ​ຕິ​ວັດ​ວິ​ທະ​ຍາ​ສາດ​ເຕັກ​ນິກ​ເປັນ​ເສົາ​ຫຼັກ(1976); ກຳໄດ້ ການພັດ​ທະ​ນາເສ​ດ​ຖະ​ກິດ​ພູມ​ປັນ​ຍາ​ແມ່ນ​ເສັ້ນ​ທາງ​ໄປ​ສູ່​ພັດ​ທະ​ນາ​ເສດ​ຖະ​ກິດ​ຫວຽດ​ນາມ(1996) ຫຼື​ ວ່າ​ການ​ອອກ 2 ນະ​ໂຍ​ບາຍ​ແຫ່ງ​ຊາດ​ໃຫຍ່​ຮັດແໜ້​ນ​ກັບ​ສະ​ຕິ​ປັນ​ຍາ​ຂອງ​ມະ​ນຸດ​ຄື ສື​ກ​ສາ​ກໍ່​ສ້າງ ແລະ ວິ​ທະ​ຍາ​ສາດ​ເຕັກ​ໂນ​ໂລ​ຊີ

ເຖິງວ່າ​ແນວ​ໃດ​ກໍ່​ຕາມ ຄວາມ​ຈິງ​ແລ້ວ​ພວ​ກ​ເຮົາ​ໄດ້​ພາດ​ຈັງ​ວະ​ຫຼາຍ​ຄັ້ງ ການ​ພັດ​ທະ​ນາ​ຫຼ້າ​ຫຼັງ ແລະ ກຳ​ລັງ​ຫຼ້າ​ຫຼັງ​ກ່​ວາ​ເກົ່າ​. ຄວາມ​ພັດ​ທະ​ນາ​ຫຼ້າ​ຫຼັງໄດ້​ຊີ້​ໃຫ້​ເຫັນ​ແມ່ນ​ມີ​ຄວາມ​ສ່ຽງ​ຫຼາຍ​ໃນ​ພື້ນ​ຖານ​ເສດ​ຖະ​ກິດ​ຫວຽດ​ນາມ​. ຂ້ອຍ​ຄິດ​ວ່າ ການ​ແກ້​ໄຂ​ບັນ​ຫາ​ເພື່ອ​ເຮັດ​ໃຫ້ການ​ປະ​ຕິ​ວັດ ອຸດ​ສ​າ​ຫະ​ກຳ 4.0 ຕ້ອງ​ຢູ່​ບົນ​ພື້ນ​ຖານ​ຕອບ​ໄດ້ຢ່າງ​ລະ​ອຽດ​ຊັດ​ເຈນ​ໃນ​ຄຳ​ຖາມ​ທີ່​ວ່າ ເປັນ​ຫຍັງ​ທັງ​ທີ່​ພວກ​ເຮົາ​ເປັນ​ຊົນ​ເຜົ່າ​ທີ່​ມີ​ຄວາມ​ສະ​ຫຼາດ​ຫຼັກ​ແຫຼມ​ ແຕ່​ພັດ​ຫຼ້າ​ຫຼັງ

ຄວາມ​ຕື່ນ​ເຕັ້ນ​ກ່ຽວ​ກັບ ການ​ປ​ະ​ຕິ​ວັດ​ ອຸດ​ສາ​ຫະ​ກຳ 4.0 ກຳ​ລັງແຜ່​ຂະ​ຫຍາຍ​ຢ່າງວ່ອງ​ໄວ​ຢູ່​ຫວຽດ​ນາມ ພ້ອມ​ນີ້​ກໍ່​ນຳ​ມາ​ແຫ່ງ​ຄວາມ​ສ່ຽງ ເຮັດ​ໃຫ້​ພວກ​ເຮົາ​ເພິ້​ຝັນ ເຮັດ​ໃຫ້​ເຮົາ​ຄິດ​ວ່າ​ພວກ​ເຮົາ​ສະ​ຫຼາດ… ພ້ອມ​ກັນ​ນັ້ນ​ຍັງ​ເປັນ​ຄວາມ​ສ່ຽງ​ກາຍ​ເປັນ​ການ​ເດີນ​ຕາມ​ຂະ​ບວນ​ການ ຄວາມ​ສ່ຽງ​ໃນ​ການ​ສວຍ​ໂອ​ກາດ​ສ້າງ​ນິ​ຍາມ​ເພື່ອ​ປະ​ກອບ​ເຂົ້າ​ໃນ​ການ​ຮັບ​ໃຊ້​ການ​ຮ້ອງ​ປ່າວ, ອວດ​ອ້າງ.

ໃນ​ມຸມມອງ​ຂອງ​ອົງ​ການ​ຈັດ​ຕັ້ງ​ພັດ​ທະ​ນາ ສະ​ຫະ​ປະ​ຊາ​ຊາດ (ຢູ​ເອັນ​ດີ​ພີ) ທ່ານ ນາງ ຫຼຸຍ ແຊ​ມ​ເບີ​ແລັນ ອຳ​ນວຍ​ການ ຢູ​ເອັນ​ດີ​ພີ ຫວຽດ​ນາມ ໄດ້​ແລກ​ປ່ຽນ​ວ່າ: ​ເປັນ​ຍ້ອນ​ຫຍັງ ການ​ປະ​ຕິ​ວັດ ອຸດ​ສ​າ​ຫ​ະ​ກຳ 4.0 ໄດ້​ຮັບ​ຄວາມ​ສົນ​ໃຈ​ຫຼາຍ​ຈາກ​ ສະ​ຫະ​ປະ​ຊາ​ຊາດ​ແມ່ນ​ຍ້ອນ​ວ່າ​ ການ​ປະ​ຕິ​ວັດ ອຸດ​ສາ​ຫະ​ກຳ ດັ່ງ​ກ່າວ​ເປັນ​ຕົວ​ແທນ​ໃຫ້​ບັນ​ດາ​ໂອ​ກາດ​ພື້ນ​ຖານ​ຂອງ​ການ​ພັດ​ທະ​ນາ​ອັນ​ວ່ອງ​ໄວ ຂອງມ​ະ​ນຸດ ແລະ ເປັນ​ສິ່​ງ​ທ້າ​ທາຍ​ອັນ​ໃຫຍ່​ຫຼວງ ຍົກ​ຕົວ​ຢ່າງ​ຄື: ຢ່າງ​ຂີ້​ລ້າຍ​ສຸດ​ມັນ​ກໍ່​ຈະ​ເຮັດ​ໃຫ້​ເກີດ​ມີ​ຄວາມບໍ່​ເທົ່າ​ທຽມ​ກັນ​ລະ​ຫວ່າງ​ປະ​ເທດ, ເຮັດ​ໃຫ້​ເຕັກ​ນິກ ແລະ ຄວາມ​ສາ​ມາດ​ໃນ​ການ​ເຊື່ອມ​ໂຍງ​ອາດຈະ​ກາຍ​ເປັນ​ຄວາມ​ໄດ້​ປຽບ​ຂອງ​ເຂົາ​ໂດຍ​ການ​ກຳ​ນົດ, ໂຄງ​ລ່າງ​ການ​ຮ່ວມ​ມື, ຄວາມ​ຮັບ​ຮູ້​ຂອງ​ຄົນ ແລະ ລະ​ບົບ​ໂທ​ລະ​ຄົມ​ມະ​ນາ​ຄົມ​ດີ​ຂື້ນ ແລະ ມີ​ບັນ​ດາ​ປະ​ເທດ​ຈະ​ເດີນ​ຕາມ​ໄດ້​ຊ້າ​ຍ້ອນ​ຄວາມ​ຮັບ​ຮູ້ກ່ຽວ​ກັບລະ​ບົບເພາະ​ໃນ​ຄວາມ​ຈິງ​ຂອງ​ພວກ​ເຂົາ​ແມ່ນ​ກຳ​ລັງ​ຢູ່​ເບື້ອງ​ຫຼັງ.

ຂໍ້​ມູນ​ຂອ​ງ​ພົນ​ລະ​ເມືອງ ແລະ ອຸ​ປະ​ກອນ​ການ​ຊຳ​ລະ ໃນ​ອາ​ຂາ​ຄົດ.(tinhte.vn)

ການ​ປະ​ຕິ​ວັດ ອຸດ​ສາ​ຫະ​ກຳ 4.0 ປະ​ກອບ​ມີ ການ​ປ່ຽນ​ແປງ​ໃຫຍ່​ອັນ​ໜື່ງ​ໃນ​ລະ​ບົບ​ທົ່ວ​ໂລກ; ແຕ່​ທຽບ​ໃສ​ປ​ະ​ເທດ​ກຳ​ລັງ​ພັດ​ທະ​ນາ ນັ້ນ​ແມ່ນ​ຄວາມ​ທ້າ​ທາຍ​ໃຫຍ່​ອັນ​ໜື່ງ​ກ່ຽວ​ກັບ​ຄວາມ​ສ​າ​ມາດ​ແກ່ງ​ແຍ້ງ. ຄວາມ​ສ່ຽງ​ທີ່​ວ່າ​ບັນ​ດາ​ການ​ພັດ​ທະ​ນາ​ຈະ​ສາ​ມາດ​ບັນ​ລູ​ໄດ້​ຍາກ​ໃນ​ການ​ລົບ​ລ້າງ​ຄວາມ​ທຸກ​ຍາກ ແລະ ບັນ​ດາ​ບາດ​ກ້າວ​ໃນ​ການ​ການ​ຫັນ​ສູ່​ຄວາມ​ເທົ່າ​ທຽມ​ກັນ​ຈະ​ຫຼຸດ​ລົງ​.

ການ​ຈັດ​ຕັ້ງ​ປະ​ຕິ​ບັດ​ກ່ອນ​ເພື່ອ​ຊ່ວຍ​ໃຫ້​ກາ​ນ​ປ່ຽນ​ແປງ​ພື້ນ​ຖານ​ເສດ​ຖະ​ກິດ, ບັນ​ດາ​ອົງ​ການ​ເສ​ດ​ຖະ​ກິດ ແລະ ລະ​ບົບ​ສັງ​ຄົມ​ເປັນ​ວິ​ທີ​ດຽວ​ທີ່​ເຮັດ​ໃຫ້​ພື້ນ​ຖານ​ເສດ​ຖະ​ກິດ​ສາ​ມາດ​ກາຍ​ເປັນ​ພື້ນ​ຖານ​ລ່ວງໄຫຼດ້ວຍ​ປະ​ສິດ​ທິ​ຜົນ, ມີ​ຄວາມ​ຍືນ​ຍົງ ແລະ ມີ​ຄວາມ​ເທົ່າ​ທຽມ​ກັນ​ສູງ​ໃນ​ໄລ​ຍະ​ຍາວ.

ໃນ​ການ​ຮ່ວມ​ສົນ​ທະ​ນາ​ພາ​ຍ​ໃຕ້​ຫົວ​ຂໍ້ ການ​ປ​ະ​ຕິ​ວັດ ອຸດ​ສາ​ຫ​ະ​ກຳ 4.0 ກຳນົດ​ຮູບ​ແບບອາ​ນາ​ຄົດ​ຂອງ​ໂລກ, ບົນ​ພື້ນ​ຖານ​ການ​ວິ​ເຄາ​ະ​ບັນ​ດາ​ການ​ປ່ຽນ​ແປງ​ຂອງ​ພື້ນ​ຖານ​ເສດ​ຖະ​ກິດ​ຈາ​ກ​ການ​ກະ​ທົບ, ຜົນ​ກະ​ທົບ​ຂອງ​ການ​ປະ​ຕິ​ວັດ​ອຸດ​ສາ​ຫະ​ກຳ 4.0, ຕົວ​ແທນ​ຂອງ​ສະ​ຫະ​ປະ​ຊາ​ຊາດ​ຢຸ່​ຫວຽດ​ນາມ ມີ​ຄວາມ​ເອົາ​ໃຈ​ໃສ່​ເປັນ​ພິ​ເສດ​ເຖິງ​ຄວາມ​ທ້າ​ທາຍ​ອັນ​ຍິ່ງ​ໃຫຍ່​ຈາກ ການ​ປະ​ຕິ​ວັດ​ອຸດ​ສາ​ຫ​ະ​ກຳ 4.0 ກ່ຽວ​ກັບ​ການ​ເພີ່ມ​ຂື້ນ​ຂອງ​ຄວາມ​ບໍ່​ເທົ່າ​ທຽມ​ກັນ​ລະ​ຫວ່າງ​ປະ​ເທດກໍ່​ຄື​ຢູ່​ພາຍ​ໃນ​ປະ​ເທດນັ້ນໆ

ຄວາມ​ບໍ່​ເທົ່າ​ທຽມ​ກັນ​ອາດ​ຈະ​ເກີດຂື້ນ​ໃນ​ກະ​ໂຕ​ປະ​ເທດ ບໍ່​ເລືອກວ່າ​ຈະ​ເປັນ​ປະ​ເທດ​ໃດ​ກໍ່​ຕາມ ຈະ​ພັດ​ທະ​ນາ ຫຼື ກຳ​ລັງ​ພັດ​ທະ​ນາກໍ່​ຄື​ກັນ, ລະ​ຫວ່າງ​ຜູ່​ທີ່​ມີ​​ຄວາມ​ຮູ້​ທັ​ກ​ສະ ຄວາມ​ສາ​ມາດ​ສູງ ມີ​ຄວາມ​ສາ​ມາດ ພ້ອມ​ທັງ​ໂອ​ກາດ​ທີ່​ຈະ​ສ້າງ​ຂື້ນ ແລະ ຮັບ​ເອົາ​ບັນ​ດາ​ແນວ​ຄິດ ຄວາມ​ກ້າວ​ກະ​ໂດດ ກັບ​ບັນ​ດາ​ຜຸ່​ຄົນ​ທີ່ບໍ່​ມີ​ແນວ​ຄວາມ​ຄິດ​ຕໍ່​ສິງ​ດັ່ງ​ກ່າວ​ມານີ້

ອົງ​ປະ​ກອບ​ໃນ​ການ​ແກ່ງ​ແຍ້ງ​ໃນ​ເມື່ອ​ກ່ອນ​ອາດ​ຈະ​ສຸມ​ໃສ່​ພຽງ​ແຕ່​ຄວາມ​ຮູ້​ທັກ​ສະ, ທືນ​ຮອນ ແລະ ທ່າ​ແຮງ​ດ້ານ​ການ​ເມືອງ, ແຕ່​ໃນ​ໄລ​ຍະ ການ​ປະ​ຕິ​ວັດ ອຸດ​ສາ​ຫະ​ກຳ 4.0 ນ​ອກ​ຈາກ​ຄວາມ​ຮູ້​ທັກ​ສະ ເຕັກ​ນິກ ແລ້ວ​ສິ່ງ​ສຳ​ຄັນ​ກວ່າ​ແມ່ນ​ຕ້ອງ​ມີ​ແນວ​ຄິດ​ປະ​ດິດ​ສ້າງ, ຄວາມ​ສະ​ແຫວງ​ຫາ​ບໍ່​ຢຸດຢັ້ງ​ຂອງ​ພະ​ນັກ​ງານ ແລະ ຄວາມ​ສາ​ມາ​ດ​ຂອງ​ບໍ​ລີ​ສັດ​ເພື່ອ​ທີ່​ຈະ​ຄຸ້ມ​ຄອ​ງ​ບໍ​ລິ​ຫານ​ການ​ປ່ຽນ​ແປງ, ກະ​ຕຸກ​ຊຸກ​ຍູ້​ຄວາມ​ສະ​ແຫວງ​ຫາ​ອັນ​ບໍ່​ຢຸດຢັ້ງ ແລະ ກໍ່ສ້າງ​ລະ​ບົບ​ກຳ​ມະ​ກອນ​ທີ່​ມີ​ຄວາມ​​ແທດ​ເໝາະ​ກັບ​ເຕັກ​ນິກ​ອັນ​ສັບ​ຊ້ອນ​ນັ້ນ​ແມ່ນ​ທ່າ​ແຮງ​ໃນ​ການ​ແກ່ງ​ແຍ້ງ​ອັນ​ສຳ​ຄັນ​ໃນ​ພື້ນ​ຖານ​ເສດ​ຖະ​ກິດ.

(ຫັດ​ທະ​ບູນ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll