ກອງທັບ ຫວຽດນາມ - ຍີ່ປຸ່ນ ຊຸກຍູ້ຮ່ວມມືແກ້ໄຂຜົນຮ້າຍຢ້ອນຫຼັງຈາກສົງຄາມ

09:40 2019/08/14

ຍສໝ - ໃນວັນທີ 13 ສິງຫາ, ຢູ່ສຳນັກງານກະຊວງປ້ອງກັນປະເທດ, ທ່ານພົນໂທ ຫງວຽນຈິວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ, ໄດ້ໃຫ້ການຕ້ອນຮັບທ່ານ Kunio Umeda, ເອກອັກຄະລັດຖະທູດຍີ່ປຸ່ນປະຈຳ ຫວຽດນາມ.

ທີ່ການຕ້ອນຮັບ, ທ່ານ ພົນໂທ ຫງວຽນຈິວິ້ງ ແລະ ທ່ານ Kunio Umeda ໄດ້ແລກປ່ຽນກ່ຽວກັບການຮ່ວມມືແກ້ໄຂຜົນຮ້າຍຢ້ອນຫຼັງຈາກລະເບີດຍັງບໍ່ທັນແຕກ ແລະ ທາດພິດສີສົ້ມ - ດີໂອຊິນ ພາຍຫຼັງສົງຄາມຢູ່ ຫວຽດນາມ. ທ່ານ ພົນໂທ  ຫງວຽນຈິວິ້ງ ໄດ້ຢັ້ງຢືນວ່າ ຍີ່ປຸ່ນແມ່ນໜຶ່ງໃນບັນດາປະເທດຊ່ວຍເຫຼືອຫວຽດນາມແກ້ໄຂຜົນຮ້າຍຢ້ອນຫຼັງຈາກສົງຄາມດ້ວຍຈິດໃຈທີ່ມີຄວາມເຈດຕະນາດີ, ເປັນເຈົ້າການ ແລະ ມີປະສິດທິຜົນທີ່ສຸດ, ສະເໜີໃຫ້ບັນດາອົງການຂອງ ຍີ່ປຸ່ນ ສົມທົບກໍ່ສ້າງແຜນການຮ່ວມມືໃນໄລຍະສັ້ນ ແລະ ໄລຍະຍາວ ກ່ຽວກັບການ ແກ້ໄຂຜົນຮ້າຍຢ້ອນຫຼັງຈາກສົງຄາມ. 

ທັດສະນີຍະພາບພົບປະເຈລະຈາ ລະຫວ່າງສອງຝ່າຍ. (ພາບ: qdnd.vn)

ທ່ານພົນໂທ ຫງວຽນຈິວິ້ງ ຖືວ່າ ໃນໄລຍະຈະມາເຖິງ, ສອງຝ່າຍຈະຕັ້ງໜ້າຍູ້ແຮງການຮ່ວມມືດ້ານປ້ອງກັນຊາດສອງຝ່າຍຕາມບັນດາຂໍ້ຕົກລົງທີ່ໄດ້ຮັບການລົງນາມແລ້ວ, ໃນນັ້ນຕ້ອງເອົາໃຈໃສ່ເຖິງການຮ່ວມມືບຳລຸງສ້າງ ແລະ ແກ້ໄຂຜົນຮ້າຍຢ້ອນຫຼັງຈາກສົງຄາມ ຢູ່ ຫວຽດນາມກ່ວາອີກ.

ກໍ່ໃນການຕ້ອນຮັບ, ທ່ານພົນໂທ ຫງວຽນຈິວິ້ງ ໄດ້ຢັ້ງຢືນວ່າ ກະຊວງປະກັນປະເທດ ຫວຽດນາມຍາມໃດກໍ່ສະໜັບສະໜູນຍີ່ປຸ່ນເພີ່ມທະວີການຮ່ວມມືກັບອາຊຽນ, ສະເໜີໃຫ້ຍີ່ປຸ່ນຕັ້ງໜ້າເຂົ້າຮ່ວມ, ສະໜັບສະໜູນບັນດາຂໍ້ລິເລີ່ມຂອງ ຫວຽດນາມ, ທາບທາມຄຳເຫັນຊ່ວຍໃຫ້ ຫວຽດນາມຈັດຕັ້ງສຳເລັດບັນດາກອງປະຊຸມ ແລະ ບັນດາການເຄື່ອນໄຫວໃນປີທີ່ ຫວຽດນາມດຳລົງຕຳແໜ່ງເປັນປະທານ ອາຊຽນ 2020.

ຄຳຮຸ່ງ
;

同类别新闻