ກອງປະຊຸມ ສຳມະນາການຄ້າ ແລະ ການລົງທຶນຫວຽດນາມ - ໄນຈີເຣຍ

14:21 2019/11/06

ຍສໝ - ໃນການຢ້ຽມຢາມ ໄນຈີເຣຍ ຢ່າງເປັນທາງການແຕ່ວັນທີ 28 ຫາວັນທີ 31 ຕຸລາ 2019, ທ່ານຮອງນາຍົກລັດຖະມົນຕີ ເວືອງດີງເຫ້ວ ໄດ້ເຂົ້າຮ່ວມ ແລະ ກ່າວປາໄສທີ່ກອງປະຊຸມສຳມະນາການຄ້າ ແລະ ການລົງທຶນຫວຽດນາມ - ໄນຈີເຣຍ. ລາຍງານໄດ້ຈັດຕັ້ງໂດຍກະຊວງອຸດສາຫະກຳ ແລະ ການຄ້າຫວຽດນາມ ສົມທົບກັບຫ້ອງການການຄ້າ ແລະ ອຸດສາຫະກຳ Abuja, ສະຖານທູດຫວຽດນາມປະຈຳ ໄນຈີເຣຍ ແລະ ອົງການການຄ້າຫວຽດນາມປະຈຳ ໄນຈີເຣຍ ແລະ ກະຊວງອຸດສາຫະກຳ ແລະ ການຄ້າ ໄນຈີເຣຍ.

ກ່າວຄຳເຫັນທີ່ກອງປະຊຸມສຳມະນາ, ທ່ານຮອງນາຍົກລັດຖະມົນຕີ ເວືອງດີງເຫ້ວ ໄດ້ຕີລາຄາວ່ານີ້ແມ່ນເຫດການສຳຄັນໃນການຮ່ວມມືດ້ານການຄ້າ ແລະ ການລົງທຶນລະຫວ່າງສອງປະເທດ. ທ່ານຮອງນາຍົກລັດຖະມົນຕີ ໄດ້ຕີລາຄາສູງຕໍ່ຜົນສຳເລັດອັນໃຫຍ່ຫຼວງຂອງປະເທດໄນຈີເຣຍ ໃນຊຸມປີທີ່ຜ່ານມາ, ເຮັດໃຫ້ ໄນຈີເຣຍ ເປັນປະເທດທີ່ມີເສດຖະກິດໃຫຍ່ເປັນອັນດັບ 2 ໃນອາຟຣິກາ ແລະ ເປັນອັນດັບໜຶ່ງຂອງອາຟຣິກາຕາເວັນຕົກ.

ທັດສະນີຍະພາບ ກອງປະຊຸມສຳມະນາ. (ພາບ: moit.gov.vn)

ທ່ານຮອງນາຍົກລັດຖະມົນຕີ ເວືອງດີງເຫ້ວ ສະແດງໃຫ້ເຫັນວ່າ ຫວຽດນາມຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ກັບບັນດາປະເທດອາຟຣິກາເວົ້າລວມ ແລະ ປະເທດໄນຈີເຣຍເວົ້າສະເພາະ. ວົງເງິນການຄ້າ ລະຫວ່າງສອງປະເທດ ເພີ່ມຂຶ້ນຢ່າງໄວວາຈາກ ແຕ່ 288 ລ້ານໂດລາສະຫະລັດໃນປີ 2014 ມາເປັນ 460 ລ້ານໂດລາສະຫະລັດ ແລະ ສືບຕໍ່ເພີ່ມຂື້ນເຊິ່ງເຮັດໃຫ້ ປະເທດໄນຈີເຣຍ ກາຍເປັນຄູ່ການຄ້າໃຫຍ່ທີ່ສຸດຂອງຫວຽດນາມ ໃນພາກພື້ນອາຟຣິກກາຕາເວັນຕົກ.

ທ່ານ Prince Adetokunbo Kayode, ປະທານສຳນັກການຄ້າ ແລະ ອຸດສາຫະກຳ Abuja ໃຫ້ຮູ້ວ່າ: ສະພາບການແລກປ່ຽນການຄ້າລະຫວ່າງສອງປະເທດ ໄດ້ມີການປ່ຽນແປງຢ່າງຕັ້ງໜ້າ, ສະເໜີ ບັນດາຂົງເຂດຮ່ວມມືທີ່ມີຄວາມສາມາດບົ່ມຊ້ອນສຳລັບ 2 ປະເທດຄື: ນ້ຳມັນ ແລະ ອາຍແກັດ, ການເດີນທະເລ, ການຂຸດຄົ້ນບໍ່ແຮ່, ຜະລິດໄຟຟ້າ, ພະລັງງານແສງຕາເວັນ, ກະສິກຳ, ການປຸງແຕ່ງໄມ້, ເກີບ, ການປຸງແຕ່ງໝາກກ່ໍ. ທ່ານ Kayode ຍັງໄດ້ກ່າວວ່າ ໄນຈີເຣຍ ຢາກນຳເຂົ້າເຄື່ອງຈັກ ແລະ ອຸປະກອນຈາກຫວຽດນາມ ແລະ ແນະນຳໃຫ້ວິສາຫະກິດ ຂອງສອງປະເທດສ້າງຕັ້ງການຮ່ວມທຶນໃນຂົງເຂດເຫຼົ່ານີ້.

ທ່ານຮອງນາຍົກລັດຖະມົນຕີເ ວືອງດີງເຫ້ວ ກ່າວຄຳປາໄສທີ່ກອງປະຊຸມສຳມະນາ.  (ພາບ: moit.gov.vn)

ກອງປະຊຸມສຳມະນາ ໄດ້ຮັບຄວາມເອົາໃຈໃສ່ຢ່າງໃຫຍ່ຫຼວງ ຈາກປະຊາຄົມວິສາຫະກິດກໍ່ຄືຜູ້ຕາງໜ້າ ບັນດາອົງການຄຸ້ມຄອງລັດໃນຂົງເຂດເສດຖະກິດຂອງສອງປະເທດ. ບັນດາອົງການຂອງລັດຖະບານ ແລະ ບັນດາວິສາຫະກິດຂອງສອງປະເທດ ໄດ້ປຶກສາຫາລືໂດຍກົງກ່ຽວກັບກົນໄກ, ນະໂຍບາຍ, ຂໍ້ສະດວກດີ ແລະ ຂໍ້ຫຍຸ້ງຍາກໃນການພົວພັນດ້ານເສດຖະກິດ, ການຄ້າ ແລະ ການລົງທຶນລະຫວ່າງສອງປະເທດ, ຜ່ານນັ້ນເພີ່ມທະວີການປັບປຸງ ຄວາມເຂົ້າໃຈກ່ຽວກັບຕະຫຼາດຂອງແຕ່ລະປະເທດ ແລະ ໂອກາດການຮ່ວມມືໃໝ່ ຈະເກີດຂື້ນໃນພາຍພາກໜ້າ.

ໝາກຜົນຂອງກອງປະຊຸມສຳມະນາ ມີຄວາມໝາຍສຳຄັນ ໃນການເພີ່ມທະວີການພົວພັນຮ່ວມມືມິດຕະພາບ ແລະ ເສດຖະກິດລະຫວ່າງຫວຽດນາມ ແລະ ໄນຈີເຣຍ, ປະກອບສ່ວນເຂົ້າໃນການຫັນປ່ຽນ ແລະ ເປີດກວ້າງຕະຫລາດນຳເຂົ້າ - ສົ່ງອອກຂອງຫວຽດນາມ.

(ຄຳຮຸ່ງ)
;

ຜູ່ອ່ານອາດຈະສົນໃຈ

ຄຳເຫັນຂອງຜູ້ອ່ານ
ຊື່ ແລະ ນາມສະກຸນ:
ອີເມວ :
ເນື້ອໃນ :
   
 
 
 
 
   
Mobile
TieuDe
ລະຫັດລັບ :  
ສົ່ງ
  Hiển thị    kết quả / trang
Không tìm thấy bản ghi nào
ບົດ​ຄວາມ​ຫລ້າ​ສຸດ
Scroll